நடிகர் அஜித் துணிவு படத்தின் புரமோஷனுக்கு வர மறுத்தாலும், அவரது ரசிகர்கள் அப்படத்தை வேறலெவலில் புரமோட் செய்து வருகின்றனர்.
வித்தியாசமான கதையம்சத்துடன் வெளியான சதுரங்க வேட்டை திரைப்படத்தின் மூலம் தமிழ் திரையுலகில் இயக்குனராக எண்ட்ரி கொடுத்தவர் எச்.வினோத். முதல் படத்திலேயே வெற்றிகண்ட இவர் அடுத்ததாக கார்த்தி நடித்த தீரன் அதிகாரம் ஒன்று படத்தை இயக்கியதன் மூலம் முன்னணி நடிகர்களின் கவனத்தை ஈர்த்தார். இதையடுத்து இவருக்கு கிடைத்த ஜாக்பாட் வாய்ப்பு தான் நேர்கொண்ட பார்வை.
இது ரீமேக் படமாக இருந்தாலும், அதில் அஜித்தின் கதாபாத்திரத்தை இவர் வடிவமைத்து இருந்த விதம் அனைவரின் பாராட்டுக்களையும் பெற்றது. நேர்கொண்ட பார்வை படத்தின் வெற்றிக்கு பின் அஜித்துடன் மீண்டும் கூட்டணி அமைத்த எச்.வினோத், அவரை வைத்து வலிமை படத்தை இயக்கினார். இப்படம் கலவையான விமர்சனங்களை சந்தித்தாலும் பாக்ஸ் ஆபிஸில் ரூ.200 கோடிக்கு மேல் வசூலித்து சாதனை படைத்தது.
இதையும் படியுங்கள்... இது டெரரான காதலா இருக்கே...! வைரலாகும் பரத் - வாணி போஜன் ‘லவ்’ பட டீசர்
தற்போது அஜித்தை வைத்து ஹாட்ரிக் ஹிட் கொடுக்கும் முனைப்பில் அவருடன் மூன்றாவது முறையாக கூட்டணி அமைத்துள்ள எச்.வினோத், அவர் நடிக்கும் துணிவு படத்தை இயக்கி உள்ளார். இப்படம் வருகிற ஜனவரி மாதம் பொங்கல் பண்டிகைக்கு ரிலீஸ் ஆக உள்ளது. வழக்கம்போல் இந்த படத்தின் புரமோஷனுக்கு வர மறுத்த அஜித், ஒரு நல்ல படத்துக்கு புரமோஷனே தேவை இல்லை என்றெல்லாம் அறிக்கை வெளியிட்டு இருந்தார்.
அஜித் புரமோஷனுக்கு நோ சொன்னாலும், அவரது ரசிகர்கள் துணிவு படத்தை வேறலெவலில் புரமோட் செய்து வருகின்றனர். தமிழகமெங்கும் திரும்பிய பக்கமெல்லாம் போஸ்டர் அடித்தும், பேனர்கள் வைத்தும் வருவது ஒருபக்கம் இருந்தாலும், தற்போது அதற்கு ஒருபடி மேலே போய் கத்தாரில் நடைபெற்று வரும் கால்பந்து உலகக்கோப்பை தொடரில் துணிவு பட பேனருடன் வந்து மாஸ்காட்டு வருகின்றனர். அதுகுறித்த புகைப்படங்கள் வெளியாகி வைரலாகி வருகிறது.
இதையும் படியுங்கள்... பழசுக்கு வந்த திடீர் மவுசு... ரஜினியை தொடர்ந்து ரீ-ரிலீஸ் செய்வதற்காக பழைய படத்தை தூசி தட்டி எடுக்கும் அஜித்?