முடிவுக்கு வரும் பிக் பாஸ்; ஒரே நேரத்தில் 4 புது சீரியல்களை அதிரடியாக களமிறக்கும் விஜய் டிவி!

Vijay TV New Serial : பிக் பாஸ் தமிழ் சீசன் 8 நிகழ்ச்சி இன்னும் ஒரு மாதத்தில் முடிவுக்கு வர உள்ள நிலையில், விஜய் டிவியில் அடுத்தடுத்து ஒளிபரப்பாக உள்ள புது சீரியல்கள் பற்றி பார்க்கலாம்.

Bigg Boss Tamil season 8

பிக் பாஸ் நிகழ்ச்சி விஜய் டிவியில் கடந்த 7 ஆண்டுகளாக நடத்தப்பட்டு வருகிறது. இந்நிகழ்ச்சியில் 8-வது சீசன் தற்போது நடைபெற்று வருகிறது. இதை மக்கள் செல்வன் விஜய் சேதுபதி தொகுத்து வழங்கி வருகிறார். இந்நிகழ்ச்சி தற்போது 70 நாட்களைக் கடந்து ஒளிபரப்பாகி வருகிறது. இன்னும் 1 மாதத்தில் பிக் பாஸ் நிகழ்ச்சி முடிவடைய உள்ளதால் விஜய் டிவி அடுத்தடுத்து நான்கு புது சீரியல்களை களமிறக்க உள்ளது. அது என்னென்ன சீரியல் என்பதை பார்க்கலாம்.

Ayyanar Thunai Serial

அய்யனார் துணை

சன் டிவியில் ஒளிபரப்பான எதிர்நீச்சல் தொடரில் நாயகியாக நடித்து பேமஸ் ஆன மதுமிதா, விஜய் டிவியில் முதன்முறையாக நடிக்க உள்ள சீரியல் தான் அய்யனார் துணை. குளோபல் வில்லேஜர்ஸ் தயாரிக்கும் இந்த சீரியலில் மதுமிதாவுக்கு ஜோடியாக அரவிந்த் நடிக்க உள்ளார். இந்த சீரியல் விரைவில் ஒளிபரப்பாக உள்ளது.

Sindhu Bairavi Serial

சிந்து பைரவி

விஜய் டிவியில் ஈரமான ரோஜாவே சீரியலில் நாயகனாக நடித்து பிரபலமானவர் திரவியம். இவர் தற்போது புது சீரியலில் நடித்து வருகிறார். அந்த சீரியலின் பெயர் சிந்து பைரவி. இந்த சீரியலில் திரவியத்திற்கு ஜோடியாக பவித்ரா நடிக்க உள்ளார். மேலும் பிக் பாஸ் பிரபலம் ரவீனாவும் இந்த சீரியலில் முக்கிய கதாபாத்திரத்தில் நடிக்கிறார். 

இதையும் படியுங்கள்... இந்த வாரமும் பிக்பாஸ் வீட்டில் 2 விக்கெட் காலி! கண்ணீருடன் வெளியேறிய இருவர் யார் யார் தெரியுமா?

Poongatru thirumbuma Serial

பூங்காற்று திரும்புமா

பிக் பாஸ் முடிந்த கையோடு விஜய் டிவியில் ஒளிபரப்பாக உள்ள மற்றொரு சீரியல் தான் பூங்காற்று திரும்புமா. இந்த சீரியலில் சோபனா நாயகியாகவும், ஷமீர் நாயகனாகவும் நடிக்க உள்ளனர். இதில் சோபனா ஏற்கனவே முத்தழகு என்கிற சீரியலில் நாயகியாக நடித்திருந்தார் என்பது குறிப்பிடத்தக்கது.

Dhanam Serial

தனம்

சன் டிவியில் ஒளிபரப்பான எதிர்நீச்சல் சீரியலில் ஆதிரை என்கிற கதாபாத்திரத்தில் நடித்து பேமஸ் ஆனவர் தான் சத்யா தேவராஜன். இவர் தற்போது விஜய் டிவியில் ஒளிபரப்பாக உள்ள தனம் சீரியலின் மூலம் நாயகியாக களமிறங்க உள்ளார். இந்த சீரியலில் சத்யாவுக்கு ஜோடியாக ஸ்ரீகுமார் நடிக்க உள்ளார். இந்த சீரியலை மனோஜ் இயக்க உள்ளார்.

இதையும் படியுங்கள்... வெயிட்டான சம்பளத்தோடு பிக்பாஸ் வீட்டில் இருந்து வெளியேறிய சத்யா - தர்ஷிகா! எவ்வளவு தெரியுமா?