தளபதி விஜய் 'வாரிசு' படத்திற்கு வாங்கிய சம்பளம் குறித்த தகவல் சமூக வலைத்தளத்தில் வெளியாகி திரையுலகினரை அதிர்ச்சியடைய செய்துள்ளது.
தமிழ் திரையுலகில் வசூல் மன்னனாக இருக்கும் தளபதி விஜய்... கடைசியாக நடித்த வெளியான பீஸ்ட் திரைப்படம் கலவையான விமர்சனங்களை பெற்று தோல்வியை தழுவிய நிலையில், இந்த படத்தை தொடர்ந்து 'வாரிசு' படத்தில் நடித்து வருகிறார்.
முதல் முறையாக தெலுங்கு திரைப்பட இயக்குனர் வம்சி இயக்கத்தி, விஜய் நடித்து வரும் இந்த திரைப்படம் குடும்ப சென்டிமென்டை அடிப்படையாக வைத்து, ஆக்ஷன் திரைப்படமாக உருவாகியுள்ளது. இந்த படத்தின் படப்பிடிப்பு இறுதி கட்டத்தை எட்டியுள்ள நிலையில், விரைவில் முடிவடையும் என எதிர்பார்க்கப்படுகிறது.
'விக்ரம்' பட பாணியில்... 'தளபதி 67'..! படப்பிடிப்புக்கு முன்னர் புது பிளான் போட்ட லோகேஷ் கனகராஜ்..!
பொங்கல் பண்டிகையை முன்னிட்டு ஜனவரி 12 ஆம் தேதி 'வாரிசு' திரைப்படம் வெளியாக உள்ளதாக அதிகார பூர்வமாக தகவல் வெளியாகியுள்ள நிலையில், 'வாரிசு' படத்தின் புரமோஷன் மற்றும் போஸ்ட் புரோடக்ஷன் பணிகளிலும் படக்குழு அதிக கவனம் செலுத்தி வருகிறது.
ரசிகர்களின் மிகப்பெரிய எதிர்பார்ப்புக்கு மத்தியில் உருவாகியுள்ள இந்த படத்தில்... விஜய்க்கு ஜோடியாக ராஷ்மிகா மந்தனா நடித்துள்ளார். மேலும் முக்கிய கதாபாத்திரத்தில், பிரகாஷ்ராஜ், பிரபு, சரத்குமார், சங்கீதா, சம்யுக்தா உள்ளிட்ட பலர் நடித்துள்ளனர்.
பாரதிக்கு காத்திருக்கும் அடுத்தடுத்த அதிர்ச்சி? DNA ரிசல்ட்டை தொடர்ந்து தெரியவரும் இரண்டு உண்மைகள்!
அஜித்தின் 'துணிவு படத்துடன் 'வாரிசு' திரைப்படம், மோத உள்ள நிலையில்... 'வாரிசு' படத்தில் நடிக்க விஜய் எவ்வளவு சம்பளம் பெற்றுள்ளார் என்பது குறித்த தகவல் தற்போது வெளியாகியுள்ளது. மேலும், வாரிசு படத்திற்காக விஜய் சுமார் 125 கோடி சம்பளமாக பெற்றுள்ளார் என கூறப்படுகிறது. கடைசியாக நடித்த பீஸ்ட் படத்திற்கு கூட 80 கோடி மட்டுமே விஜய் சம்பளமாக பெற்ற நிலையில்... தற்போது அதை விட 45 கோடி, அதிகமாக பெற்றுள்ளார். இந்த தகவல் திரையுலகினரையே அதிர்ச்சியடைய செய்துள்ளது.