ரூ.100 கோடி சம்பளம்.. கையில் வெறும் சாதாரண போன்! அஜித்தின் எளிமைக்குப் பின்னால் இருக்கும் ரகசியம் என்ன?

Ajith Kumar Samsung Galaxy S22 Model Mobile Phone : கோடிக்கணக்கில் சம்பளம் வாங்கும் முன்னணி நடிகர் அஜித் குமார், மிகவும் எளிமையான செல்போனைப் பயன்படுத்தி வருவது குறித்த தகவல் வைரலாகி வருகிறது.

அஜித் பயன்படுத்தும் செல்போன், Ajith Kumar mobile phone details

நடிகர், ரேஸர் என பன்முகத்தன்மை கொண்டவர் நடிகர் அஜித் குமார். திரையில் அவர் காட்டும் மாஸை விட, நிஜ வாழ்க்கையில் அவர் கடைபிடிக்கும் கண்ணியம் மற்றும் ஒழுக்கம் தான் அவரை பல கோடி ரசிகர்களுக்குப் பிடித்தமான 'தல'யாக மாற்றியுள்ளது. குறிப்பாக, பொது இடங்களில் பெண்களிடம் அவர் காட்டும் மரியாதை, சாலை விதிகளை முறையாகப் பின்பற்றுவது என அஜித்தின் ஒவ்வொரு செயலும் ஒரு முன்னுதாரணமாகவே பார்க்கப்படுகிறது.

அஜித்தின் வைரல் செய்திகள், Ajith Kumar viral news today

அஜித்தின் மிக முக்கியமான நற்பண்புகளில் ஒன்று, அவரது ஜனநாயகக் கடமை. படப்பிடிப்பு அல்லது கார் பந்தயம் என உலகத்தின் எந்த மூலையில் இருந்தாலும், தேர்தல் என்று வந்துவிட்டால் சென்னைக்குத் திரும்பி முதல் ஆளாக வந்து வாக்களிப்பதை அவர் ஒருபோதும் தவறியதில்லை. அந்த வகையில், தற்போது நடைபெற்று வரும் தமிழக சட்டசபை தேர்தலுக்காக, பெல்ஜியத்தில் கார் பந்தயப் பயிற்சியில் இருந்த அஜித், அங்கிருந்து விமானம் மூலம் சென்னை விரைந்தார்.

தல அஜித் கோடிக்கணக்கான சம்பளம், Thala Ajith salary per movie

இன்று காலை 7 மணிக்கு வாக்குப்பதிவு தொடங்குவதற்கு முன்பே, சரியாக 6.45 மணிக்கே திருவான்மியூர் வாக்குச்சாவடிக்கு அஜித் வருகை தந்தார். அப்போது அவர் அணிந்திருந்த வெள்ளை நிற கோட் சூட் மற்றும் கருப்பு கண்ணாடி ஒரு சர்வதேச ரேஸருக்கான கம்பீரத்தைக் கொடுத்தது. வழக்கமாகப் பொது இடங்களுக்கு வரும்போது கையில் செல்போன் எடுத்து வராத அஜித், இந்த முறை ஒரு கருப்பு நிற ஸ்மார்ட்போனை வைத்திருந்தார். மேலும், அங்கு கூடியிருந்த ரசிகர் கூட்டத்தைத் தனது செல்போனில் செல்பி வீடியோவாகவும் அவர் பதிவு செய்தார்.

அஜித் குமார் எளிமை, Ajith Kumar simplicity stories

அந்த வீடியோ மற்றும் புகைப்படங்கள் இணையத்தில் வைரலான நிலையில், நெட்டிசன்களின் கண்கள் அஜித் கையில் வைத்திருந்த செல்போன் மீது திரும்பியது. பொதுவாகத் திரையுலகப் பிரபலங்கள் என்றாலே லட்சக்கணக்கிலான விலையுள்ள அதிநவீன போன்களைத் தான் பயன்படுத்துவார்கள். ஆனால், அஜித் கையில் வைத்திருந்தது Samsung Galaxy S22 மாடல் என்பது தெரியவந்துள்ளது. அதோடு இந்த மொபைலின் விலை ரூ.85,000 என்றும் தெரிகிறது. மேலும், இந்த மொபைலில் வயர்லெஸ் சார்ஜிங், 128 ஜிபி ரேம், ஸ்னாப்டிராகன் 8 ஜென் 1 புராசஸர் மற்றும் அமோல்டு டிஸ்பிளே ஆகிய அம்சங்கள் உள்ளன.

Samsung Galaxy S22 மாடல்

"விலையுயர்ந்த கார்கள் மற்றும் பைக்குகள் மீது ஆர்வம் கொண்ட அஜித், அன்றாட பயன்பாட்டிற்கு இவ்வளவு எளிமையான போனைப் பயன்படுத்துவது அவரது பெருந்தன்மையைக் காட்டுகிறது" என ரசிகர்கள் பதிவிட்டு வருகின்றனர். ஆடம்பரம் இல்லாத அஜித்தின் இந்த எளிமை, மீண்டும் ஒருமுறை இணையத்தில் பேசுபொருளாகியுள்ளது. 'ஆடம்பரம் என்பது காட்டும் பொருளில் இல்லை, நாம் வாழும் விதத்தில் உள்ளது' என்பதை மீண்டும் ஒருமுறை அஜித் நிரூபித்திருப்பதாக அவரது ரசிகர்கள் கொண்டாடி வருகின்றனர்.