மகள் திருமணத்துக்கு முன் மாஸ்டர் பட நடிகைக்கு 2ம் திருமணம் - ஆச்சர்யத்தில் ரசிகர்கள்

மாஸ்டர், மெர்சல், ஜில்லா போன்ற படங்களில் நடித்த நடிகைக்கு அவருடைய மகள் விரைவில் இரண்டாம் திருமணம் செய்துவைக்க இருக்கிறாராம். அதைப்பற்றி இந்த தொகுப்பில் பார்க்கலாம்.

Surekha Vani Second Marriage

தென்னிந்திய திரையுலகில் குணச்சித்திர வேடங்களில் நடித்து பிரபலமானவர் நடிகை சுரேகா வாணி. இவருக்கு தற்போது பட வாய்ப்புகள் இல்லை. ஒன்றரை வருடமாக அவர் மேக்கப் போடவில்லை, ஒரு வாய்ப்பு கூட வரவில்லை என அவரது மகள் சுப்ரிதா தெரிவித்துள்ளார். அம்மாவுக்கு வாய்ப்புகள் வராதது வருத்தம் அளிக்கிறது என்றார். சுப்ரிதா தன் தாய் சுரேகா வாணி பற்றி ஒரு சுவாரஸ்யமான விஷயத்தைப் பகிர்ந்துள்ளார். தாய்க்கு 2வது திருமணம் செய்ய விரும்புகிறாராம்.

சுரேகா வாணி மகள் திட்டவட்டம்

2019ல் கணவர் இறந்த பிறகு, தனிமையில் இருக்கிறார். குடும்பத்தினரின் விமர்சனங்களையும், ட்ரோல்களையும் சந்தித்தார். கணவர் இறந்த பிறகு சுரேகா வாணி மனமுடைந்தார். பட வாய்ப்புகளும் குறைந்தன. இதனால், மகள் சுப்ரிதா, அம்மாவுக்கு திருமணம் செய்து வைக்க முடிவு செய்தார். ஆனால், சுரேகா வாணியோ, 'மறுமணம் வேண்டாம்' என மறுத்துவிட்டாராம். தன் திருமணத்திற்கு முன்பே அம்மாவுக்கு திருமணம் செய்து வைக்க சுப்ரிதா முடிவு செய்துள்ளார்.

சுரேகா வாணிக்கு இரண்டாவது திருமணம்

அம்மாவை நன்றாக பார்த்துக்கொள்ளும் ஒருவரை, ஆதரவாக இருக்கும் ஒருவரை தேடுவதாக அவர் கூறினார். மாமாவிடம் பேசியதாகவும், அவரும் சம்மதித்ததாகவும் சுப்ரிதா கூறினார். சுரேகா வாணியின் மகள் சுப்ரிதா 'அமராவதிக்கி ஆஹ்வானம்' படத்தின் மூலம் நடிகையாக அறிமுகமாகிறார். இப்படத்தின் புரமொஷனின் போது அம்மாவுக்கு இரண்டாவது திருமணம் செய்து வைப்பது குறித்து அவர் பேசியுள்ளார் என்பது குறிப்பிடத்தக்கது.

யார் இந்த சுரேகா வாணி?

நடிகை சுரேகா வாணி தெலுங்கு மட்டுமின்றி தமிழ் படங்களிலும் நடித்திருக்கிறார். குறிப்பாக தனுஷ் நடிப்பில் வெளியான உத்தமபுத்திரன் திரைப்படத்தில் முக்கிய கதாபாத்திரத்தில் நடித்திருந்தார். மேலும் விஜய்யின் ஜில்லா மற்றும் மாஸ்டர், சிவகார்த்திகேயனின் எதிர்நீச்சல், கார்த்திக் சுப்பராஜ் இயக்கிய காதலில் சொதப்புவது எப்படி, அட்லீ இயக்கத்தில் வெளியான மெர்சல் போன்ற திரைப்படங்களிலும் சின்ன சின்ன கதாபாத்திரங்களில் நடித்திருக்கிறார் சுரேகா வாணி.