நடிகை சீதா வீட்டில் திருட்டு; போலீசில் பரபரப்பு புகார்!
First Published | Nov 22, 2024, 10:59 AM ISTநடிகை சீதா வீட்டில் வைத்திருந்த இரண்டரை சவரன் நகை தொலைந்து போயுள்ளதாக, போலீசில் பரபரப்பு புகார் அளித்துள்ளார்.
☰
Actress Seetha
தமிழ் சினிமாவில் ஆண்பாவம் திரைப்படத்தின் மூலம் அறிமுகமாகி, ரஜினிகாந்த், விஜயகாந்த், உள்ளிட்ட பல முன்னணி நடிகர்களுக்கு ஜோடியாக நடித்து பிரபலமானவர் நடிகை சீதா. தற்போது தமிழ் சினிமாவில் குணச்சித்திர நடிகையாக வலம் வந்து கொண்டிருக்கிறார். இவர் தன்னுடைய வீட்டில் வைக்கப்பட்டிருந்த 2 1/2 சவரன் நகை காணாமல் போனதாக போலீசில் புகார் கொடுத்துள்ள சம்பவம், பரபரப்பை ஏற்படுத்தி உள்ளது.
Actress Seetha Parthiban
நடிகை சீதா, கணவர் பார்த்திபனை விவாகரத்து செய்த பின்னர் சீரியல் நடிகர்சதீஷை இரண்டாவதாக திருமணம் செய்து அவரிடம் இருந்தும் பிரிந்ததாக கூறப்படுகிறது. தற்போது விருகம்பாக்கத்தில் உள்ள புஷ்பா காலனி பகுதியில் வசித்து வருகிறார்.
நயனை கரம்பிடித்த பின் கடகடவென உயர்ந்த விக்னேஷ் சிவன் சொத்து மதிப்பு - அதுவும் இத்தனை கோடியா?
Tap to resize
Seetha police Complaint
இந்நிலையில் இவர் தன்னுடைய வீட்டில் வைத்திருந்த 2 1/2 சவரன் ஜிமிக்கி மட்டும் காணாமல் போய் உள்ளதாக விருகம்பாக்கம் காவல் நிலையத்தில் புகார் கொடுத்துள்ளார். மற்ற நகைகள் அனைத்தும் வீட்டில் இருக்கும் நிலையில் ஜிமிக்கி மட்டுமே காணாமல் போய் உள்ளதால் தனக்கு தெரிந்தவர்கள் அல்லது வீட்டில் வேலை செய்பவர்கள் யாரேனும் எடுத்திருப்பார்கள் என்கிற சந்தேகத்தில் சீதா இந்த புகாரை அளித்துள்ள நிலையில், போலீசார் நகை திருட்டில் ஈடுபட்ட குற்றவாளி யார் என்று தொடர்ந்து விசாரணை நடத்தி வருகின்றனர்.
Jewel theft
நடிகை சீதா சமீபத்தில் ஜெயம் ரவி நடிப்பில் வெளியான 'பிரதர்' திரைப்படத்தில் நடித்திருந்தார் என்பது குறிப்பிடத்தக்கது. மேலும் தமிழ் மட்டுமின்றி, தெலுங்கு, மலையாளம், கன்னடம், போன்ற மொழிகளிலும் நடித்து பிரபலமானவர். நடிகை சீதா சின்னத்திரையிலும் ஏராளமான தொடர்களில் நடித்துள்ளார். அதே போல் இந்த ஆண்டு ஹாட்ஸ்டார் ஓடிடி தளத்தில் வெளியான, மை பெர்ஃபெக்ட் ஹஸ்பண்ட், மற்றும் zee5 ஓடிடி தளத்தில் வெளியான தந்துவிட்டேன் என்னை என்கிற வெப் சீரியஸிலும் நடித்திருந்தார் என்பது குறிப்பிடத்தக்கது.
Latest Videos
சேனலை கிளிக் செய்து பின்தொடரவும்click me!