அரியவகை நோய் பாதிப்பால் அவதிப்பட்டு வந்த ஹே ராம் பட நடிகர் காலமானார் - சோகத்தில் திரையுலகினர்

பாலிவுட்டில் பல்வேறு பிளாக்பஸ்டர் ஹிட் படங்களில் நடித்தவரும், தமிழில் கமலின் ஹே ராம் படத்தில் பணியாற்றியவருமான நடிகர் அருண் பாலி காலமானார்.

பழம்பெரும் பாலிவுட் நடிகரான அருண் பாலி காலமானார். அவருக்கு வயது 79. myasthenia gravis என்கிற அரியவகை நோய் பாதிப்பால் அவதிப்பட்டு  வந்த அருண் பாலி, தற்போது சிகிச்சை பலனின்றி உயிரிழந்துள்ளார். அவரது மறைவு பாலிவுட் திரையுலகினரை சோகத்தில் ஆழ்த்தி உள்ளது. ரசிகர்களும், திரையுலக பிரபலங்களும் அருண் பாலியின் மறைவுக்கு இரங்கல் தெரிவித்து வருகின்றனர்.

பாலிவுட்டில் பிளாக்பஸ்டர் ஹிட்டான அமீர்கானின் 3 இடியட்ஸ் மற்றும் ஷாருக்கானின் ராம் ஜானே ஆகிய படங்களில் முக்கிய கதாபாத்திரங்களில் நடித்து இருந்தார் அருண் பாலி. 

இதையும் படியுங்கள்... ஆயிஷா முதல் ஜிபி முத்து வரை... பிக்பாஸ் சீசன் 6-ல் கலந்துகொள்ள உள்ள போட்டியாளர்கள் யார்... யார்? - முழு விவரம்

இதுதவிர இந்தி சீரியல்களிலும் நடித்து பாப்புலர் ஆன இவர் படங்களையும் தயாரித்து உள்ளார். இவர் சிறந்த தயாரிப்பாளருக்கான தேசிய விருதையும் வாங்கி உள்ளார். 

கமல் நடித்து, இயக்கிய ஹே ராம் படத்திலும் அருண் பாலி முக்கிய கதாபாத்திரத்தில் நடித்திருந்தார். அப்படத்தில் பெங்கால் முதலமைச்சர் கதாபாத்திரத்தில் அவர் நடித்து இருந்தார். அருண் பாலியின் இறுதிச்சடங்கும் மும்பையில் நடைபெற உள்ளது. அவரது உடலுக்கு திரைப்பிரபலங்கள் அஞ்சலி செலுத்தி வருகின்றனர்.

இதையும் படியுங்கள்... மாடர்ன் அரண்மனை போல் ஜொலிக்கும் பிக்பாஸ் வீடு... எக்ஸ்குளூசிவ் போட்டோஸ் இதோ