அயோத்தி முதல் பஹிரா வரை... இந்த வாரம் மட்டும் இத்தனை தமிழ் படங்கள் ஓடிடியில் ரிலீஸா..! முழு லிஸ்ட் இதோ

தமிழ் சினிமாவில் வார வாரம் ஓடிடியிலும் படங்கள் வெளியாகி வரும் நிலையில், இந்த வாரம் மார்ச் 31-ந் தேதி 4 தமிழ் படங்கள் ஓடிடியில் ரிலீஸ் ஆகி உள்ளன.

அயோத்தி

சசிகுமார் நடிப்பில் கடந்த மார்ச் 3-ந் தேதி பெரியளவில் விளம்பரமே இல்லாமல் திரையரங்கில் ரிலீஸ் ஆன படம் தான் அயோத்தி. இதையடுத்து ரசிகர்களை கவரும் வகையில் படம் அமைந்திருந்ததால், அடுத்தடுத்த வாரங்களில் அதிக திரையரங்குகளில் ரிலீஸ் செய்யப்பட்டு பிளாக்பஸ்டர் ஹிட் ஆனது. இப்படம் இன்று (மார்ச் 31) ஜீ5 ஓடிடி தளத்தில் ரிலீஸ் ஆகி உள்ளது. இப்படத்தை மந்திரமூர்த்தி இயக்கி உள்ளார்.

அகிலன்

ஜெயம் ரவி, பிரியா பவானி சங்கர் நடிப்பில் கடந்த மார்ச் 10-ந் தேதி தியேட்டரில் ரிலீஸ் ஆன படம் அகிலன். பூலோகம் படத்தின் இயக்குனர் கல்யாண் கிருஷ்ணா இயக்கிய இப்படமும் இந்த வாரம் ஓடிடியில் ரிலீஸ் ஆகி உள்ளது. அதன்படி இப்படம் இன்று (மார்ச் 31) ஜீ5 ஓடிடி தளத்தில் ரிலீஸ் ஆகி உள்ளது.

பஹிரா

ஆதிக் ரவிச்சந்திரன் இயக்கத்தில் பிரபுதேவா நடித்த திரைப்படம் பஹிரா. சைக்கோ திரில்லர் கதையம்சம் கொண்ட இப்படத்தில் சாக்‌ஷி, அமைரா, சஞ்சிதா ஷெட்டி, ஜனனி, ரம்யா நம்பீசன், யாஷிகா என ஏகப்பட்ட ஹீரோயின்கள் நடித்திருந்தனர். இப்படம் இன்று (மார்ச் 31) சன் நெக்ஸ்ட் ஓடிடி தளத்தில் ரிலீஸ் ஆகி உள்ளது.

இதையும் படியுங்கள்... பிகினி ரேஞ்சுக்கு படு கிளாமரான உடையில்... விதவிதமா கவர்ச்சி போஸ் கொடுத்து கிக்கேற்றிய ஷிவானி - ஹாட் கிளிக்ஸ்

அரியவன்

திருச்சிற்றம்பலம் படத்தின் இயக்குனர் மித்ரன் ஆர் ஜவஹர் இயக்கத்தில் ரிலீசான படம் தான் அரியவன். புதுமுகங்கள் நடித்திருந்த இப்படம் கடந்த மார்ச் 3-ந் தேதி திரையரங்கில் ரிலீஸ் ஆனது. இந்நிலையில், தற்போது இப்படம் ஓடிடி தளத்துக்கு வந்துள்ளது. அதன்படி இன்று (மார்ச் 31) இப்படம் டெண்ட்கொட்டா ஓடிடியில் ரிலீஸ் ஆகி உள்ளது.

மற்ற மொழி படங்கள்

தெலுங்கில் அமிகோஸ் திரைப்படம் நெட்பிளிக்ஸிலும், ஸ்ரீதேவி சோபன்பாபு ஹாட்ஸ்டாரிலும், ஷாதி கானி ரெண்டு எகருலு படம் ஆஹா ஓடிடியிலும் ரிலீஸ் ஆகி உள்ளன. அதேபோல் இந்தியில் ஷேசடா நெட்பிளிக்ஸிலும், கேஸ்லைட் ஹாட்ஸ்டாரிலும் ரிலீஸ் ஆனது. மலையாளத்தில் என்கிலும் சந்திரிகே சிம்ப்ளி சவுத் ஓடிடியிலும், கன்னடத்தில் ஹோண்டிசி பரேயிரி திரைப்படம் ஏப்ரல் 1 முதல் அமேசான் பிரைமில் நேரடியாக ரிலீஸ் ஆக உள்ளது.

இதையும் படியுங்கள்... Viduthalai movie review : சூரி, விஜய் சேதுபதி நடிப்பில் ''விடுதலை-1'' - மக்கள் கருத்து!