நாய்சேகர் ரிட்டர்ன்ஸ் படம் படுதோல்வி அடைந்ததன் காரணமாக, தற்போது வடிவேலு முக்கிய முடிவு ஒன்றை எடுத்துள்ளதாக கோலிவுட் வட்டாரத்தில் தகவல் பரவி வருகிறது.
நகைச்சுவை நடிகர் வடிவேலு, இம்சை அரசன் 24-ம் புலிகேசி படத்தில் நடிக்க மறுத்ததால் அவருக்கு ரெட் கார்டு கொடுக்கப்பட்டு, படங்களில் நடிக்கவும் தடைவிதிக்கப்பட்டது. இதனால் கடந்த சில ஆண்டுகளாக சினிமாவில் தலைகாட்டாமல் இருந்து வந்த வடிவேலு மீதான ரெட் கார்டு கடந்த 2020-ம் ஆண்டு நீக்கப்பட்டது.
இதையடுத்து சினிமாவில் அவர் நடிக்க கமிட் ஆன படம் தான் நாய்சேகர் ரிட்டர்ன்ஸ். சுராஜ் இயக்கத்தில் உருவான இப்படத்தில் ஹீரோவாக நடித்திருந்தார் வடிவேலு. லைகா நிறுவனம் தயாரித்திருந்த இப்படத்திற்கு சந்தோஷ் நாராயணன் இசையமைத்து இருந்தார். இது வடிவேலுவின் கம்பேக் படமாக இருக்கும் என எதிர்பார்க்கப்பட்டது.
இப்படம் மிகுந்த எதிர்பார்ப்புக்கு மத்தியில் கடந்த டிசம்பர் 9-ந் தேதி திரையரங்குகளில் ரிலீஸ் ஆனது. கம்பேக் படமாக இருக்கும் என எதிர்பார்க்கப்பட்ட இப்படம் கவுத்திவிட்டது என்று தான் சொல்லவேண்டும். காமெடி காட்சிகள் சொதப்பியதாலும், மோசமான திரைக்கதை காரணமாகவும் இப்படம் ரசிகர்களிடம் வரவேற்பை பெறவில்லை.
இதையும் படியுங்கள்... எதிர்பார்த்ததை விட அதிகமாகிடுச்சாம்... வாரிசு படத்தின் மொத்த பட்ஜெட்டை வெளியிட்ட பிரபலம்
நாய்சேகர் ரிட்டர்ன்ஸ் படம் படுதோல்வி அடைந்ததன் காரணமாக, தற்போது வடிவேலு முக்கிய முடிவு ஒன்றை எடுத்துள்ளதாக கோலிவுட் வட்டாரத்தில் தகவல் பரவி வருகிறது. அது என்னவென்றால் இனி ஹீரோவாக நடிக்கப்போவதில்லை என்பது தானாம். இனி ஹீரோவாக நடிக்காமல் காமெடி வேடங்களில் மட்டும் கவனம் செலுத்த வடிவேலு முடிவு செய்துள்ளாராம். அவரின் இந்த முடிவு அவருக்கு வெற்றியை கொடுக்குமா என்பதை பொறுத்திருந்து தான் பார்க்க வேண்டும்.
தற்போது வடிவேலு கைவசம் சந்திரமுகி 2 மற்றும் மாமன்னன் ஆகிய இரண்டு படங்கள் உள்ளன. இதில் சந்திரமுகி படத்தின் இரண்டாம் பாகத்தை பி.வாசு இயக்கி வருகிறார். ராகவா லாரன்ஸ் இப்படத்தில் ஹீரோவாக நடிக்கிறார். அதேபோல் மாமன்னன் படத்தை மாரி செல்வராஜ் இயக்கி உள்ளார். இப்படத்தில் உதயநிதி ஸ்டாலினின் தந்தையாக நடித்துள்ளார் வடிவேலு.
இதையும் படியுங்கள்... ராஷ்மிகா முதல் ரம்யா பாண்டியன் வரை... சினிமா நடிகைகளின் கிறிஸ்துமஸ் ஸ்பெஷல் போட்டோஸ் இதோ
சேனலை கிளிக் செய்து பின்தொடரவும்