அஜித் - எச்.வினோத் கூட்டணியில் இதற்கு முன் உருவான இரண்டு படங்களுக்கும் யுவன் சங்கர் ராஜா இசையமைத்திருந்ததால், தல 61 படத்துக்கும் அவரே இசையமைப்பார் என எதிர்பார்க்கப்பட்டது.
சதுரங்க வேட்டை, தீரன் அதிகாரம் ஒன்று போன்ற படங்களை இயக்கிய எச்.வினோத், அஜித்தின் நேர்கொண்ட பார்வை படத்தை இயக்கியதன் மூலம் முன்னணி இயக்குனராக உயர்ந்தார். பிங்க் படத்தின் ரீமேக்காக உருவாகி இருந்த இப்படத்தை போனி கபூர் தயாரித்திருந்தார். இப்படத்திற்கு யுவன் சங்கர் ராஜா இசையமைத்திருந்தார்.
நேர்கொண்ட பார்வை படத்தின் வெற்றியை தொடர்ந்து அதே கூட்டணியில் தற்போது வலிமை படம் உருவாகி உள்ளது. அதிரடி ஆக்ஷன் படமாக உருவாகி இருக்கும் வலிமை திரைப்படம், பொங்கல் பண்டிகைக்கு திரையரங்குகளில் ரிலீசாக இருந்தது. தற்போது கொரோனா பரவல் அதிகரித்து வருவதன் காரணமாக ரிலீஸ் தள்ளிவைக்கப்பட்டு உள்ளது.
இதனிடையே, அஜித்தின் 61-வது படத்தையும் எச்.வினோத் தான் இயக்க உள்ளதாகவும், போனி கபூர் இப்படத்தை தயாரிக்க உள்ளதாகவும் அறிவிக்கப்பட்டுள்ளது. இந்த கூட்டணியில் இதற்கு முன் உருவான இரண்டு படங்களுக்கும் யுவன் சங்கர் ராஜா இசையமைத்திருந்ததால், தல 61 படத்துக்கும் அவரே இசையமைப்பார் என எதிர்பார்க்கப்பட்டது.
ஆனால் படக்குழுவோ, தல 61 படத்திற்கு இசையமைக்க யுவனை ஒப்பந்தம் செய்யவில்லையாம். அவருக்கு பதில் அனிருத் அல்லது ஜிப்ரானை இசையமைக்க வைக்க பேச்சுவார்த்தை நடைபெற்று வருகிறதாம். இவர்களில் அனிருத் ஏற்கனவே அஜித்துடன் வேதாளம், விவேகம் போன்ற படங்களில் பணியாற்றியுள்ளார். ஆனால் ஜிப்ரான், வலிமை படத்திற்கு மட்டும் பின்னணி இசை அமைத்துள்ளார்.
‘தல 61’ பட வாய்ப்பை தட்டித்தூக்க இவர்கள் இருவரிடையே கடும் போட்டி நிலவி வருகிறது. அதில் யாரை அஜித் செலக்ட் பண்ணுவார் என்பதை பொருத்திருந்து தான் பார்க்க வேண்டும். தல 61 படத்திற்கு இம்மாதம் பூஜை போட உள்ளனர். ஆனால் படப்பிடிப்பை வருகிற மார்ச் மாதம் தான் தொடங்க திட்டமிட்டுள்ளார்களாம். படப்பிடிப்பை 6 மாதங்களில் நடத்தி முடித்து தீபாவளிக்கு படத்தை திரைக்கு கொண்டு வர பிளான் போட்டுள்ளனர்.