செம்ம கொண்டாட்டத்தில் 'பாக்கிய லட்சுமி' சீரியல் நடிகர்கள்..! கேக் வெட்டி ஜமாய்த்த போட்டோஸ் வைரல்!

பாக்கியலட்சுமி சீரியல் தற்போது 700 எபிசோடுகளை வெற்றிகரமாக எட்டிய நிலையில், இதனை சீரியல் குழுவினர்... கேக் வெட்டி, கொண்டாடியுள்ளனர். இது குறித்த புகைப்படங்கள் தற்போது சமூக வலைதளத்தில் வைரலாகி வருகிறது.  

விஜய் டிவியில் ஒளிபரப்பாகும் பெரும்பாலான சீரியல்களுக்கு, ரசிகர்கள் மத்தியில் தொடர்ந்து நல்ல ஆதரவு கிடைத்து வருகிறது. இல்லத்தரசிகளைக் கடந்து, பல இளைஞர்களையும் விஜய் டிவி சீரியல் சென்றடைந்துள்ளது என கூறலாம். அந்த வகையில், விஜய் டிவியில் ஒளிபரப்பாகி வரும் முக்கிய சீரியல்களில் ஒன்று, 'பாக்கியலட்சுமி' பெங்காலி மொழியில் ஒளிபரப்பாகி வரும், ஸ்ரீமோகி என்ற சீரியலின் ரீமேக்காக, தமிழில் இந்த தொடர் தற்போது ஒளிபரப்பாகி வருகிறது.

பெற்றோரின் வற்புறுத்தல் காரணமாக, காதலித்த பெண்ணை திருமணம் செய்து கொள்ளாமல்... வேறு ஒரு பெண்ணை திருமணம் செய்து கொண்டு வாழும் கோபிக்கு, மூன்று பிள்ளைகள் பிறந்து வளர்ந்த பிறகு... தன்னுடைய பழைய காதலி ராதிகாவுடன் மீண்டும் நட்பு ஏற்படுகிறது.

காதலி ராதிகா கணவருடனான பிரச்சனை காரணமாக அவரைப் பிரிந்து வாழ்கிறார்...  என்பதை கோபி தெரிந்து கொண்டதும், எப்படியும் ராதிகாவை மீண்டும் காதலில் விழுழ்த்தி திருமணம் செய்து கொள்ள வேண்டும் என முடிவு செய்கிறார். இதற்காக எந்த தியாகங்களையும் செய்யத் துணிகிறார்.

மகனுக்கு திருமணமான பின்னர், ராதிகாவை இரண்டாவது திருமணம் செய்து கொள்கிறார்... கோபியின் முதல் மனைவி பாக்கியா, வெளியுலகம் தெரியாதவர். கோபியால் எல்லா விஷயங்களிலும் மட்டம் தட்டப்பட்ட நிலையில், பாக்கியலட்சுமி கணவர் துணை இல்லாமல் வாழ்க்கையில் வரும் சவால்களைக் கடந்து எப்படி சாதிக்கிறார் என்பதை மையமாக வைத்தே இந்த சீரியல் ஓடிக்கொண்டிருக்கிறது.

பாக்கியலட்சுமி-யாக நடித்து வரும் சுசித்ராவுக்கு தொடர்ந்து மிகப்பெரிய ஆதரவு சீரியல் ரசிகர்கள் மத்தியில் கிடைத்து வருகிறது. தற்போது இந்த சீரியலில் எழில் - அமிதா இடையே உண்டான காதல் பிரச்சனை தான் மிகவும் விறுவிறுப்பை ஒளிபரப்பாகி வருகிறது. இதிலும் கருத்து சொல்லும் விதமாக, இயக்குனர் கணவரை இழந்த பெண்களும் காதலிக்கலாம்... திருமணம்... செய்து கொள்ளலாம் என்கிற சமூக அக்கறையோடு எடுத்துள்ளதாக பலர் தொடர்ந்து பாராட்டி வருகின்றனர்.

இந்நிலையில் இந்த சீரியல் வெற்றிகரமாக 700 எபிசோடுகளை எட்டி உள்ளது. இதனை சீரியல் குழுவினர் அனைவரும் ஒன்று சேர்ந்து கேக் வெட்டி கொண்டாடியுள்ளனர் இது குறித்த புகைப்படங்கள் தற்போது சமூக வலைதளத்தில் வெளியாகி வாழ்த்துக்களை குவித்து வருகிறது.