இது என்ன குஷ்புவுக்கு வந்த சோதனை? மீண்டும் அதே பிரச்சனையால் மருத்துவமனையில் அனுமதி! என்ன ஆச்சு?

நடிகை குஷ்பு மீண்டும் அதே பிரச்சனையின் காரணமாக மருத்துவமனையில் அனுமதிக்கப்பட்டு சிகிச்சை பெற்று வருவதாக, புகைப்படம் வெளியிட்டு தெரிவித்துள்ளார்.  

தமிழ் சினிமாவில், 80 மற்றும் 90களில் முன்னணி நடிகையாக வலம் வந்தவர் குஷ்பு. முதல் முதலில் ஒரு நடிகைக்கு கோவில் கட்டி ரசிகர்கள் கொண்டாடினார்கள் என்றால் அது குஷ்புவுக்கு தான். தென்னிந்திய மொழி முன்னணி ஹீரோக்களான,  ரஜினி, கமல், விஜயகாந்த், சரத்குமார், சத்யராஜ், சிரஞ்சீவி உள்ளிட்ட பல நடிகர்களுக்கு ஜோடியாக நடித்த இவர், இயக்குனர் சுந்தர் சி-யை காதலித்து திருமணம் செய்து கொண்டார்.

 திருமணத்திற்கு பின்னரும், பல படங்களில் அக்கா, அண்ணி போன்ற அழுத்தமான வேடங்களை தேர்வு செய்து நடித்த குஷ்பு, பல சீரியல்களில் கதாநாயகியாக நடித்துள்ளார். அதே போல் சின்னத்திரை ரியாலிட்டி நிகழ்ச்சிகளில் நடுவராகவும், தொகுப்பாளராகவும் தன்னுடைய திறமையை வெளிப்படுத்தியுள்ளார். 

kushpoo

நடிப்பை தாண்டி அரசியலிலும் கால் பதித்துள்ள குஷ்பு, திமுக, காங்கிரஸ், கட்சிகளை தொடர்ந்து தற்போது பாஜக காட்சியிலும் தேசிய குழு உறுப்பினராக பொறுப்பு வகித்து வருகிறார். அதேபோல் தேசிய மகளிர் ஆணையத்தின் உறுப்பினராகவும் உள்ளார். அண்மையில் நடைபெற்ற திமுக நிகழ்ச்சி ஒன்றில் பேசிய அக்கட்சியின் பேச்சாளர், சிவாஜி கிருஷ்ணமூர்த்தி பெண்களை அவதூறாகப் பேசியதுடன் குஷ்பு பெயரைக் குறிப்பிட்டு ஆபாசமாகப் பேசினார் என அவரை கண்டிக்கும் விதத்தில் குஷ்பு பிரஸ் மீட் வைத்து அதிரடியாக பேசியது பரபரப்பை ஏற்படுத்தியது.

இந்த பரபரப்பு அடங்குவதற்குள்,  coccyx bone பிரச்சனையின் காரணமாக மருத்துவமனையில் அனுமதிக்கப்பட்டு சிகிச்சை பெற்றுவரும் புகைப்படத்தை வெளியிட்டுள்ளார். ஏற்கனவே முதுகு தண்டுவடப் பகுதிக்கு கீழ் மிகவும் வலி ஏற்பட்டதால் மருத்துவமனையில் அனுமதிக்கப்பட்டு இவர் சிகிச்சை பெற்ற நிலையில் மீண்டும் அதே பிரச்சனைக்காக இப்போது மருத்துவமனையில் அனுமதிக்கப்பட்டுள்ளார்.

கையில் ட்ரிப்ஸ் எறியபடி, பெட்டில் படுத்திருக்கும் புகைப்படத்தை வெளியிட்டு... மருத்துவர்களின் முறையான சிகிச்சைக்கு பின்னர்  முழுமையாக குணமாகும் என்று நம்புகிறேன் என தெரிவித்துள்ளார். இவரின் இந்த பதிவை பார்த்த பின்னர் ரசிகர்கள் பலரும், விரைவில் நலம் பெற தங்களின் வாழ்த்துக்களை தெரிவித்து வருகிறார்கள்.