AK 62 படத்தில் தரமான நடிகரை அஜித்துக்கு வில்லனாகும் விக்கி! ஹீரோயின் குறித்து வெளியான சர்ப்ரைஸ் அப்டேட்!

இயக்குனர் விக்னேஷ் சிவன் இயக்கத்தில், அஜித் நடிக்க உள்ள ஏகே 62 படத்தின் வில்லன் மற்றும் ஹீரோயின் குறித்த லேட்டஸ்ட் தகவல் தற்போது வெளியாகி உள்ளது.  

அஜித் தற்போது இயக்குனர் எச்.வினோத் இயக்கத்தில் நடித்துள்ள 'துணிவு' திரைப்படம் பொங்கல் பண்டிகையை முன்னிட்டு ஜனவரி 11ஆம் தேதி வெளியாக உள்ளது. எனவே அஜித் அடுத்ததாக நடிக்க உள்ள படம் குறித்த தகவலும், இதில் நடிக்க உள்ள நடிகர், நடிகைகள், குறித்த லேட்டஸ்ட் அப்டேட் வெளியாகியுள்ளது.

அஜித் தன்னுடைய 62 ஆவது படத்தை லேடி சூப்பர் ஸ்டார் நயன்தாராவின் கணவரும், இயக்குனருமான விக்னேஷ் சிவன் இயக்கத்தில் நடிக்க உள்ளார். இந்த தகவல் ஏற்கனவே அதிகாரப்பூர்வமாக வெளியான நிலையில், விரைவில் இந்த படப்பிடிப்பு ஆரம்பமாகும் என எதிர்பார்க்கப்படுகிறது.

எனவே இயக்குனர் விக்னேஷ் சிவன், இந்த படத்தில் நடிக்க உள்ள நடிகர் - நடிகைகள் குறித்த தேர்வில் அதிக கவனம் செலுத்தி வருகிறார். அவ்வபோது ஏகே 62 படத்தில் நடிக்க உள்ள, பிரபலங்கள் குறித்த லேட்டஸ்ட் தகவல்கள் வெளியான வண்ணம் உள்ளன.

அந்த வகையில் ஏற்கனவே நடிகர் சந்தானம் காமெடி அல்லாத முக்கிய கதாபாத்திரத்தில் நடிக்க உள்ளதாக கூறப்பட்ட நிலையில், ஏகே 62 படத்தில் வில்லனாகவும், கதாநாயகியாகவும் நடிக்க உள்ள முக்கிய பிரபலங்கள் இருவர் குறித்த தகவல் வெளியாகியுள்ளது.

'தனி ஒருவன்' படத்தின் மூலம் தன்னை ஒரு ஸ்டைலிஷ் வில்லனாக வெளிக்காட்டிக்கொண்ட, பிரபல நடிகர் அரவிந்த்சாமி அஜித்துக்கு வில்லனாக நடிக்க உள்ளதாக கூறப்படுகிறது. அதே போல் ஏற்கனவே இந்த படத்தில், பிரபல நடிகை திரிஷா அஜித்துக்கு ஜோடியாக நடிக்க வாய்ப்புள்ளதாக செய்திகள் வெளியான நிலையில்,தற்போது காஜல் அகர்வால் நடிக்க கூடும் என சினிமா வட்டாரத்தில் செய்திகள் கசிந்துள்ளது.

அடுத்த மாதம் அல்லது இந்த மாத இறுதியில் படப்பிடிப்பு துவங்கும் என கூறப்படுவதால் விரைவில் AK 62 படத்தின் தொழில்நுட்ப கலைஞர்கள் மற்றும் நடிகர் - நடிகைகள் குறித்த அதிகார பூர்வ தகவல் வெளியாகும் என்பது குறிப்பிடத்தக்கது.