கடந்த 2020 ஆம் ஆண்டு, ஐ.ஜிமகன் சைதன்யா என்பவரை திருமணம் செய்து கொண்ட நிலையில், இவர்கள் இருவரும் பிரிய உள்ளதாக வெளியாகியுள்ள தகவல் டோலிவுட் திரையுலகில் பரபரப்பாக பேசப்பட்டு வருகிறது.
தெலுங்கு சினிமாவில் இளம் நடிகையாக வலம் வந்துகொண்டிருந்த நிஹாரிகா, தமிழில் கூட விஜய் சேதுபதி உடன் “ஒரு நல்ல நாள் பார்த்து சொல்றேன்” படத்தில் நடித்து கெளதம் கார்த்திக்கு ஜோடியாக நடித்திருந்தார்.
இவர், குண்டூர் ஐ.ஜி பிரபாகர் ராவின் மகன், சைதன்யா என்பவரை காதலித்து வந்த நிலையில், பெற்றோர் சம்மதத்துடன் இவர்கள் இருவருக்கும் கடந்த 2020 ஆம் ஆண்டு, உதய்பூரில் உள்ள ஆடம்பரமான ஓபராய் உடை விலாஸ் அரண்மனையில் மிக பிரமாண்டமாக திருமணம் நடந்து முடிந்தது.
இவரின் திருமணத்தில், மெகா ஸ்டார் சிரஞ்சீவி, பவர் ஸ்டார் பவன் கல்யாண், அல்லு அர்ஜுன், ராம் சரண், வருண் தேஜ் உள்ளிட்ட பலரும் பங்கேற்றனர். குறிப்பாக சிரஞ்சீவி தன்னுடைய தம்பி மகளுக்கு 2 கோடி மதிப்புள்ள நகைகளை பரிசளித்தது பலரையும் ஆச்சர்யத்தில் மூழ்கடித்தது.
திருமணத்திற்கு பின்னர் திரையுலகில் இருந்து விலகிய நிஹாரிகா.. அவ்வப்போது இன்ஸ்டாகிராம் பக்கத்தில் சில பதிவுகளை போடுவதை மட்டுமே வழக்கமாக வைத்திருந்தார்.
இந்நிலையில், நிகாரிகா அவரின் கணவர் சைதன்யாவை இன்ஸ்டாகிராம் பக்கத்தில் அன் ஃபாலோ செய்துள்ளார். அதே போல், சைதன்யாவும் தன்னுடைய மனைவி நிஹாரிகாவை அன் ஃபாலோ செய்துள்ளார். எனவே, இவர்கள் இருவரும் பிரிய உள்ளதாக டோலிவுட் திரையுலகில் ஒரு தகவல் வட்டமிட்டு வருகிறது.
ஏற்கனவே கடந்த சில மாதங்களாக நிஹாரிகா - சைதன்யா ஜோடி... கருத்து வேறுபாடு காரணமாக பிரிந்து வாழ்வதாக கூறப்பட்டு வந்த நிலையில் இப்படி நடந்துள்ளது, எரியும் நெருப்பில் எண்ணெய்யை ஊற்றியது போல் பற்றி எரிந்து வருகிறது. எனினும் இது குறித்து எவ்வித அதிகார பூர்வ அறிவிப்பும் வெளியாகவில்லை.
நிஹாரிகாவின் கணவர் சைதன்யா ஜொன்னலகெடா ஒரு தொழில்நுட்ப வல்லுநர், ஹைதராபாத்தில் பிறந்து வளர்ந்த இவர், தற்போது ஐதராபாத்தில் பன்னாட்டு நிறுவனம் ஒன்றில் பிஸினெஸ் ஆலோசகராக பணிபுரிந்து வருகிறார் என்பது குறிப்பிடத்தக்கது.