சந்தானம் பட ஹீரோயினுக்கு இந்த நிலையா? மருத்துவமனையில் படுத்த படுக்கையாக இருக்கும் விஷாகா சிங்! ஷாக்கிங் போட்டோ

நடிகை விஷாகா சிங், திடீரென ஏற்பட்ட உடல்நலக் குறைவு காரணமாக மருத்துவமனையில் அனுமதிக்கப்பட்டு... சிகிச்சை பெற்று வரும் புகைப்படங்களை தன்னுடைய இன்ஸ்டாகிராம் பக்கத்தில் வெளியிட, ரசிகர்கள் பலரும் மிகவும் ஷாக்காக என்ன ஆனது என நலம் விசாரித்து வருகின்றனர்.  

துபாயில் பிறந்து வளர்ந்தவர் நடிகை விஷாகா சிங். தன்னுடைய ஸ்கூல் படிப்பை வெளிநாட்டில் முடித்தாலும், கல்லூரி படிப்பை டெல்லியில் தான் முடித்தார்.  மீடியா துறை சம்மந்தமாக, முதுநிலை படிப்பை முடித்துள்ள விஷாகா சிங்,  கடந்த 2007 ஆம் ஆண்டு மாடலிங் துறையில் கால் பதித்தார். பல விளைபரங்களில் நடித்துள்ள விஷாகா சிங்கை மிகவும் பிரபலமடைய செய்தது என்றால்,  திரிஷாவுடன் டல் திவ்யா.. தூள் திவ்யா ஆகிட்டா என்கிற விளம்பரம் தான்.

இதை தொடர்ந்து கடந்த  2007 ஆம் ஆண்டு 'கணப்பக்கம்' என்கிற தெலுங்கு திரைப்படத்தின் மூலம் கதாநாயகியாக அறிமுகமானார் விஷாகா சிங். இதை தொடர்ந்து, தமிழில் நடிகர் அசோக் குமாருக்கு ஜோடியாக 'பிடிச்சிருக்கா' என்கிற படத்தில் நடித்தார். அடுத்தடுத்து ஹிந்தி, கன்னடம், ஆங்கிலம், என பல்வேறு மொழிகளில் நடிக்க இவருக்கு வாய்ப்பு கிடைத்தது.

குறிப்பாக தமிழில் இவர் சந்தானம் மற்றும் மறைந்த நடிகர் நடிகரும், மருத்துவரான சேதுவுக்கு ஜோடியாக நடித்த 'கண்ணா லட்டு தின்ன ஆசையா' திரைப்படம் சூப்பர் டூப்பர் ஹிட் அடித்தது. இதை தொடர்ந்து கடந்த 2016 ஆம் ஆண்டு, வாலிப ராஜா என்கிற படத்தில் தான் கடைசியாக நடித்திருந்தார் விஷாகா சிங். நடிப்பு மட்டுமின்றி மாடலிங், NFT தொழிலிலும் கவனம் செலுத்தி வரும் இவர் ரீ தற்போது மருத்துவமனையில் அனுமதிக்கப்பட்டுள்ளார்.

இது குறித்து தன்னுடைய சமூக வலைதள பக்கத்தில் விஷாகா சிங் தெரிவித்துள்ளதாவது, "நான் நீண்ட நேரம் கீழே மற்றும் வெளியே இருக்க முடியாது... கால மாற்றத்தால் அடிக்கடி நடக்கும் வினோதமான சம்பவங்கள் விபத்து மற்றும் உடல்நல பிரச்சனைகளுக்கு பிறகு, மகிழ்ச்சியான ஆரோக்கியமான கோடையை நோக்கி திரும்புகிறது. ஏப்ரல் எப்போதுமே எனக்கு உண்மையான புத்தாண்டாகவே இருந்திருக்கிறது. ஒரு வேலை இது புதிய நிதியாண்டு என்பதால் என்பதாலோ அல்லது எனது பிறந்த மாதத்தின் முன் மாதம் என்பதால், கோடை நாட்கள் நோக்கி முழு ஆர்வத்துடன் முன்னேறி, வருகிறேன். என தெரிவித்துள்ளார்.

இதிலிருந்து காலமாற்றத்தால் ஏற்படும் உடல்நல பிரச்சினையால் விஷாகா பாதிக்கப்பட்டுள்ளது தெரிகிறது. மேலும் இதற்காக அவர் தற்போது மருத்துவமனையில் சிகிச்சை பெற்று வருகிறார். இதைத்தொடர்ந்து ரசிகர்கள் பலரும் விரைவில் அவர் குணமடைய தங்களின் வாழ்த்துக்களை தெரிவித்து வருகிறார்கள். விஷாகா சிங் தற்போது நீண்ட இடைவெளிக்கு பின்னர், ஹிந்தி மற்றும் தெலுங்கில் தலா ஒரு படங்கள் நடித்து வருகிறார். அதேபோல் பல்வேறு உலக நாடுகள் நடக்கும் கான்ஃபரன்ஸ்களில் கலந்து கொண்டு பேசி வருகிறார் என்பது குறிப்பிடத்தக்கது.