A.R Rahman : இசை புயல் ரகுமான் இசையில் வெளியான ஒரு தமிழ் திரைப்படத்தின் ஆடியோ கேசட் வெளியிடப்பட்ட முதல் நாளிலேயே 3 லட்சம் பிரதிகள் விற்று சாதனை படைத்துள்ளது.
தமிழில் கடந்த 1992ம் ஆண்டு வெளியான திரைப்படம் தான் "ரோஜா". அதுவரை இயக்குனர் மணிரத்தினம் தன்னுடைய திரைப்படங்களுக்கு இளையராஜாவை மட்டுமே இசையமைப்பாளராக தேர்வு செய்து வந்த நிலையில், முதல் முறையாக புத்தம் புது இளம் இசை கலைஞனை தமிழ் திரையுலகிற்கு அறிமுகம் செய்தார் மணிரத்தினம். உண்மையில் "ரோஜா" திரைப்படம் வெளியான பிறகு தமிழ் இசை வரலாற்றில் மிகப்பெரிய திருப்பம் ஏற்பட்டது. அதற்கு முழு காரணமும் ஏ.ஆர் ரகுமான் தான் என்றால் அது மிகையல்ல. அதுவரை யாரும் கேட்டிடாத மெய் மறக்க வைக்கும் இசையை மக்களுக்கு கொடுத்து சிறந்த இசையமைப்பாளராக மெல்ல மெல்ல மாற தொடங்கினார் ரகுமான்.
நடிகையை திருமணம் செய்ய போகும் நிகாரிக்காவின் முன்னாள் கணவர் சைதன்யா! யார் அவர்?
தமிழில் "ரோஜா" திரைப்படம் மிகப்பெரிய அளவில் ஹிட்டான உடனே, மலையாள மற்றும் தெலுங்கு மொழியிலும் ஏ.ஆர் ரகுமான் இசையமைக்க தொடங்கினார். மலையாளத்தில் 1992 ஆம் ஆண்டு வெளியான நடிகர் மோகன் லாலின் Yoddha என்கின்ற திரைப்படத்திற்கு இசையமைத்தது ரகுமான் தான். தொடர்ச்சியாக "புதிய முகம்", "ஜென்டில் மேன்", "கிழக்குச் சீமையிலே", "உழவன்", "திருடா திருடா", "வண்டிச்சோலை சின்னராசு", "டூயட்", "மே மாதம்", "காதலன்", "பவித்ரா", "கருத்தம்மா" மற்றும் "புதிய மன்னர்கள்" என்று ஏ.ஆர் ரகுமான் இசையில் வெளியான அனைத்து திரைப்படங்களும் மெகா ஹிட் திரைப்படங்களாக மாறியது.
ரகுமான் அறிமுகமான 1992 ஆம் ஆண்டு அவருடைய இசையில் இரண்டு திரைப்படங்கள் வெளியான நிலையில், 1994 ஆம் ஆண்டு அதாவது ரகுமான் சினிமா உலகிற்கு 2வது ஆண்டில் அவருடைய இசையில் 9 திரைப்படங்கள் வெளியானது குறிப்பிடத்தக்கது.
இந்த சூழலில் 1995 ஆம் ஆண்டு முதல் முறையாக சூப்பர் ஸ்டார் ரஜினிகாந்த் உடன் ரகுமான் இணைந்த திரைப்படம் தான் "முத்து". கே.எஸ் ரவிகுமார் இயக்கத்தில் கவிதாலயாவின் தயாரிப்பில் இந்த திரைப்படம் உருவானது. சூப்பர் ஸ்டார் ரஜினிகாந்துக்கு ஜப்பானிலும் அதிக அளவில் ரசிகர்களை கொண்டு வந்த பெருமை முத்து திரைப்படத்திற்கு உண்டு என்றால் அது மிகையல்ல. இந்த திரைப்படம் மட்டுமல்ல இந்த திரைப்படத்தில் இடம் பெற்ற பாடல்களும் பட்டி தொட்டி எங்கும் பெரிய அளவில் ஹிட்டானது. அதற்கு ஒரு காரணம் ரகுமான், இன்னொரு காரணம் மறைந்த பாடகர் பாலசுப்ரமணியன் தான்.
1995 ஆம் ஆண்டு என்பது ஆடியோ கேசட்டுகள் பெரிய அளவில் மக்களால் விரும்பப்பட்ட ஒரு காலகட்டம். இந்த சூழலில் தான் முத்து திரைப்படத்தின் ஆடியோ கேசட்டுகள் வெளியான முதல் நாளிலேயே, சுமார் 3 லட்சம் பிரதிகளுக்கு மேல் விற்பனையாகி மெகா ஹிட் சாதனை படைத்து. அதற்காக "முத்து விழா" என்கின்ற ஒரு விழாவும் தயாரிப்பாளர் மற்றும் இயக்குனர் பாலச்சந்தர் அவர்களால் எடுக்கப்பட்டது குறிப்பிடத்தக்கது. அதில் ரஹ்மானுக்கு மிகப்பெரிய பாராட்டுகளும் கிடைத்தது. இன்றளவும் ஆடியோ கேசட் என்ற வகையில் முத்து படத்தின் சாதனை பெரிய சாதனையாக பார்க்கப்படுகிறது.
பல கோடியில் பட்ஜெட்; டாப் நடிகர்கள் நடித்தும் செலவில் பாதி கூட வசூல் செய்யாத டாப் 4 தமிழ் படங்கள்!
சேனலை கிளிக் செய்து பின்தொடரவும்