வித்தியாசமான கதையம்சம் கொண்ட படங்களை இயக்குவதில் ஆர்வம் கொண்டவர் பார்த்திபன். சமீபகாலமாக இவரின் படைப்புகள் வியப்பை ஏற்படுத்துகின்றன. கடந்த 2019-ம் ஆண்டு இவர் இயக்கி இவர் மட்டுமே படம் முழுக்க நடித்திருந்த ஒத்த செருப்பு படம், உலக சினிமா ரசிகர்களின் கவனத்தை ஈர்த்தது. இதனை மிஞ்சும் வகையில் அவர் எடுத்த படம் தான் இரவின் நிழல்.
இப்படத்த ஒரே ஷாட்டில் படமாக்கி இருந்தார். உலகிலேயே நான் லீனியர் முறையில் படமாக்கப்பட்ட முதல் சிங்கிள் ஷாட் திரைப்படம் இரவின் நிழல் என பார்த்திபன் வெளிப்படையாக விளம்பரம் செய்தார். ஆனால் இது முதல் நான் லீனியர் சிங்கிள் ஷாட் படமில்லை எனவும், பார்த்திபன் சொல்வது பொய் என்றும் தொடர்ந்து மல்லுக்கட்டி வந்தார் ப்ளூ சட்டை மாறன்.
அதில் அவர் கூறியதாவது : “இரவின் நிழல் திரைப்படம் யாருக்கும் தெரியாமலே, எந்தவித புரமோஷனும் இல்லாமலே அமேசான் பிரைமில் வெளியாகி உள்ளது. அதில் உள்ள கமெண்ட்ஸில் எனக்கு சுத்தமாக உடன்பாடு இல்லை. அதனை மாற்ற முடியுமா என்பது தெரியவில்லை. தொட்டி நிறைய பாலில் கலந்த ஒரு சொட்டு விஷம் மாதிரி எதிர்மறை விமர்சனங்கள், மிகப்பெரிய படைப்பைக் கூட கஷ்டப்படுத்திவிடுகிறது.