பாரதிராஜாவுக்கு திருமணம் செய்தே தீருவேன்...அடம்பிடிக்கும் இளையராஜா
First Published Sep 8, 2022, 1:53 PM ISTமருத்துவமனையில் இருந்த பாரதிராஜாவை சந்தித்த இளையராஜா தான் வெளியூர் சென்று விட்டு திரும்புகிறேன் என அவசரமாக கிளம்பியுள்ளார்.
மருத்துவமனையில் இருந்த பாரதிராஜாவை சந்தித்த இளையராஜா தான் வெளியூர் சென்று விட்டு திரும்புகிறேன் என அவசரமாக கிளம்பியுள்ளார்.
திரை உலகில் பிரபல இயக்குனராக வலம் வந்தவர் பாரதிராஜா. தனக்கென தனி பாணியை உருவாக்கிக் கொண்டு அசைக்க முடியாத இடத்தைப் பிடித்திருந்த இவரின் இயக்கத்தில் வெளியான நாயகிகள் பலரும் 90களில் முன்னணி ஹீரோயின்கள் ஆகியுள்ளார். ராதா, ராதிகா, ரேவதி என தமிழ் திரை உலகிற்கு நடிப்பில் சிறந்த ஆக்ட்ரஸை கொடுத்த பெருமை இவரையே சேரும். அதோடு மண்வாசனை மணக்கும் கிராமத்து கதைகளை இயக்குவதில் பெயர் போனவர் பாரதிராஜா. இவர் இறுதியாக மீண்டும் மரியாதை என்னும் படத்தை இயக்கி இருந்தார்.
இதை அடுத்து நடிப்பிலும் கவனம் செலுத்தி வந்த பாரதிராஜா சமீபத்தில் வெளியான திருச்சிற்றம்பலம் படத்தில் தனுசுக்கு தாத்தாவாக நடித்திருந்தார். அவரது நடிப்பு படத்தில் வெகுவான பாராட்டுகளை பெற்றிருந்தது.
மேலும் செய்திகளுக்கு...என்னது...புஷ்பா -2 வில் சாய்பல்லவியா? கதாபாத்திரம் குறித்து வெளியான சூப்பர் அப்டேட்
இந்நிலையில் பாரதிராஜா அவர்களுக்கு திடீர் உடல் நலக்குறைவு ஏற்பட்டது. அவர் மதுரையில் இருந்து சென்னை திரும்புகையில் ஏர்போர்ட்டில் மயங்கி விழுந்தார். இதை அடுத்து மருத்துவ சிகிச்சை எடுத்துக்கொண்ட பாரதிராஜா ஒரு நாள் முழுவதும் மதுரையிலே தங்கி விட்டு மறுநாள் சென்னை திரும்பினார். நீலாங்கரையில் உள்ள தனது வீட்டில் ஓய்வெடுத்து வந்த அவருக்கு மீண்டும் உடல் நலக்குறைவு ஏற்பட்டது. இதையடுத்து சென்னையில் உள்ள தனியார் மருத்துவமனையில் சிகிச்சைக்காக சேர்க்கப்பட்டவர். மேல் சிகிச்சைக்காக மற்றொரு மருத்துவமனைக்கு மாற்றப்பட்டார். இதற்கிடையே மருத்துவமனையில் இருக்கும் பாரதிராஜாவை இளையராஜா, வைரமுத்து, ராதிகா உள்ளிட்டோர் நேரில் சென்று ஆறுதல் கூறி வந்தனர்.
அதேபோல சமீபத்தில் பாரதிராஜாவை நேரில் சந்தித்த தனுஷ் மருத்துவ செலவை முழுதுமாக ஏற்று கொள்வதாக கூறியுள்ளார். ஆனால்முன்னதாகவே ஏ.சி.சண்முகம் என்பவர் முழு செலவையும் ஏற்றுக்கொண்டுவிட்டார் என மருத்துவமனை தரப்பில் தெரிவிக்கப்பட்டது.
மேலும் செய்திகளுக்கு...மாட்டுக்கறி சாப்பிட்டா தப்பு இல்லையா.? ரன்பீர் ஆலியாபட்டை கோவிலுக்குள் விடாமல் விரட்டிய விஷ்ய இந்து பரிஷத்.
இந்நிலையில் பாரதிராஜாவிடம் இளையராஜா சுவாரசியமாக பேசி இருந்த ஆடியோ கிளிப் குறித்த தகவல் வெளியாகியுள்ளது. அதாவது மருத்துவமனையில் இருந்த பாரதிராஜாவை சந்தித்த இளையராஜா தான் வெளியூர் சென்று விட்டு திரும்புகிறேன் என அவசரமாக கிளம்பியுள்ளார்.
பின்னர் காரில் இருந்தபடி வாட்ஸாப் வாய்ஸ் மெசேஜ் அனுப்பியுள்ளார். அதில், நீ சீக்கிரம் வந்துருவ இந்த திருக்கடையூர் ஸ்ரீதர் என்று ஒருவர் உனக்கு 80 வது கல்யாணம் பண்ணனும்னு ரொம்ப ஆர்வமா இருக்காரு நான் ஊருக்கு போயிட்டு வந்ததும் அதை சிறப்பாக பண்ணிடுவோம் என்று கூறியுள்ளார். தனது தோழனின் உற்சாகமான வார்த்தையை கேட்ட பாரதிராஜா புது தெம்பு அடைந்ததாக கூறப்படுகிறது.
இதையும் படியுங்கள்: amit shah security: அமித் ஷா பாதுகாப்பில் அத்துமீறல்: மும்பையில் ஒருவர் கைது: போலீஸார் விசாரணை