திரையரங்குகளில் கலக்கி வரும் கேஜிஎப் 2 தற்போது ஓடிடிக்கு வந்துள்ளது. அந்த வகையில் அமேசான் பிரைம் வீடியோவில் வெளியாகவுள்ள KGF 2வை பார்ப்பதற்கான புதிய கட்டணத்தை அமேசான் அறிவித்துள்ளது.
சமீபத்தில் வெளியான கேஜிஎப் 2 ரசிகர்களை வெகுவாக கவர்ந்து விட்டது. பிரசாந்த் நீல் இயக்கத்தில் யாஷ் நடிப்பில் பிரம்மாண்டமாக உருவான கேஜிஎப் 2 படத்தில் ஸ்ரீநிதி ஷெட்டி , ரவீனா டண்டன், சஞ்சய் தத், ஈஸ்வரி ராவ், சரண், பிரகாஷ் ராஜ் என மிகப்பெரிய நட்சத்திர பட்டாளமே நடித்திருந்தன.உலகமெங்கும் 10 ஆயிரத்திற்கும் மேற்பட்ட திரைகளில் வெளியிடப்பட்டது. இந்த படம் அனைத்து மொழிகளிலும் மாபெரும் வரவேற்பை பெற்றது.
முந்தைய கேஜிஎப் படம் ரசிகர்களை கவர்ந்து புகழின் உச்சத்தை பெற்றது. முந்தைய பகுதி இரண்டாம் பாகத்திற்கான வித்தை அப்போதே விதைத்து விட்டது. கடந்த 2018-ம் ஆண்டு வெளியான முதல் பாகத்தை தொடர்ந்து இரண்டாம் பாகம் 4 வருடங்கள் கழித்து தற்போது வெளியாகி மாஸ் காட்டியது.
அனல் பறக்கும் காட்சிகள் பிரமாண்ட செட்டுகள் என ரத்தம் தெறிக்கும் த்ரில் அனுபவத்தை ரசிகர்களுக்கு கொடுத்திருந்தது. முந்தைய பக்கத்தை விட மாபெரும் காட்சிகளுடன் உருவாகி இருந்த கேஜிஎப் 2 கடந்த மாதம் 14-ம் தேதி வெளியாகி ரூ.1200 கோடிகளுக்கு மேல் உலகம் முழுவதும் வசூலை குவித்தது. திரையரங்கை தொடர்ந்து தற்போது ஓடிடியில் வெளியாகியுள்ளது.
இந்த படம் திரையரங்குகளில் ஓடிக்கொண்டிருக்கையிலேயே ஓடிடியிலும் விற்பனையானது. சுமார் ரூ. 320 கோடி ரூபாய் கொடுத்து அமேசான் பிரைம் நிறுவனம் கைப்பற்றி உள்ளது. இதையடுத்து தற்போது இந்த படம் 'கேஜிஎஃப் 2'வை மே 27 ஆம் தேதி முதல் அமேசான் பிரைமிலேயே பார்க்கலாம் என்று தெரிவிக்கப்பட்டுள்ளது. இந்த தளத்தில் கேஜிஎப் 2 வை பார்க்க புதிய கட்டணம் விதிக்கப்பட்டுள்ளது.
கேஜிஎஃப் 2 படத்தை பார்க்க தனியாக 199 ரூபாய் கட்டணம் செலுத்த வேண்டும் என்ற அறிவிப்பை அமேசான் பிரைம் வெளியிட்டுள்ளது. 199 ரூபாயை செலுத்தினால், 48 மணி நேரத்திற்குள் படத்தைப் பார்த்துக்கொள்ளலாம் என்று தெரிவித்து. மேலும், கட்டணமில்லாமல் 'கேஜிஎஃப் 2'வை மே 27 ஆம் தேதி முதல் அமேசான் பிரைமிலேயே பார்க்கலாம் என்று தெரிவிக்கப்பட்டுள்ளது.