13 வருஷத்துக்கு முன் சொதப்பிய விஷயத்தை... விடாமுயற்சி படத்துக்காக மீண்டும் கையிலெடுக்கும் அஜித் - செட் ஆகுமா?

தமிழ் திரையுலகில் முன்னணி நடிகராக வலம் வரும் அஜித், மகிழ் திருமேனி இயக்கும் விடாமுயற்சி படத்தில் சர்ப்ரைஸ் ஒன்றை கொடுக்க உள்ளாராம்.

தமிழ் திரையுலகில் மாஸ் நடிகராக வலம் வருபவர் அஜித். இவர் நடிப்பில் கடைசியாக வெளிவந்த துணிவு திரைப்படம் பிளாக்பஸ்டர் ஹிட் ஆனதை அடுத்து, அடுத்ததாக விடா முயற்சி படத்தில் நடிக்க உள்ளார் அஜித். இப்படத்தை மகிழ் திருமேனி இயக்க இருக்கிறார். இவர் ஏற்கனவே தமிழில் தடையறத் தாக்க, தடம், மீகாமன் போன்ற வெற்றிப்படங்களை இயக்கியவர் ஆவார். இப்படத்தை லைகா நிறுவனம் தான் தயாரிக்க உள்ளது.

விடாமுயற்சி படத்திற்கு அனிருத் இசையமைக்க உள்ளார். தற்போது இப்படத்தில் நடிக்கும் நடிகர், நடிகைகள் தேர்வு முழுவீச்சில் நடைபெற்று வருகிறது. இப்படத்தில் அஜித்துக்கு ஜோடியாக நடிகை திரிஷா நடிக்க உள்ளதாகவும் கூறப்படுகிறது. விடாமுயற்சி படத்தின் படப்பிடிப்பு இம்மாத இறுதியில் தொடங்கப்பட உள்ளதாம். அதற்காக நடிகர் அஜித் தற்போது தயாராகி வருகிறார். இப்படத்திற்காக உடல் எடையை குறைக்கும் பணியில் தீவிரமாக ஈடுபட்டுள்ளார் அஜித்.

இதையும் படியுங்கள்... அஜித் உடனான காதல் திருமணத்துக்கு பின் ஷாலினி நடித்த ஒரே ஒரு தமிழ் படம் - எது தெரியுமா?

இந்நிலையில், தற்போது சர்ப்ரைஸ் அப்டேட் ஒன்று வெளியாகி உள்ளது. அதன்படி, விடாமுயற்சி படத்தில் நடிகர் அஜித் இரட்டை வேடத்தில் நடிக்க உள்ளாராம். அவர் கடைசியாக கடந்த 2010-ம் ஆண்டு வெளிவந்த அசல் படத்தில் தந்தை, மகன் என இரட்டை வேடம் ஏற்று நடித்திருந்தார். அதன்பின் 13 ஆண்டுகள் இடைவெளிக்கு பின்னர் மீண்டும் இரட்டை வேடத்தில் அஜித் நடிக்க உள்ளதாக தகவல்கள் தெரிவிக்கின்றன.

அஜித் கடைசியாக இரட்டை வேடத்தில் நடித்த அசல் திரைப்படம் பிளாப் ஆனது. அதனால் தான் அடுத்தடுத்த படங்களில் அவர் இரட்டை வேடங்களில் நடிப்பதை தவிர்த்து வந்தார். ஆனால் தற்போது 13 ஆண்டுகளுக்கு பின் மீண்டும் இரட்டை வேடம் ஏற்றுள்ள அஜித், இப்படத்தின் மூலம் மாஸான கம்பேக் கொடுப்பாரா என்பதை பொறுத்திருந்து தான் பார்க்க வேண்டும். விடாமுயற்சி படத்தை அடுத்தாண்டு கோடை விடுமுறைக்கு திரைக்கு கொண்டுவர உள்ளனர்.

இதையும் படியுங்கள்... தீவிரமான கேன்சர் நோயால் பாதிக்கப்பட்ட சிறுமியின் ஆசையை நிறைவேற்றிய சுதீப் - ரியல் ஹீரோ என பாராட்டும் ரசிகர்கள்