அஜித் பிறந்தநாளன்று ரசிகர்களுக்கு காத்திருக்கும் டபுள் டிரீட்... ரெண்டுமே வேறலெவல் அப்டேட் மிஸ் பண்ணீடாதிங்க

Ajith Birthday surprise :  நடிகர் அஜித்தின் பிறந்தநாள் வருகிற மே 1-ந் தேதி கொண்டாடப்பட உள்ளது. அன்றைய தினம் நடிகர் அஜித் நடிக்கும் படங்கள் குறித்த 2 அப்டேட் வெளியாக உள்ளதாக தகவல் வெளியாகி உள்ளது. 

நடிகர் அஜித் நடிப்பில் அண்மையில் வெளியான வலிமை திரைப்படம் கலவையான விமர்சனங்களை பெற்றாலும், அப்படம் பாக்ஸ் ஆபிஸில் ரூ.200 கோடிக்கு மேல் வசூலித்து சாதனை படைத்தது. இதையடுத்து அஜித் நடிப்பில் ஏகே 61 திரைப்படம் தயாராகி வருகிறது. இப்படத்தை எச்.வினோத் இயக்குகிறார். இப்படத்தின் படப்பிடிப்பு ஐதராபாத்தில் நடைபெற்று வருகிறது.

இதனிடையே நடிகர் அஜித் நடிப்பில் உருவாக உள்ள ஏகே 62 படம் குறித்த அப்டேட்டும் கடந்த சில வாரங்களுக்கு முன் வெளியானது. அதன்படி அப்படத்தை நடிகை நயன்தாராவின் காதலரும், இயக்குனருமான விக்னேஷ் சிவன் இயக்க உள்ளதாக அறிவிக்கப்பட்டது. இப்படத்தை லைகா நிறுவனம் தயாரிக்க உள்ளது. இந்த ஆண்டு இறுதியில் இப்படத்தின் படப்பிடிப்பை தொடங்க திட்டமிட்டு உள்ளனர்.

இந்நிலையில், நடிகர் அஜித்தின் பிறந்தநாள் வருகிற மே 1-ந் தேதி கொண்டாடப்பட உள்ளது. அன்றைய தினம் நடிகர் அஜித் நடிக்கும் படங்கள் குறித்த 2 அப்டேட் வெளியாக உள்ளதாக தகவல் வெளியாகி உள்ளது. அதில் ஒன்று அஜித் தற்போது நடிக்கும் ஏகே 61 படத்துடையது என்றும் மற்றொன்று ஏகே 63 படத்துடையது என்றும் கூறப்படுகிறது.

அதன்படி பார்த்தால், எச்.வினோத் இயக்கத்தில் அஜித் நடிக்கும் ஏகே 61 படத்தின் தலைப்பு மே 1-ந் தேதி வெளியிடப்பட வாய்ப்புள்ளதாக கூறப்படுகிறது. அடுத்ததாக ஏகே 63 படத்தின் இயக்குனர் குறித்த அறிவிப்பு வெளியாகக்கூடும் என எதிர்பார்க்கப்படுகிறது. இப்படத்தை சிறுத்தை சிவா இயக்க வாய்ப்புள்ளதாக கூறப்படுகிறது. இவர் ஏற்கனவே அஜித்தை வைத்து வீரம், வேதாளம், விவேகம், விஸ்வாசம் போன்ற படங்களை இயக்கி உள்ளார் என்பது குறிப்பிடத்தக்கது.

இதையும் படியுங்கள்...  நயன்தாராவுடன் காத்துவாக்குல காதல் செய்யும் வீடியோவை பதிவிட்டு... தங்கமே என உருகிய விக்னேஷ் சிவன்