12 ஆண்டுகளுக்கு முன் விஜய் கைவிட்ட படம்; தூசிதட்டி எடுக்கும் விஷால்!
First Published | Jan 19, 2025, 8:27 AM ISTநடிகர் விஜய் நடிப்பில் 12 ஆண்டுகளுக்கு முன் உருவாக இருந்து கைவிடப்பட்ட திரைப்படத்தை நடிகர் விஷால் மீண்டும் தூசிதட்டி எடுக்க உள்ளாராம்.
☰
vishal, Vijay
2025-ம் ஆண்டு தமிழ் சினிமாவிற்கு முதல் பிளாக்பஸ்டர் ஹிட்டை கொடுத்தது விஷால் தான். சுந்தர் சி இயக்கத்தில் அவர் நடித்த மதகஜராஜா திரைப்படம் இந்த ஆண்டு பொங்கல் பண்டிகைக்கு ரிலீஸ் ஆகி சக்கைப்போடு போட்டு வருகிறது. இதில் என்ன ஆச்சர்யம் என்றால், இப்படம் கடந்த 12 ஆண்டுகளாக ரிலீஸ் ஆகாமல் இருந்து தற்போது ரிலீஸ் ஆகி இருக்கிறது. சந்தானத்தின் காமெடி, விஷாலின் ஆக்ஷன், அஞ்சலி மற்றும் வரலட்சுமியின் கிளாமர் என பக்கா கமர்ஷியல் படமாக இருந்ததால் மதகஜராஜா இந்த ஆண்டின் பொங்கல் வின்னராக மாறி உள்ளது.
vishal
இதுவரை நடிகராக இருந்த விஷாலை பாடகராக மாற்றியதும் மதகஜராஜா திரைப்படம் தான். இப்படத்தில் விஜய் ஆண்டனி இசையில் விஷால் ‘மை டியர் லவ்வரு’ என்கிற பாடலை பாடி இருந்தார். அப்பாடல் சூப்பர் டூப்பர் ஹிட் அடித்தது. இதனால் நேற்று சென்னையில் நடைபெற்ற விஜய் ஆண்டனியின் இசை நிகழ்ச்சியில் கலந்துகொண்ட நடிகர் விஷால், மை டியர் லவ்வரு பாடலை பாடி ரசிகர்களை உற்சாகத்தில் ஆழ்த்தினார். மதகஜராஜா படத்தின் வெற்றிக்கு பின் தான் நடிக்கும் படங்களின் பட்டியலை அண்மையில் வெளியிட்டார் விஷால்.
இதையும் படியுங்கள்... விஷாலை கட்டி அணைத்து நலம் விசாரித்த அஞ்சலி!மதகஜராஜா வெற்றிவிழாவில் நடந்த சம்பவம் |Asianet News Tamil
Tap to resize
Yohan Movie Revived
அந்த வகையில் தன்னுடைய அடுத்த படத்தை கெளதம் மேனன் இயக்க உள்ளதாக அறிவித்த விஷால், அப்படத்திற்கு பின் துப்பறிவாளன் 2 படத்தை எடுக்க உள்ளதாகவும், அது முடித்ததும் அஜய் ஞானமுத்து இயக்கத்தில் ஒரு படத்தில் நடிக்க உள்ளார். இதுதவிர சுந்தர் சி மற்றும் விஜய் ஆண்டனி காம்போவில் உருவாகும் ஒரு படத்தில் ஹீரோவாக நடிக்க பேச்சுவார்த்தை நடப்பதாகவும் விஷால் அறிவித்தார். இந்த நிலையில் கெளதம் மேனன் இயக்கத்தில் விஷால் நடிக்கும் படம் குறித்த ஒரு சுவாரஸ்ய தகவல் வெளியாகி உள்ளது.
vishal, Gautham Menon
அதன்படி நடிகர் விஜய்யை வைத்து கெளதம் மேனன் இயக்குவதாக இருந்து கைவிடப்பட்ட யோஹான் அத்தியாயம் ஒன்று திரைப்படத்தை தான் தற்போது விஷால் தூசி தட்டி எடுக்க உள்ளதாக கூறப்படுகிறது. 12 ஆண்டுகளுக்கு முன் எடுக்கப்பட்ட மதகஜராஜா ஹிட் ஆனதால், 12 ஆண்டுகளுக்கு முன் விஜய் நடிக்க இருந்து கைவிடப்பட்ட யோஹான் படத்தை விஷால் கையில் எடுத்துள்ளதாக தகவல் வெளியாகி உள்ளது. கெளதம் மேனன் - விஷால் காம்போ யாரும் எதிர்பார்க்காத ஒன்று என்பதால் இப்படத்தின் மீதான எதிர்பார்ப்பு அதிகரித்து உள்ளது.
இதையும் படியுங்கள்... மதகஜராஜா எனக்கு ஒரு ஸ்பெஷல் படம்! வெற்றி விழாவில் சுந்தர் சி பேச்சு!| Asianet News Tamil
Latest Videos
சேனலை கிளிக் செய்து பின்தொடரவும்click me!