காலா பட நாயகி ஹூமா குரேஷியின் சகோதரர் அடித்துக் கொ**ல..! பார்க்கிங் பிரச்சனையால் அதிர்ச்சி

பாலிவுட் நடிகை ஹூமா குரேஷியின் சகோதரர் பார்க்கிங் பிரச்சனையால் அடித்து கொலை செய்யப்பட்ட சம்பவம் பரபரப்பை ஏற்படுத்தி உள்ளது.

Huma Qureshi Relative murder in Scooty parking dispute

டெல்லியின் நிஜாமுதீன் பகுதியில் அதிர்ச்சியூட்டும் சம்பவம் ஒன்று நிகழ்ந்துள்ளது. ஸ்கூட்டி நிறுத்துவது தொடர்பான தகராறு முற்றி ஒருவர் கொலை செய்யப்பட்டுள்ளார். வியாழக்கிழமை இரவு 11 மணியளவில் இந்த சம்பவம் நடந்துள்ளது. பாலிவுட் நடிகை ஹூமா குரேஷியின் உறவினர் ஆசிஃப் குரேஷி கொல்லப்பட்டார்.

வீட்டின் வாசலில் ஸ்கூட்டி நிறுத்துவது தொடர்பாக ஏற்பட்ட தகராறு வியாழக்கிழமை வாக்குவாதத்தில் முற்றியது. பின்னர் அது கைகலப்பாக மாறியது. இதையடுத்து, ஹூமா குரேஷியின் உறவினர் ஆசிஃப் குரேஷி மீது தாக்குதல் நடத்தப்பட்டது. இந்த சம்பவத்தில் படுகாயமடைந்த ஆசிஃப் குரேஷி உடனடியாக மருத்துவமனைக்கு கொண்டு செல்லப்பட்டார், அங்கு அவர் இறந்துவிட்டதாக மருத்துவர்கள் அறிவித்தனர்.

ஹூமா குரேஷியின் சகோதரர் கொலை

இந்த சம்பவம் தொடர்பாக டெல்லி போலீசார் விசாரணை நடத்தி வருகின்றனர். வீட்டின் வாசலில் ஸ்கூட்டி நிறுத்துவது தொடர்பாக ஏற்பட்ட பிரச்சனையே இந்த சம்பவத்திற்கு காரணம் என்று போலீசார் தெரிவித்தனர்.

வாக்குவாதம் முற்றி கைகலப்பாக மாறியபோது, இரண்டு பேர் ஹூமா குரேஷியின் உறவினர் ஆசிஃப் குரேஷி மீது தாக்குதல் நடத்தினர். இந்த சம்பவத்தில் படுகாயமடைந்த ஆசிஃப் குரேஷி சம்பவ இடத்திலேயே உயிரிழந்தார். இந்த சம்பவம் தொடர்பாக இரண்டு பேரை போலீசார் கைது செய்துள்ளனர். விசாரணை நடைபெற்று வருகிறது.

ஷூட்டிங்கில் பிசியாக இருக்கும் ஹூமா குரேஷி

இந்த சம்பவம் குறித்து ஹூமா குரேஷி இதுவரை எந்த கருத்தும் தெரிவிக்கவில்லை. ஆசிஃப் குரேஷி, ஹூமாவின் சித்தப்பா மகன் என்று கூறப்படுகிறது. தற்போது தனது படப்பிடிப்பில் மும்முரமாக இருக்கும் ஹூமா, கிட்டத்தட்ட 20 ஆண்டுகளுக்குப் பிறகு 'கோஸ்லா கா கோஸ்லா 2' படத்தில் நடிக்கிறார். 2006 ஆம் ஆண்டு வெளியான இந்த படத்தின் முதல் பாகத்தில் அனுபம் கெர், போமன் இராணி, ரன்பீர் ஷோரி, விஜய் ராஜ், பிரவீன் டாபாஸ் மற்றும் ஹூமா ஆகியோர் நடித்திருந்தனர். இந்த நகைச்சுவை படத்தின் இரண்டாம் பாகம் தற்போது தயாராகி வருகிறது. திரைக்கதை பணிகள் இன்னும் நடைபெற்று வருவதாகவும், நடிகர்கள் தேர்வு இன்னும் முடிவடையவில்லை என்றும் கூறப்படுகிறது. அனைத்தும் திட்டமிட்டபடி நடந்தால், நவம்பர் மாதம் படப்பிடிப்பு தொடங்கும்.

இந்த சூழ்நிலையில், ஹூமாவின் உறவினர் டெல்லியில் கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. இந்த கொலை வழக்கு தொடர்பாக விசாரணை நடைபெற்று வருகிறது. இரண்டு பேர் கைது செய்யப்பட்டுள்ளனர். அவர்கள் எப்போது நீதிமன்றத்தில் ஆஜர்படுத்தப்படுவார்கள் என்பது குறித்த தகவல் இதுவரை வெளியாகவில்லை.