தேமுதிக, தலைவர் மற்றும் நடிகருமான கேப்டன் விஜயகாந்த் இன்று தன்னுடைய 33 ஆவது திருமண விழாவை கொண்டாடுவதை முன்னிட்டு, குடும்பத்துடன் அவர் எடுத்து கொண்டுள்ள லேட்டஸ்ட் புகைப்படம் வெளியாகி வைரலாக பார்க்கப்பட்டு வருகிறது.
80-பது மற்றும் 90-களில் தமிழ் சினிமாவில் டாப் நட்சத்திர நடிகராக இருந்தவர் விஜயகாந்த். குறிப்பாக 90-களில் இவர் நடிப்பில் வெளியான கேப்டன் பிரபாகரன், சின்ன கவுண்டர், கோவில் காளை, செந்தூரப்பாண்டி, சேதுபதி ஐபிஎஸ், போன்ற பல படங்கள் 100 நாட்களுக்கு மேல் திரையரங்கில் வெற்றிகரமாக ஓடி பிளாக்பஸ்டர் வெற்றியை இவருக்கு பெற்று தந்தது.
இறுதியாக 2009 ஆம் ஆண்டு எங்கள் ஆசான் என்னும் படத்தில் நடித்திருந்தார். இதை தொடர்ந்து... தன்னுடைய மகனுடன் ஒரு படத்தில் நடிப்பதாக அறிவிப்பு வெளியான நிலையில், விஜயகாந்த் அரசியலில் தீவிர கவனம் செலுத்த துவங்கியதால், முழுமையாக திரைப்பட பணிகளில் இருந்து விலகினார்.
அந்த வங்கியில் 2011 ஆம் ஆண்டு நடைபெற்ற சட்டமன்றத் தேர்தலில் போட்டியிட்ட விஜயகாந்த் 2016 வரை எதிர்க்கட்சித் தலைவராக இருந்து மாஸ் காட்டினார். அப்போதைய முதல்வர் ஜெயலலிதாவுடன் ஏற்பட்ட மன கசப்பு காரணமாக, அடுத்து வந்த தேர்தலில் படு தோல்வியை சந்தித்தார்.
பின்னர் தேமுதிக கட்சியை துவங்கி அதில் தலைவராக இருந்து வந்த விஜயகாந்த், கடந்த சில வருடங்களாகவே உடல்நல பிரச்சனையால் அவதியுற்று வரும் நிலையில், அனைத்து அரசியல் பணிகளில் இருந்தும் ஒதுக்கி.. ரெஸ்ட் எடுத்து வருகிறார். அரசியல் குறித்த பணிகளை... விஜயகாந்தின் மனைவி பிரபலதா, அவருடைய மைத்துனர் சுதீஷ், மற்றும் மகன் பிரபாகரன் ஆகியோர் கவனித்து வருகிறார்கள்.
நடிகை சவுந்தர்யாவின் மறுபிறவியோ... அச்சு அசல் அவரை போலவே இருக்கும் பெண்ணின் புகைப்படங்கள் வைரல்!
இந்நிலையில் நடிகரும்,தேமுதிக தலைவருமான கேப்டன் விஜயகாந்த்,பிரேமலதா விஜயகாந்த் ஆகியோர் தங்களின் திருமண நாளை முன்னிட்டு, தேமுதிக துணை பொது செயலாளரும் தயாரிப்பாளருமான எல்.கே.சுதீஷ் அவரது மனைவி பூரண ஜோதி ஆகியோர் கேப்டன் விஜயகாந்த் அவர்களை நேரில் சந்தித்து திருமணநாள் வாழ்த்துக்களை தெரிவித்தனர். அருகில் கேப்டனின் மகன்கள் விஜயபிரபாகரன் மற்றும் சண்முகபாண்டியன் உடன் இருந்தனர்.
அதே போல் விஜயகாந்தின் ஆஸ்தான இயக்குனர்களின் ஒருவரான எஸ்.கே.சந்திர சேகர் விஜயகாந்தை நேரில் சந்தித்து வாழ்த்து தெரிவித்தார். விஜயகாந்த் எஸ்.ஏ.சி இயக்கத்தில் சுமார் 17 படங்களில் நடித்துள்ளார். தற்போது தன்னுடைய திருமண நாளை முன்னிட்டு மனைவி பிரேமலதாவுடன், பட்டு வேஷ்டி சட்டையில் விஜயகாந்த் மாலையும், கழுத்துமாக வெளியிட்டுள்ள புகைப்படம் தற்போது சமூக வலைத்தளத்தில் வைரலாகி வருகிறது.