எச்.வினோத் இயக்கத்தில் அஜித் நடிப்பில் உருவாகி உள்ள வலிமை படத்தின் ரிலீஸ் நெருங்கி வருவதால் இப்படத்தின் வியாபாரமும் சூடுபிடிக்க தொடங்கி உள்ளது.
அஜித் நடிப்பில் ஆக்ஷன் திரைப்படமாக உருவாகி உள்ளது வலிமை (Valimai). இப்படத்தை சதுரங்க வேட்டை, தீரன் அதிகாரம் ஒன்று, நேர்கொண்ட பார்வை போன்ற ஹிட் படங்களை இயக்கிய எச்.வினோத் இயக்கி உள்ளார். மறைந்த நடிகை ஸ்ரீதேவியின் கணவர் போனி கபூர், 'நேர்கொண்ட பார்வை' படத்தை தொடர்ந்து இரண்டாவது முறையாக அவர் அஜித்துடன் இணைந்து உள்ளார்.
கடந்த 2019-ம் ஆண்டே தொடங்கப்பட்ட இப்படம் இரண்டு ஆண்டுகள் கடின உழைப்புக்கு பின் தற்போது ரிலீசுக்கு தயாராகி உள்ளது. இப்படம் வருகிற பிப்ரவரி 24-ந் தேதி திரைக்கு வருகிறது. இப்படத்தில் அஜித்துக்கு ஜோடியாக பாலிவுட் நடிகை ஹூமா குரேஷியும் (Huma Qureshi), வில்லனாக தெலுங்கு நடிகர் கார்த்திகேயாவும் நடித்துள்ளார். மேலும் யோகிபாபு, குக் வித் கோமாளி புகழ் ஆகியோர் நகைச்சுவை கதாபாத்திரத்தில் நடித்துள்ளனர். அஜித்தின் தாயாக ஜெயசுதா நடித்துள்ளார்.
நீரவ் ஷா ஒளிப்பதிவாளராகவும், திலீப் சுப்பராயன் ஸ்டண்ட் மாஸ்டராகவும் பணியாற்றி உள்ளனர். இப்படத்திற்கு ஜிப்ரான் (Ghibran) மற்றும் யுவன் சங்கர் ராஜா இசையமைத்துள்ளனர். அஜித் இப்படத்தில் போலீஸ் அதிகாரியாக அர்ஜுனன் என்கிற கதாபாத்திரத்தில் நடித்துள்ளார். இது தமிழ், தெலுங்கு, இந்தி, கன்னடம் என 4 மொழிகளில் வெளியாக உள்ளது. ரிலீஸ் நெருங்கி வருவதால் இப்படத்தின் வியாபாரமும் சூடுபிடிக்க தொடங்கி உள்ளது.
அதன்படி வலிமை (Valimai) திரைப்படம் ரிலீசுக்கு முன்பே ரூ.300 கோடிக்கு மேல் வசூலித்துள்ளதாக தகவல் வெளியாகி உள்ளது. சாட்டிலைட் உரிமை, ஓடிடி உரிமை, டப்பிங் உரிமை, திரையரங்க உரிமை, வெளிநாட்டு உரிமை ஆகியவை நல்ல விலைக்கு விற்கப்பட்டதால், ரிலீசுக்கு முன்வே வலிமை படம் மிகப்பெரிய தொகை வசூலித்து கல்லா கட்டி உள்ளதாக கூறப்படுகிறது.