எச்.வினோத் இயக்கத்தில் அஜித் நடித்த துணிவு திரைப்படம் பொங்கலுக்கு ரிலீசாகி பிளாக்பஸ்டர் ஹிட் ஆனது. துணிவு படத்தின் அதிரிபுதிரியான வெற்றிக்கு பின் அஜித் நடிக்க உள்ள படம் ஏகே 62. இப்படத்தை லைகா நிறுவனம் தயாரிக்கிறது. முதலில் விக்னேஷ் சிவன் இயக்குவதாக இருந்த இப்படம் பின்னர் மகிழ் திருமேனி வசம் சென்றது. இப்படத்தை இயக்க மகிழ் திருமேனி கமிட் ஆகி 2 மாதங்களுக்கு மேல் ஆகியும், இப்படம் குறித்த அதிகாரப்பூர்வ அப்டேட்டை படக்குழு இன்னும் வெளியிடவில்லை.
24
வலிமை அப்டேட்டுக்கு பின்னர் அஜித் ரசிகர்கள் நீண்ட நாள் காத்திருந்த அப்டேட் என்றால் அது ஏகே 62 படத்தின் அப்டேட் தான். ரசிகர்களின் பொறுமையை சோதிக்க விரும்பாத லைகா நிறுவனம், ஒரு வழியாக ஏகே 62 படத்தின் அதிகாரப்பூர்வ அப்டேட்டை வெளியிட தயாராகிவிட்டது. ரசிகர் இவ்வளவு நாட்கள் அமைதியாக காத்திருந்ததற்கு பலனாக ஒன்றல்ல அடுத்தடுத்து இரண்டு அப்டேட்டுகள் வெளியாக உள்ளன. இதனால் அஜித் ரசிகர்களுக்கு இது டபுள் ட்ரீட்டாக அமைய உள்ளது.
நடிகர் அஜித் தனது 52-வது பிறந்தநாளை நாளை கொண்டாட உள்ளார். அஜித்தின் பிறந்தநாள் ஸ்பெஷலாக தான் ஏகே 62 படத்தின் அப்டேட்டை படக்குழு வெளியிட இருக்கிறது. அதன்படி இன்று மாலை 6 மணி அல்லது நள்ளிரவு 12 மணிக்கு ஏகே 62 படத்தின் அதிகாரப்பூர்வ அறிவிப்பு வெளியிடுவதோடு, அப்படத்தின் டைட்டிலையும் அறிவிக்க திட்டமிட்டு உள்ளதாம் படக்குழு. இதற்கு ‘விடா முயற்சி’ என டைட்டில் வைக்கப்பட்டு உள்ளதாக ஒரு தகவல் பரவி வருகிறது.
44
ஏகே 62 படத்தின் டைட்டிலை போஸ்டர் மூலம் வெளியிட உள்ளார்களா அல்லது லியோ பட பாணியில் டீசர் மூலம் ரிலீஸ் செய்ய இருக்கிறார்களா என்பது குறித்த விவரம் வெளியாகவில்லை. ஆனால் அப்படத்தின் டைட்டில் வெளியாவது மட்டும் உறுதி. இதையடுத்து மே மாதத்தில் ஏகே 62 படத்தின் ஷூட்டிங்கை ஆரம்பிக்க திட்டமிட்டுள்ளார் இயக்குனர் மகிழ் திருமேனி, இதற்கான ஆரம்பக்கட்ட பணிகளும் ஒருபக்கம் முழுவீச்சில் நடைபெற்று வருகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
