Samantha : தென்னிந்திய திரையுலகில் பிசியான நடிகையாக வலம் வரும் சமந்தாவுக்கு பாலிவுட்டில் இருந்தும் பட வாய்ப்புகள் குவிந்த வண்ணம் உள்ளதாம்.
தென்னிந்திய திரையுலகில் முன்னணி நடிகையாக வலம் வருபவர் சமந்தா. இவர் நடிப்பில் அண்மையில் வெளியான காத்துவாக்குல ரெண்டு காதல் திரைப்படம் அமோக வரவேற்பை பெற்றது. விக்னேஷ் சிவன் இயக்கியிருந்த இப்படத்தில் விஜய் சேதுபதிக்கு ஜோடியாக கதீஜா என்கிற கதாபாத்திரத்தில் நடித்திருந்தார் சமந்தா.
இதையடுத்து தெலுங்கில் யசோதா, சகுந்தலம் ஆகிய படங்களில் நடித்து முடித்துள்ள சமந்தா, தற்போது விஜய் நிர்வாணா இயக்கி வரும் குஷி என்கிற தெலுங்கு படத்தில் நடிகர் விஜய் தேவரகொண்டாவுக்கு ஜோடியாக நடித்து வருகிறார். இப்படம் வருகிற டிசம்பர் மாதம் கிறிஸ்துமஸ் பண்டிகையையொட்டி ரிலீசாக உள்ளது.
இதையடுத்து தமிழில் நடிகர் கார்த்திக்கு ஜோடியாக ஒரு படத்தில் அவர் நடிக்க உள்ளதாக கூறப்படுகிறது. இப்படத்தை பேச்சிலர் பட இயக்குனர் இயக்க உள்ளதாக தகவல்கள் தெரிவிக்கின்றன. இவ்வாறு பிசியான நடிகையாக வலம் வரும் சமந்தாவுக்கு பாலிவுட்டில் இருந்தும் பட வாய்ப்புகள் குவிந்த வண்ணம் உள்ளதாம்.
அந்த வகையில், அனீஸ் பாஸ்மே என்பவர் இயக்க உள்ள புதிய இந்தி படத்தில் சல்மான் கானுக்கு ஜோடியாக சமந்தா நடிக்க உள்ளதாக கூறப்படுகிறது. இப்படத்தில் சல்மான் கானின் காதலியாக சமந்தா நடிக்க உள்ளாராம். 56 வயதாகும் சல்மான் கான் உடன் 35 வயதாகும் சமந்தா ரொமான்ஸ் செய்ய உள்ளதாக பரவும் தகவல் அவரது ரசிகர்களை ஷாக் ஆக்கி உள்ளது. இந்த கூட்டணி செட் ஆகுமா என்பதை பொருத்திருந்து தான் பார்க்க வேண்டும்.
இதையும் படியுங்கள்... Indian 2 : விக்ரம் கூட்டணியை விடாமல் துரத்தும் கமல்... இந்தியன் 2-விலும் இணையும் பிரபல மாஸ் நடிகர்