'கனெக்ட்' படத்தின் ஓடிடி உரிமையை தட்டி தூக்கிய முன்னணி நிறுவனம்!
First Published | Dec 21, 2022, 11:14 PM ISTலேடி சூப்பர் ஸ்டார் நயன்தாரா நடிப்பில், நாளை வெளியாக உள்ள 'கனெக்ட்' படத்தின் ஓடிடி ரிலீஸ் குறித்த தகவல் தற்போது வெளியாகி உள்ளது.
☰
நடிகை நயன்தாரா முன்னணி நடிகர்களுக்கு ஜோடியாக நடிக்கும் படங்களை விட, கதையின் நாயகியாக நடிக்கும் படங்களுக்கு அதிக முக்கியத்துவம் கொடுத்து வருகிறார். அந்த வகையில் நயன்தாரா தன்னுடைய கணவர் விக்னேஷ் சிவன் தயாரிப்பில் நடித்து முடித்துள்ள 'கனெக்ட்' திரைப்படம் நாளை வெளியாக உள்ளது.
பொதுவாக எந்த ஒரு ப்ரோமோஷன் நிகழ்ச்சிகளிலும் கலந்து கொள்ளாத நயன்தாரா, இந்த படத்தை படு தீவிரமாக ப்ரமோட் செய்து வருகிறார். மேலும் பல வருடங்கள் கழித்து இந்த படத்திற்கான நேர்காணலில், தன்னைப் பற்றியும், கணவர், குடும்பம் குறித்து பல்வேறு தகவல்களை பகிர்ந்து கொண்டார்.
அட்ராசக்க... கமல்ஹாசன் தயாரிப்பில் உதயநிதிக்கு பதில் இனி இவரா? வெளியான மாஸ் தகவல்!
Tap to resize
குறிப்பாக நேற்று இந்த படத்தின் பிரீமியர் ஷோ பிரபலங்களுக்கு திரையிடப்பட்ட நிலையில், இதனை பார்ப்பதற்காக நடிகை நயன்தாரா மற்றும் விக்னேஷ் சிவன் வருகை தந்த புகைப்படங்களும் சமூக வலைதளத்தில் படு வைரல் ஆனது. படத்தைப் பார்த்த பிரபலங்கள், படம் மிகவும் விறுவிறுப்பாக உள்ளதாக தங்களுடைய கருத்தை தெரிவித்தனர். இது ஒரு புறம் இருக்க இந்த படத்தின் ஓடிடி உரிமையை பிரபல நிறுவனம் மிகப்பெரிய தொகைக்கு வாங்கி உள்ளதாக கூறப்படுகிறது.
இது குறித்த வெளியாகி உள்ள தகவலில் நெட்பிலிக்ஸ் நிறுவனம், இந்த படத்தின் ஓடிடி உரிமையை கைப்பற்றி உள்ளதாகவும், விரைவில் ஓட்டிடி ரிலீஸ் குறித்த அறிவிப்பு வெளியாகும் என கூறப்படுகிறது. நயன்தாராவை வைத்து 'மாயா' படத்தை இயக்கிய, அஸ்வின் சரவணன் இந்த படத்தை மீணடும் நயன்தாராவை வைத்து இயக்கியுள்ளார்.
ஹாரர் படமாக உருவாகியுள்ள இந்த படத்தில், நயன்தாராவுக்கு ஜோடியாக வினய் நடித்துள்ளார். மேலும் சத்யராஜ், பிரபல பாலிவுட் நடிகர் அனுபம் கேர் உள்ளிட்ட பலர் நடித்துள்ளனர். இப்படத்தில் நயன்தாரா ஒரு பெண் குழந்தைக்கு அம்மாவாக நடித்துள்ளார் என்பது குறிப்பிடத்தக்கது.
Latest Videos
சேனலை கிளிக் செய்து பின்தொடரவும்click me!