பாரதி கண்ணம்மா சீரியலை தொடர்ந்து... இந்த விஜய் டிவி தொடரும் முடிவுக்கு வருகிறதா? வெளியான புது அப்டேட்!

பாரதி கண்ணம்மா சீரியல் விரைவில் முடிவுக்கு வர உள்ளதை, சீரியல் குழுவினரே அறிவித்துவிட்ட நிலையில்... மற்றொரு விஜய் டிவி சீரியலும் முடிவுக்கு வர உள்ளதாக தகவல் வெளியாகியுள்ளது.

விஜய் டிவி தொலைக்காட்சியில், ஒளிபரப்பாகி வரும்... முக்கிய சீரியல்களில் ஒன்று பாரதி கண்ணம்மா சீரியல். சந்தோஷமான வாழ்க்கையில்... கணவன் - மனைவி இடையே சந்தேகம் என்கிற நோய் வந்தால், வாழ்க்கை எப்படி அலகோளமாய் மாறும் என்பதை எதார்த்ததோடு ஒளிபரப்பாகி வந்த சீரியல் தான் பாரதி கண்ணம்மா.

அதே நேரம், எத்தனை அவதூறு பழிகள் தன் மீது விழுந்தாலும், அதை எல்லாம் தூசி போல் தட்டி விட்டுவிட்டு, இந்த உலகத்தில் ஒரு பெண்ணால் எதையும் சாதிக்க முடியும் என்பதையும் அழுத்தம் திருத்தமாக வெளிப்படுத்தினார் கண்ணம்மா சீரியலில் நடித்திருந்த வினுஷா.

4 வருடங்களுக்கு மேலாக, ஒளிபரப்பாகி வந்த இந்த சீரியல்... எப்போது முடிவுக்கு வரும் என்பது தெரியாமல், பல்வேறு ட்விட்டுகளோட 'பாரதி கண்ணம்மா' சீரியலை இயக்கி வந்தார் இயக்குனர்  பிரவீன் பென்னட் . ஆனால் ஒரு வழியாக தற்போது இறுதி அத்தியாயத்தை எட்டியுள்ளது. இன்னும் சில நாட்களில் இந்த சீரியல் முடிவுக்கு வர உள்ள நிலையில் இந்த சீரியலில் இரண்டாம் பாகம் எடுக்கப்பட உள்ள தகவலும் வெளியாகியுள்ளது.

இந்நிலையில் தற்போது வெளியாகியுள்ள தகவலின்படி, இந்த சீரியலை தொடர்ந்து... மற்றொரு விஜய் டிவி சீரியலும் முடிவுக்கு வர உள்ளதாம். சமீபத்தில் துவங்கப்பட்ட, 'நம்ப வீட்டு பொண்ணு' சீரியல், இன்னும் ஒரு மாதத்தில் முடிவடைய உள்ளதாக கூறப்படுகிறது. இந்த சீரியலின் ரசிகர்கள் பலரும் விறுவிறுப்பாக ஒளிபரப்பாகி வரும் தொடர் அதற்குள் முடிகிறதா? என கேள்வி எழுப்பி வருகிறார்கள்.