வாரிசு படத்தின் இசை வெளியீட்டு விழா நடைபெற இன்னும் 2 நாட்களே உள்ள நிலையில், தற்போது அந்த விழாவுக்கு புது சிக்கல் ஒன்று ஏற்பட்டுள்ளது.
விஜய் நடித்துள்ள வாரிசு படத்திற்கு எந்த அளவுக்கு எதிர்பார்ப்பு இருக்கிறதோ, அதேஅளவு எதிர்பார்ப்பு அப்படத்தின் ஆடியோ லாஞ்ச்சுக்கும் உள்ளது. ஏனெனில் கொரோனா அச்சுறுத்தல் காரணமாக கடந்த 2 ஆண்டுகளாக விஜய் நடித்துள்ள படத்திற்கு இசை வெளியீட்டு விழா பிரம்மாண்டமாக நடத்தப்படவில்லை. அதுமட்டுமின்றி விஜய்யின் மேடைப் பேச்சைக் கேட்கவும் ரசிகர்கள் ஆவலோடு காத்திருக்கின்றனர்.
இதனிடையே நேற்று மாலை தான் வாரிசு படத்தின் இசை வெளியீட்டு விழா குறித்த அதிகாரப்பூர்வ அறிவிப்பு வந்தது. அதன்படி இந்த விழா சென்னையில் உள்ள நேரு உள்விளையாட்டு அரங்கில் நடைபெறும் என்றும், இதில் விஜய் சொல்ல உள்ள குட்டி ஸ்டோரியை கேட்க ரெடியா நண்பா என்றெல்லாம் குறிப்பிட்டு இருந்தனர். அதேபோல் வாரிசு இசை வெளியீட்டு விழாவுக்கான இலவச பாஸ் விநியோகமும் நேற்று முதல் தொடங்கிவிட்டது.
இதையும் படியுங்கள்... Covid new variant BF7: 4 பேருக்கு உருமாற்ற கொரோனா கண்டுபிடிப்பு: பிரதமர் மோடி அதிகாரிகளுடன் இன்று அவசர ஆலோசனை
அந்த விழா நடைபெற இன்னும் 2 நாட்களே உள்ள நிலையில், தற்போது அது திட்டமிட்டபடி நடக்குமா என்கிற சந்தேகமும் ரசிகர்கள் மத்தியில் எழத் தொடங்கி உள்ளது. ஏனெனில் சீனாவில் பரவி வரும் உருமாறிய கொரோனா வைரஸ் தற்போது இந்தியாவிலும் பரவத் தொடங்கி உள்ளதாக கூறப்படுகிறது. இதனால் கொரோனா பாதுகாப்பு நடவடிக்கைகளை தீவிரப்படுத்த வாய்ப்புள்ளது.
மேலும் இந்த புதிய வகை கொரோனா வைரஸ் பரவாமல் தடுக்க மத்திய, மாநில அரசுகள் பல்வேறு கட்டுப்பாடுகளை விதிக்கவும் திட்டமிட்டுள்ளதாக தகவல் வெளியாகி உள்ளது. வாரிசு படத்தின் இசை வெளியீட்டு விழா பிரம்மாண்டமாக நடக்க இருப்பதால் இதில் அதிகளவில் மக்கள் கூட வாய்ப்புள்ளது. ஒருவேளை கட்டுப்பாடுகள் விதிக்கப்பட்டால் இந்த விழா திட்டமிட்டபடி நடக்குமா என்பது கேள்விக்குறியாகி உள்ளது.
இதையும் படியுங்கள்... கொரோனாவை விட ஆபத்தானது கொரோனா மாறுபாடான XBB வைரஸ்… அறிகுறிகள் என்ன? பாதுகாத்துக்கொள்வது எப்படி?
சேனலை கிளிக் செய்து பின்தொடரவும்