காதலியை கரம்பிடிக்கிறார் ‘குக் வித் கோமாளி’ புகழ்... வெளியானது திருமண தேதி

cook with comali Pugazh : தமிழ் சினிமாவின் பிசியான நடிகராகவும் வலம் வரும் புகழுக்கு விரைவில் திருமணம் நடைபெற உள்ளது. அவரது திருமண தேதியும் அறிவிக்கப்பட்டு உள்ளது.

விஜய் டிவியில் ஆண்டுதோறும் ஒளிபரப்பாகும் குக் வித் கோமாளி நிகழ்ச்சிக்கு என தனி ரசிகர் பட்டாளமே உண்டு. இந்நிகழ்ச்சி கடந்த 2020-ம் ஆண்டு தொடங்கப்பட்டது. கொரோனா அச்சுறுத்தல் காரணமாக வீட்டிலேயே முடங்கிக் கிடந்த மக்களுக்கு இந்நிகழ்ச்சி மிகப்பெரிய ஸ்டிரெஸ் பஸ்டராக இருந்தது. இதன் முதல் சீசனில் வனிதா விஜயகுமார் டைட்டில் வின்னர் ஆனார்.

இதையடுத்து கடந்த ஆண்டு நடைபெற்ற குக் வித் கோமாளி நிகழ்ச்சியின் இரண்டாவது சீசனில் கனி டைட்டிலை தட்டிச் சென்றார். அதேபோல் இந்த ஆண்டு சமீபத்தில் முடிவடைந்த மூன்றாவது சீசனில் நடிகை ஸ்ருத்திகா டைட்டில் வின்னர் ஆனார். இது சமையல் நிகழ்ச்சியாக இருந்தாலும், இந்நிகழ்ச்சி இந்த அளவுக்கு பாப்புலர் ஆவதற்கு காரணம் அதில் உள்ள கோமாளிகள் தான்.

அதிலும் இந்நிகழ்ச்சி மூலம் மிகவும் பேமஸ் ஆனது புகழ் தான். மாஸ்டர் படத்தில் விஜய்யுடன் நடிக்க வாய்ப்பு கிடைத்தும், இந்நிகழ்ச்சிக்காக அதை உதறித்தள்ளிவிட்டு வந்தார் புகழ். அவரது வாழ்வில் மிகப்பெரிய திருப்புமுனையாக குக் வித் கோமாளி நிகழ்ச்சி அமைந்தது. இதன்மூலம் அவருக்கு ஏராளமான பட வாய்ப்புகளும் குவியத் தொடங்கிவிட்டன.

இதையும் படியுங்கள்... நெஞ்சில் குத்திய நிலா டாட்டூவை ஓப்பனாக காட்டி... கிளாமர் உடையில் சூடேற்றும் நிவேதா பெத்துராஜ்! ஹாட் போட்டோஸ்!

தற்போது தமிழ் சினிமாவின் பிசியான நடிகராகவும் வலம் வருகிறார் புகழ். இவர் கைவசம் டஜன் கணக்கிலான படங்கள் உள்ளன. அதில் மிஸ்டர் ஜூ கீப்பர் என்கிற படத்தில் ஹீரோவாக நடித்து வருகிறார் புகழ். இப்படத்திற்கு யுவன் சங்கர் ராஜா இசையமைக்கிறார். இதன் படப்பிடிப்பு விறுவிறுப்பாக நடைபெற்று வருகிறது.

இந்நிலையில், நடிகர் புகழின் திருமண தேதி வெளியாகி உள்ளது. இவர் கோவையை சேர்ந்த பென்சியா என்கிற பெண்ணை காதலித்து வருகிறார் என்பது அனைவரும் அறிந்ததே. தற்போது இவர்கள் இருவருக்கும் திருமணம் நடைபெற உள்ளது. வருகிற செப்டம்பர் 5-ந் தேதி திங்கட்கிழமை புகழ் - பென்சியா ஜோடிக்கு திருமணம் நடக்க இருக்கிறது. அவர்களின் திருமண பத்திரிக்கை வெளியாகி வைரலாகி வருகிறது.

இதையும் படியுங்கள்... எந்த தொழிலும் தாழ்வானது இல்லை... கல்லூரி படிக்கும் போது ஓட்டலில் எஸ்.ஜே.சூர்யா என்ன வேலை செய்தார் தெரியுமா..?