குக் வித் கோமாளி நிகழ்ச்சி மூலம் பேமஸ் ஆன நடிகை ஷிவாங்கி, பட்டுச் சேலையில் நடத்தியுள்ள போட்டோஷூட் வைரலாகி வருகிறது.
சூப்பர் சிங்கர் நிகழ்ச்சியின் மூலம் பாடகியாக ஜொலித்தவர் ஷிவாங்கி. துருதுருவென சுட்டிப்பெண்ணாக இருக்கும் ஷிவாங்கி அடுத்ததாக குக் வித் கோமாளி நிகழ்ச்சியில் கோமாளியாக களமிறங்கி அசத்தினார். அதில் கடந்த மூன்று சீசன்களாக சமைக்கவே தெரியாமல் ஷிவாங்கி செய்த அட்ராசிட்டி வேறலெவல் வரவேற்பை பெற்றது.
குக் வித் கோமாளி நிகழ்ச்சியில் காமெடியில் கலக்கிய ஷிவாங்கிக்கு சினிமாவிலும் காமெடி கதாபாத்திரங்களில் நடிக்க வாய்ப்பு கிடைத்தது. அந்த வகையில் அவர் முதன்முதலில் சினிமாவில் நடித்த திரைப்படம் டான். சிவகார்த்திகேயன் நாயகனாக நடித்த இப்படத்தில் பிரியங்கா மோகனின் தோழியாக நடித்திருந்தார் ஷிவாங்கி.
இதற்கு அடுத்தபடியாக சுராஜ் இயக்கத்தில் கடந்தாண்டு வெளிவந்த நாய் சேகர் ரிட்டர்ன்ஸ் திரைப்படத்திலும் காமெடி வேடம் ஏற்று நடித்திருந்தார் ஷிவாங்கி. இதுதவிர காசேதான் கடவுளடா படத்திலும் ஷிவாங்கி முக்கிய கேரக்டரில் நடித்துள்ளார். இப்படமும் விரைவில் ரிலீசாக உள்ளது.
இதையும் படியுங்கள்... திருமணமான ஒரே மாதத்தில் விவாகரத்து முடிவெடுத்த விஜய் டிவி சீரியல் ஜோடி? திருமண போட்டோவை நீங்கியதால் அதிர்ச்சி!
குக் வித் கோமாளி நிகழ்ச்சியில் கடந்த மூன்று சீசன்களாக கோமாளியாக கலக்கி வந்த ஷிவாங்கி, தற்போது நடைபெற்று வரும் நான்காவது சீசனில் குக் ஆக களமிறங்கி கலக்கி வருகிறார். கடந்த ஆண்டு வரை ஒன்றுமே சமைக்கத் தெரியாமல் குக்குகளிடம் திட்டு வாங்கி வந்த ஷிவாங்கி இந்த ஆண்டு சமையலில் கலக்கி நடுவர்களிடம் பாராட்டு வாங்கி வருகிறார்.
ஷிவாங்கி சோசியல் மீடியாவிலும் படு ஆக்டிவாக இருந்து வருகிறார். அந்த வகையில் சமீபத்தில் பட்டுச்சேலையில், தலைநிறைய மல்லிப்பூ வைத்து பக்கா தமிழ் பெண்ணாக ஷிவாங்கி நடத்தியுள்ள போட்டோஷூட் புகைப்படங்கள் இன்ஸ்டாகிராமில் வைரலாகி வருகிறது.
கிராமத்து வயல்வெளியில் குடும்ப குத்து விளக்காக மாறி ஷிவாங்கி நடத்தியுள்ள லேட்டஸ்ட் போட்டோஷூட்டுக்கு லைக்குகள் குவிந்த வண்ணம் உள்ளன.
இதையும் படியுங்கள்... இளையராஜா இசையில் பாரதிராஜா இயக்கிய ஆந்தாலஜி வெப் சீரிஸ் ‘மாடர்ன் லவ் சென்னை’ - ரிலீஸ் தேதி அறிவிப்பு
சேனலை கிளிக் செய்து பின்தொடரவும்