கிரிக்கெட் வீரர் நடராஜனின் வாழ்க்கைக் கதையை திரைப்படமாக எடுக்க உள்ளதாகவும், அதில் நடிக்க உள்ள நடிகர் குறித்தும் அறிவிப்பு வெளியாகி உள்ளது.
சேலம் அருகே இள்ள சின்னப்பம்பட்டி என்கிற கிராமத்தில் பிறந்து வளர்ந்தவர் நடராஜன். தமிழ்நாடு அணியில் சிறப்பாக விளையாடிய இவருக்கு, கடந்த 2017-ம் ஆண்டு முதன்முதலில் பஞ்சாப் அணியில் விளையாட வாய்ப்பு கிடைத்தது. அப்போது பெரிதாக சோபிக்க தவறிய இவர், அடுத்ததாக சன் ரைசர்ஸ் ஐதராபாத் அணி வாங்கியது. அந்த அணிக்கு சென்றதும் இவரது கெரியர் மளமளவென உயர்ந்தது.
அடுத்தடுத்த ஐபிஎல் தொடர்களில் இறுதி ஓவர்கள் வீசுவதில் கில்லாடி பவுலராக விளங்கிய நடராஜனை யார்க்கர் ஸ்பெஷலிஸ்ட் என்றும் செல்லமாக அழைத்தனர். அந்த அளவுக்கு துல்லியமாக யார்க்கர் பந்துகளை வீசி முன்னணி வீரர்களையே திணறடித்தார். இவரின் திறமையை பார்த்து வியந்துபோன பயிற்சியாளர் ரவி சாஸ்திரி, கடந்த 2020-ம் ஆண்டு ஆஸ்திரேலியாவில் நடந்த தொடருக்கு இவரை தேர்வு செய்தார்.
அப்போது இந்தியா டி20, ஒருநாள் மற்றும் டெஸ்ட் என மூன்று வித போட்டிகளையும் விளையாடியது. அதில் டி20 அணியில் மட்டும் தான் நடராஜன் இடம்பெற்று இருந்தார். அங்கு நடைபெற்ற டி20 தொடரில் கலக்கிய இவருக்கு, அடுத்தாக நடந்த ஒரு நாள் தொடரிலும் விளையாட வாய்ப்பு கிடைத்தது. அதிலும் அசத்திய இவர், டெஸ்ட் தொடருக்கான இந்திய அணியின் நெட் பவுலராக தேர்வு செய்யப்பட்டு இருந்தார்.
இதையும் படியுங்கள்... raja rani 2 : மாமியாருக்காக அதிரடியில் இறங்கும் சந்தியா...இப்படி டுவிஸ்ட் மேல டுவிஸ்ட் கொடுத்தா எப்படி?
இறுதியில், அந்த தொடரில் பும்ரா, ஷமி போன்ற முன்னணி வீரர்கள் அடுத்தடுத்து காயம் காரணமாக விலகியதால், நடராஜனுக்கு டெஸ்ட் அணியிலும் இடம் கிடைத்தது. அதிலும் தன் திறமையை நிரூபித்த அவர், அந்த ஒரே தொடர் மூலம் உலகமெங்கும் பேமஸ் ஆனார். இவ்வாறு சின்னப்பம்பட்டியில் இருந்து சிட்னி வரை கலக்கிய நடராஜனின் வாழ்க்கையை சினிமாவாக எடுக்க அப்போதே பலரும் முயன்றனர்.
ஆனால் அந்த சமயத்தில் அதற்கெல்லாம் சம்மதம் தெரிவிக்காமல் இருந்து வந்த நடராஜன், தற்போது அதற்கு ஓகே சொல்லியுள்ளார். அவரது பயோபிக்கில் நடிகர் சிவகார்த்திகேயன் தான் ஹீரோவாக நடிக்க உள்ளதாகவும் நடராஜன் அதிகாரப்பூர்வமாக அறிவித்துள்ளார். ஆனால் இந்த படத்தை இயக்கப்போவது யார் என்பதை அவர் தெரிவிக்கவில்லை.
இதையும் படியுங்கள்... வாடகை தாய் மூலம் விக்கி - நயன் ஜோடி குழந்தை பெற்ற விவகாரம்... விசாரணைக் குழு அமைப்பு - மா.சுப்ரமணியன் தகவல்