துணிவு கெட்-அப்பில் அஜித்துக்கு சிலை வைத்த வெறித்தனமான ரசிகர் - வைரலாகும் போட்டோ

தேனியை சேர்ந்த அஜித்தின் தீவிர ரசிகர் ஒருவர், துணிவு பட கெட்-அப்பில் இருக்கும் அஜித்தின் சிலையை வடிவமைத்துள்ளார். 

நடிகர் அஜித் நடித்துள்ள துணிவு திரைப்படம் வருகிற பொங்கல் பண்டிகைக்கு திரைக்கு வர உள்ளது. எச்.வினோத் இயக்கியுள்ள இப்படத்தில் நடிகர் அஜித்துடன் மலையாள நடிகை மஞ்சு வாரியர், பிக்பாஸ் பிரபலங்கள் சிபி, அமீர், பாவனி, மமதி சாரி ஆகியோரும் முக்கிய கதாபாத்திரங்களில் நடித்துள்லார். ஜிப்ரான் இப்படத்திற்கு இசையமைத்து உள்ளார்.

துணிவு படத்தை போனி கபூர் தயாரித்துள்ளார். ஏற்கனவே அஜித் நடித்த நேர்கொண்ட பார்வை, வலிமை போன்ற படங்களை தயாரித்துள்ள இவர் தற்போது மூன்றாவது முறையாக அஜித்துடன் இணைந்துள்ள படம் தான் துணிவு. பொங்கலுக்கு ரிலீசாக உள்ள இப்படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவீஸ் நிறுவனம் வெளியிடுகிறது.

இதையும் படியுங்கள்... விஜயகாந்த் ஆளு நீ.. உனக்கு சான்ஸ் கிடையாதுனு சொல்லி வடிவேலு அசிங்கப்படுத்தினார்... பிரபல நடிகர் பகீர் பேட்டி

துணிவு படத்தின் ரிலீசுக்கு இன்னும் ஒரு மாதமே எஞ்சி உள்ளதால் இப்படத்தின் அப்டேட்டுகளும் அடுத்தடுத்து வெளியான வண்ணம் உள்ளன. சமீபத்தில் இப்படத்தில் அனிருத் பாடிய சில்லா சில்லா என்கிற பாடலை வெளியிட்டு இருந்தனர். ஜிப்ரான் இசையமைத்திருந்த இப்பாடல் தான் தற்போது டிரெண்டிங்கில் உள்ளது. அதேபோல் புரமோஷன் பணிகளும் விறுவிறுப்பாக நடந்து வருகிறது.

வழக்கம்போல் அஜித் இப்படத்தின் புரமோஷனில் கலந்துகொள்ள மாட்டேன் என சொல்லிவிட்டதால், அவரது ரசிகர்களே இதனை முழுவீச்சில் செய்து வருகின்றனர். அந்த வகையில் தேனியை சேர்ந்த அஜித்தின் தீவிர ரசிகர் ஒருவர், துணிவு பட கெட் அப்பில் இருக்கும் அஜித்தின் சிலையை வடிவமைத்துள்ளார். அந்த சிலையின் புகைப்படம் தான் தற்போது வைரலாகி வருகிறார். 

இதையும் படியுங்கள்... Sarathkumar: நடிகர் சரத்குமார் மருத்துவமனையில் அனுமதி! என்ன ஆச்சு..? வெளியான பரபரப்பு தகவல்..!