Anirudh Marriage : அனிருத் - காவ்யா மாறன் கல்யாணம்...! கிரீஸ் நாட்டில் களைகட்டிய திருமண கொண்டாட்டம்

Anirudh - Kavya Maran Wedding : இசையமைப்பாளர் அனிருத் - காவ்யா மாறன் ஜோடிக்கும் கிரீஸ் நாட்டில் இன்று திருமணம் நடைபெறுகிறது. அதைப்பற்றிய தொகுப்பை இங்கே பார்க்கலாம்.

அனிருத் - காவ்யா மாறன் திருமணம்

தமிழ் திரையுலகின் பிரபல இசையமைப்பாளர் அனிருத் ரவிச்சந்தர் மற்றும் சன் குழுமத் தலைவர் கலாநிதி மாறனின் மகள் காவ்யா மாறன் ஆகியோரின் திருமணம் குறித்த தகவல்கள் தற்போது இணையத்தில் கவனம் பெற்று வருகின்றன. இருவருக்கும் இன்று (நவம்பர் 11) கிரீஸ் நாட்டில் நெருங்கிய உறவினர்கள் மற்றும் நண்பர்கள் முன்னிலையில் திருமணம் நடைபெற உள்ளதாக தகவல்கள் வெளியாகியுள்ளன.

இந்தத் திருமண நிகழ்வில் பங்கேற்பதற்காக சூப்பர் ஸ்டார் ரஜினிகாந்த் மற்றும் தமிழக முதல்வர் மு.க. ஸ்டாலினின் குடும்பத்தினர் உள்ளிட்ட முக்கியப் பிரமுகர்கள் கிரீஸ் நாட்டிற்குப் புறப்பட்டுச் சென்றுள்ளனர். மிகவும் தனிப்பட்ட முறையில் திருமண ஏற்பாடுகள் செய்யப்பட்டுள்ளதால், இதுவரை திருமண நிகழ்வு தொடர்பான புகைப்படங்கள் அல்லது வீடியோக்கள் வெளியாகவில்லை. இருப்பினும், திருமணக் கொண்டாட்டங்கள் குறித்த அதிகாரப்பூர்வ காட்சிகளுக்காக ரசிகர்கள் ஆவலுடன் காத்திருக்கின்றனர்.

வைரலாகும் வீடியோ

அனிருத் மற்றும் காவ்யா மாறன் இருவரும் கிரீஸ் நாட்டில் ஜோடியாக மோதிரம் மாற்றிக் கொள்வது போன்ற வீடியோ இணையத்தில் வைரலாகி வருகிறது. அது உண்மையிலேயே அனிருத்தின் நிச்சயதார்த்த வீடியோ என நினைத்து பலரும் அதனை ஷேர் செய்து வருகிறார்கள். அந்த அளவுக்கு அந்த வீடியோ தத்ரூபமாக உள்ளது. அதுவும் கிரீஸ் நாட்டில் எடுக்கப்பட்டது போல் அதனை ஏஐ மூலம் உருவாக்கி இருக்கிறார்கள். அது ஏஐ வீடியோ என்பது தெரியாமல் பலரும் அதனை பகிர்ந்து அனிருத் - காவ்யா மாறன் ஜோடிக்கு வாழ்த்துக்களை தெரிவித்து வருகின்றனர்.

Ani literally composed his own love story 🥹❤️💍

#AnirudhKavyaWedding

#Anirudh https://t.co/4ksGcy2gd2

— Anirudh FC (@AnirudhfansTN) November 10, 2026

இசையால் ரசிகர்களைக் கவர்ந்த அனிருத்!

தமிழ் சினிமாவில் குறுகிய காலத்திலேயே முன்னணி இசையமைப்பாளராக உயர்ந்தவர் அனிருத் ரவிச்சந்தர். தனுஷ் நடிப்பில் வெளியான '3' திரைப்படத்தின் மூலம் இசையமைப்பாளராக அறிமுகமான இவர், முதல் படத்திலேயே 'ஒய் திஸ் கொலவெறி டி' பாடல் மூலம் உலகளவில் கவனம் பெற்றார். தொடர்ந்து விஜய், ரஜினிகாந்த், அஜித், கமல்ஹாசன், ஷாருக்கான் எனப் பல முன்னணி நட்சத்திரங்களின் படங்களுக்கு இசையமைத்து தனக்கென தனி ரசிகர் பட்டாளத்தை உருவாக்கியுள்ளார். இவருடைய பாடல்களும் பின்னணி இசையும் ஒவ்வொரு திரைப்படத்தின் வெற்றியிலும் முக்கியப் பங்கு வகித்து வருகின்றன.

யார் இந்த காவ்யா மாறன்?

மறுபுறம், காவ்யா மாறன் சன் குழுமத்தின் தலைவர் கலாநிதி மாறனின் மகள் ஆவார். சன் டிவி நெட்வொர்க்கின் நிர்வாகப் பொறுப்புகளில் முக்கியப் பங்கு வகிக்கும் இவர், ஐபிஎல் கிரிக்கெட் தொடரில் பிரபல அணிகளில் ஒன்றான சன்ரைசர்ஸ் ஹைதராபாத்தின் தலைமைச் செயல் அதிகாரியாகவும் செயல்பட்டு வருகிறார். குறிப்பாக, ஐபிஎல் போட்டிகளின்போது மைதானத்தில் அணியை உற்சாகப்படுத்தும் அவரது தோற்றம் கிரிக்கெட் ரசிகர்கள் மத்தியில் பெரும் கவனத்தைப் பெற்றுள்ளது. இதனால் கிரிக்கெட் மற்றும் பொழுதுபோக்கு உலகம் என இரு துறைகளிலும் அறியப்பட்ட நபராக காவ்யா மாறன் உள்ளார்.

நவம்பர் 21-ல் சென்னையில் பிரம்மாண்ட வரவேற்பு!

கிரீஸில் திருமணத்தை முடித்துவிட்டு, வரும் நவம்பர் 21ஆம் தேதி சென்னையில் அனிருத் – காவ்யா மாறன் ஜோடிக்கு பிரம்மாண்டமான திருமண வரவேற்பு நிகழ்ச்சி நடைபெற உள்ளதாகக் கூறப்படுகிறது. இந்த நிகழ்ச்சியில் தமிழ் திரையுலகின் முன்னணி நடிகர்கள், இயக்குநர்கள், இசையமைப்பாளர்கள் மட்டுமின்றி அரசியல், விளையாட்டு மற்றும் தொழில்துறையைச் சேர்ந்த முக்கியப் பிரமுகர்களும் கலந்துகொள்வார்கள் என எதிர்பார்க்கப்படுகிறது. முதல்வர் விஜய்யும் இந்த திருமண வரவேற்பில் கலந்துகொள்வார் என எதிர்பார்க்கப்படுகிறது.