கையில் புல்லாங்குழலோடு... ராதையின் கிருஷ்ணனாக மாறிய 'துணிவு' பட நாயகி மஞ்சு வாரியர்..! வைரல் போட்டோஸ்!

மலையா லேடி சூப்பர் ஸ்டார் மஞ்சு வாரியர், கையில் புல்லாங்குழல் வைத்த கண்ணனாக மாறி பரதநாட்டியம் ஆடிய புகைப்படங்கள் வலைத்தளத்தில் ரசிகர்களால் அதிகம் பார்த்து ரசிக்கப்பட்டு வருகிறது.

நடிகை மஞ்சு வாரியர் மலையாள நடிகையாக இருந்தாலும், இவர் பிறந்தது தமிழ்நாட்டில் உள்ள கன்னியாகுமரி மாவட்டம் நாகர்கோவில் பகுதியில் தான். கேரளாவில் உள்ள திருச்சூர் மாவட்டம் புல்லு கிராமத்தை பூர்வீகமாக கொண்ட மஞ்சு வாரியர், மலையாளத்தில் வெளியான 'சாட்சியம்' எங்கிற படத்தின் மூலம் நடிகையாக அறிமுகமானார்.

பின்னர், சல்லாபம், ஈ புழையும் கடந்நு, தூவல் கொட்டாரம், களியாட்டம், கிருஷ்ணகுடியில் ஒரு பிரணயகாலத்து (1997), சம்மர் இன் பெத்லஹேம், உள்ளிட்ட வெற்றித் படங்களில் நடித்து முன்னணி நடிகையாக மாறினார். இவர் இந்திய தேசிய திரைப்பட சிறப்பு விருதையும், சிறந்த நடிகைக்கான கேரள அரசின் விருதையும், சிறந்த நடிகைக்கான பிலிம்பேர் விருது உள்ளிட்ட பல விருதுகளை பெற்றுள்ளார்.

மலையாள திரையுலகின் முன்னணி நடிகரான திலீப்பை காதலித்து திருமணம் செய்து கொண்டார். இந்த தம்பதிகளுக்கு மீனாட்சி என்கிற மகள் ஒருவரும் உள்ள நிலையில், திலீப் - மஞ்சு ஜோடி கருத்து வேறுபாடு காரணமாக விவாகரத்து பெற்று பிரிந்தனர்.

இவரின் முன்னாள் கணவர் திலீப் நடிகை காவியா மாதவனுடன் பழகி வந்தது தான் இவர்களின் திருமண முறிவுக்கு காரணம் என கூறப்பட்ட நிலையில்... பின்னர் திலீப் காவியாவையே திருமணமும் செய்து கொண்டார்.

இவர்களின் மகள் மீனாட்சி பெரும்பாலும் அவரின் அப்பாவிடம் வசித்து வருவதாக கூறப்படுகிறது. திருமணம் ஆகி விவாகரத்து பெற்ற  பின்பும் தொடர்ந்து தரமான கதைகளை மட்டுமே தேர்வு செய்து நடித்து வரும் மஞ்சு வாரியர் சமீப காலமாக தமிழிலும் அதிக கவனம் செலுத்தி வருகிறார். அந்த வங்கியில் நடிகர் தனுஷ் நடிப்பில் வெளியாகி தேசிய விருதை பெற்ற, 'அசுரன்' படத்தில் தனுஷுக்கு ஜோடியாக நடித்து, தன்னுடைய இயல்பான நடிப்பை வெளிப்படுத்தி ரசிகர்கள் மனதை வென்றார்.

இதை தொடர்ந்து, நடிகர் அஜித் நடித்த துணிவு படத்தில்... கண்மணி என்கிற படு போல்ட்டான பெண்மணியாக நடித்திருந்தார். இவர் தமிழில் நடித்த அடுத்தடுத்த படங்கள் வெற்றி பெறவே இவரை மேலும் சில தமிழ் படங்களில் நடிக்க வைக்கவும் ரசிகர்கள் ஆர்வம் காட்டி வருகிறார்கள். அதே போல் மலையாள திரையுலகிலும் தொடர்ந்து கதையின் நாயகியாகவே நடிக்கும் படங்களை தேர்வு செய்து நடித்து வருகிறார்.

பரதநாட்டிய கலைஞரான இவர், மேடையில் கோகுலத்து... கிருஷ்ணனாக மாறி ராதையை கொஞ்சி குழவி நடனமாடிய சில புகைப்படங்கள் தற்போது சமூக வலைத்தளத்தில் வைரலாக பார்க்கப்பட்டு லைக்குகளை குவித்து வருகிறது.