போக்ஸோவில் கைது செய்யப்பட்டார் ஜானி மாஸ்டர்... பின்னணி என்ன?
First Published | Sep 19, 2024, 2:20 PM ISTJani Master Arrested : பாலியல் துன்புறுத்தல் வழக்கில் சிக்கிய ஜானி மாஸ்டர் தலைமறைவாக இருந்த நிலையில் அவரை போலீசார் கைது செய்துள்ளனர்.
☰
Dhanush, Jani Master
நடன இயக்குனர் ஜானி மாஸ்டர் கடந்த சில காலமாக தன்னை பாலியல் ரீதியாக துன்புறுத்துவதாக பெண் நடன இயக்குனர் ஒருவர் போலீசில் புகார் அளித்தது அனைவரும் அறிந்ததே. ஜானி மாஸ்டர் தன்னை பாலியல் ரீதியாக துன்புறுத்துவதாக அந்த பெண் ராயதுர்கம் காவல் நிலையத்தில் புகார் அளித்திருந்தார். தன்னை பாலியல் பலாத்காரம் செய்து காயப்படுத்தியதாக அவர் வேதனை தெரிவித்தார். இதையடுத்து அவர் மீது போலீசார் வழக்குப்பதிவு செய்தனர்.
Jani Master
சென்னை, மும்பை, ஹைதராபாத் உள்ளிட்ட பல்வேறு நகரங்களில் வெளிப்புற படப்பிடிப்பின் போதும், நார்சிங்கில் உள்ள தனது வீட்டிலும் ஜானி மாஸ்டர் பலமுறை தன்னை பாலியல் ரீதியாக துன்புறுத்தியதாக புகாரில் தெரிவித்துள்ளார். அவரது புகாரின் பேரில், ராயதுர்கம் போலீசார் எஃப்.ஐ.ஆர். பதிவு செய்து விசாரணை நடத்தி வருகின்றனர். பாதிக்கப்பட்ட பெண் நார்சிங் குடியிருப்பாளர் என்பதால் நார்சிங் போலீசாருக்கு வழக்கு மாற்றப்பட்டது.
ஜானி மாஸ்டர் மீது போக்சோ (POCSO) வழக்கும் பதிவு செய்யப்பட்டுள்ளது. கைது செய்யப்படுவோம் என்பதை அறிந்த ஜானி மாஸ்டர் கடந்த மூன்று நாட்களாக தலைமறைவாக இருந்து வந்தார். முதலில் அவர் நெல்லூரில் இருப்பதாக தகவல் கிடைத்தது. பின்னர் லடாக்கில் இருப்பதாக தகவல் வெளியானது. ஜானி மாஸ்டரை தேடும் பணியில் 4 தனிப்படைகள் ஈடுபடுத்தப்பட்டன.
Latest Videos
Jani Master Arrested
இறுதியாக ஜானி மாஸ்டர் சிக்கியதாக தகவல் வெளியாகியுள்ளது. கோவாவில் சைபராபாத் எஸ்.ஓ.டி., போலீசார் ஜானி மாஸ்டரை கைது செய்துள்ளனர். கோவா நீதிமன்றத்தில் ஜானி மாஸ்டரை ஆஜர்படுத்த உள்ளனர். பின்னர் பிடிவாரண்ட் மூலம் ஹைதராபாத்துக்கு அழைத்து வரப்படுவார் என தெரிகிறது.
ஜனசேனா கட்சி உறுப்பினராக ஜானி மாஸ்டர் உள்ளார். சமீபத்தில் நடைபெற்ற பொதுத் தேர்தலில் அக்கட்சி சார்பில் பிரச்சாரம் செய்தார். ஜானி மாஸ்டர் மீதான பாலியல் புகாரை அடுத்து ஜனசேனா கட்சி நடவடிக்கைகளில் இருந்து விலகி இருக்க வேண்டும் என உத்தரவிடப்பட்டுள்ளது.
Jani Master arrested in goa
மறுபுறம் அனுசுயா, சமந்தா ஆகியோர் பாதிக்கப்பட்ட இளம்பெண்ணுக்கு தங்கள் ஆதரவை அறிவித்துள்ளனர். கேரள அரசு அமைத்த ஹேமா கமிஷன் போல.. தெலுங்கானா அரசும் ஒரு குழு அமைத்து டோலிவுட்டில் நடக்கும் பாலியல் குற்றங்கள் குறித்து ஆய்வு செய்ய வேண்டும் என சமந்தா வலியுறுத்தினார். ஜானி மாஸ்டர் தமிழில் தனுஷின் திருச்சிற்றம்பலம், விஜய்யின் பீஸ்ட், வாரிசு போன்ற படங்களில் நடன இயக்குனராக பணியாற்றினார் என்பது குறிப்பிடத்தக்கது.
சூர்யாவின் ‘நவம்பர்’ மேஜிக்... ‘கங்குவா’வுக்கும் கைகொடுக்குமா?
சேனலை கிளிக் செய்து பின்தொடரவும்click me!