கேங்கர்ஸிடம் சிக்கி சின்னாபின்னமான சுமோ! பாக்ஸ் ஆபிஸ் வசூல் நிலவரம் இதோ

கோடை விடுமுறைக்காக போட்டிபோட்டு ரிலீஸ் ஆன வடிவேலு, சுந்தர் சி நடித்த கேங்கர்ஸ் மற்றும் சிவாவின் சுமோ ஆகிய படங்களின் வசூல் நிலவரத்தை பார்க்கலாம்.

Gangers vs Sumo Box Office Collection : கோடை காலம் வந்துவிட்டாலே பள்ளிகளுக்கு விடுமுறை விடப்படும். இதைக் கருத்தில் கொண்டு குழந்தைகளை கவரும்படியான படங்கள் அதிகளவில் ரிலீஸ் ஆகும். அந்த வகையில் இந்த ஆண்டு கோடை விடுமுறைக்கு சுந்தர் சி இயக்கிய கேங்கர்ஸ் திரைப்படமும், அகில உலக சூப்பர்ஸ்டார் சிவா நடித்த சுமோ திரைப்படமும் கடந்த வாரம் ரிலீஸ் ஆனது. இந்த இரண்டு படங்களின் பாக்ஸ் ஆபிஸ் வசூல் நிலவரம் என்ன என்பதைப் பற்றி தற்போது விரிவாக பார்க்கலாம்.

Gangers

பாக்ஸ் ஆபிஸில் கெத்து காட்டும் கேங்கர்ஸ்

கேங்கர்ஸ் திரைப்படத்தை சுந்தர் சி இயக்கியதோடு அதில் ஹீரோவாகவும் நடித்திருந்தார். இப்படத்தில் நகைச்சுவை நடிகர் வடிவேலுவும் முக்கிய கதாபாத்திரத்தில் நடித்திருக்கிறார். சுந்தர் சி - வடிவேலு காம்போவில் இதற்கு முன் வெளிவந்த படங்கள் எல்லாம் மிகப்பெரிய அளவில் ஹிட்டடித்தன. அதேபோல் இந்தப் படமும் ரசிகர்கள் மத்தியில் அமோக வரவேற்பை பெற்று வருகிறது. இதில் கேங்கர்ஸ் திரைப்படம் தமிழ்நாட்டில் நேற்று மட்டும் ரூ.1.9 கோடி வசூலித்து உள்ளது. இதுவரை கேங்கர்ஸ் திரைப்படம் தமிழ்நாட்டில் மட்டும் ரூ.6 கோடிக்கு மேல் வசூலித்து இருக்கிறது.

இதையும் படியுங்கள்... பாக்ஸ் ஆபிஸில் குட் பேட் அக்லியை ஓட ஓட விரட்டும் கேங்கர்ஸ் - ஆத்தாடி இத்தனை கோடி வசூலா?

Sumo Movie

பாக்ஸ் ஆபிஸில் பஞ்சரான சுமோ

சுமோ திரைப்படத்தை ஹோசிமின் இயக்கி இருந்தார். இப்படத்தில் சிவா ஹீரோவாகவும், அவருக்கு ஜோடியாக பிரியா ஆனந்தும் நடித்திருந்தார். மேலும் ஜப்பானை சேர்ந்த சுமோ வீரர் ஒருவரும் முக்கிய கதாபாத்திரத்தில் நடித்திருந்த இப்படம் கடந்த ஏப்ரல் 25ந் தேதி திரைக்கு வந்தது. இப்படத்தை வேல்ஸ் பிலிம்ஸ் நிறுவனம் சார்பில் ஐசரி கணேஷ் தயாரித்து இருந்தார். இப்படம் குழந்தைகளும் கவரும் வகையில் இருக்கும் என கூறப்பட்ட நிலையில், படம் வெளியாகி சுமாரான வரவேற்பை பெற்றுள்ளது. இப்படம் ரிலீஸ் ஆன மூன்று நாட்களில் தமிழ்நாட்டில் வெறும் 27 லட்சம் மட்டுமே வசூலித்து உள்ளது.

Gangers movie Box Office

கேங்கர்ஸ் vs சுமோ வசூல்

கேங்கர்ஸ் படத்துக்கு போட்டியாக வெளியானாலும் சுமோவுக்கு மிகவும் சுமார் வரவேற்பு தான் கிடைத்துள்ளது. கேங்கர்ஸ் vs சுமோ மோதலில் கேங்கர்ஸ் படம் தான் வெற்றிபெற்று உள்ளது. அப்படம் தமிழ்நாட்டிலேயே 6 கோடிக்கு மேல் வசூல் வேட்டையாடி உள்ள நிலையில், அதற்கு போட்டியாக வந்த சுமோ திரைப்படம் தமிழ்நாட்டில் இன்னும் ஒரு கோடி கூட வசூலிக்கவில்லை. அடுத்து வார நாட்கள் வருவதால் சுமோ படத்தின் வசூல் மேலும் சரிவை சந்திக்க வாய்ப்புள்ளது. இதனால் மிகப்பெரிய தோல்வி படமாகவும் அது மாற வாய்ப்புள்ளது.

இதையும் படியுங்கள்... கேங்கர்ஸை போல் காமெடியில் கலக்கியதா சுமோ? விமர்சனம் இதோ