நீண்ட தலைமுடியுடன் பாபா ராம்தேவ் மாதிரி இருப்பதாக தனுஷை நெட்டிசன்கள் கிண்டலடித்து வந்த நிலையில், தற்போது அவர் புது ஹேர்ஸ்டைலுக்கு மாறி இருக்கிறார்.
தமிழ் திரையுலகில் முன்னணி நடிகராக வலம் வருபவர் தனுஷ், அவர் நடிப்பில் தற்போது கேப்டன் மில்லர் திரைப்படம் தயாராகி வருகிறது. அருண்மாதேஸ்வரன் இயக்கும் இப்படத்தை சத்யஜோதி பிலிம்ஸ் நிறுவனம் தயாரிக்கிறது. இப்படத்தில் தனுஷ் உடன் பிரியங்கா மோகன், சந்தீப் கிஷான், ஷிவ ராஜ்குமார் என மிகப்பெரிய நட்சத்திர பட்டாளமே நடித்து வருகிறது. ஜிவி பிரகாஷ் இசையமைத்து வரும் இப்படம் வருகிற அக்டோபர் மாதம் ரிலீஸ் ஆக உள்ளது.
கேப்டன் மில்லர் படத்துக்கு பின்னர் தனுஷ் இயக்குனராக அவதாரம் எடுக்க உள்ளர். தனுஷின் 50-வது படமான இதனை சன் பிக்சர்ஸ் நிறுவனம் தயாரிக்க உள்ளது. இப்படத்தில் எஸ்.ஜே.சூர்யா, விஷ்ணு விஷால், துஷாரா விஜயன், காளிதாஸ் ஜெயராம், சந்தீப் கிஷான் ஆகியோருடன் இணைந்து தனுஷும் நடிக்க உள்ளார். வட சென்னையை மையமாக வைத்து இப்படம் தயாராக உள்ளதாக கூறப்படுகிறது. இப்படத்திற்கான ஆரம்பக்கட்ட பணிகள் தற்போது மும்முரமாக நடைபெற்று வருகிறது.
இதையும் படியுங்கள்... பிகினி உடையணிந்து மாலத்தீவில் மஜாவாக போஸ் கொடுத்த கண்ணழகி பிரியா வாரியர்... வைரலாகும் ஹாட் கிளிக்ஸ்
இதனிடையே சமீபத்தில் மும்பைக்கு சென்றிருந்த நடிகர் தனுஷ், நீண்ட தலைமுடி மற்றும் அடந்த தாடியுடன் ஆளே அடையாளம் தெரியாத வகையில் காட்சியளித்தார். கேப்டன் மில்லர் படத்துக்காக அவர் இந்த தோற்றத்தில் இருந்தார். அவரது புகைப்படத்தை பார்த்த நெட்டிசன்கள் தனுஷ் பார்ப்பதற்கு பாபா ராம்தேவ் மாதிரி இருப்பதாக இருவரின் புகைப்படங்களையும் ஒப்பிட்டு ட்ரோல் செய்து வந்தனர்.
இந்த ட்ரோல் செய்யப்பட்ட புகைப்படங்கள் தனுஷ் கண்ணிற்கும் பட்டது போல தெரிகிறது. அதனால் தான் தற்போது முடியை சற்று குறைத்து, தாடியை ட்ரிம் செய்து புது லுக்கில் காட்சியளிக்கிறார் தனுஷ். மும்பையில் உள்ள ஸ்டூடியோ ஒன்றில் புது ஹேர்ஸ்டைலில் தனுஷ் வந்தபோது எடுத்த புகைப்படங்கள் வைரலாகி வருகின்றன. அவர் பாலிவுட் இயக்குனர் ஆனந்த் எல் ராய் இயக்கத்தில் ஒரு புதிய படத்தில் நடிக்க உள்ளதாகவும், அதன் டெஸ்ட் ஷூட்டிற்காக தான் முடியை வெட்டி புது ஹேர்ஸ்டைலுக்கு மாறி இருப்பதாகவும் கூறப்படுகிறது.
இதையும் படியுங்கள்... கோலிவுட்டின் சாக்லேட் பாய் மாதவனுக்கு இத்தனை கோடி சொத்துக்களா..! பலரும் அறிந்திடாத ஆச்சர்ய தகவல்
சேனலை கிளிக் செய்து பின்தொடரவும்