Prabhas marriage : ரசிகர்கள் ஆவலோடு எதிர்பார்த்து காத்திருந்த குட் நியூஸ் வந்தாச்சு. நடிகர் பிரபாஸுக்கு விரைவில் திருமணம் நடைபெற உள்ளதாம்.
பாகுபலி படம் மூலம் பான் இந்தியா நடிகராக உயர்ந்தவர் பிரபாஸ். இப்படத்தின் வெற்றியைத் தொடர்ந்து இவர் நடிக்கும் படங்கள் அனைத்தும் பிரம்மாண்ட பட்ஜெட்டில் தயாராகி வருகின்றன. தற்போது இவர் கைவசம் சலார், புராஜக்ட் கே, ஆதிபுருஷ், ஸ்பிரிட் ஆகிய படங்கள் உள்ளன. இதில் தற்போது சலார் படத்தில் நடித்து வருகிறார் பிரபாஸ்.
சலார் படத்தை கேஜிஎப் படத்தின் இயக்குனர் பிரசாந்த் நீல் இயக்குகிறார். இப்படத்தில் பிரபாஸுக்கு ஜோடியாக சுருதிஹாசன் நடிக்கிறார். இதையடுத்து ஆதிபுருஷ் என்கிற வரலாற்று படத்தில் நடிக்கிறார். இப்படத்தை ஓம் ராவத் இயக்குகிறார். இப்படத்தில் கீர்த்தி சனோன் நாயகியாக நடிக்கிறார். இதில் வில்லனாக சைப் அலிகான் நடிக்கிறார்.
இவ்வாறு படு பிசியான நடிகராக வலம் வரும் பிரபாஸ் அவ்வப்போது திருமண சர்ச்சைகளிலும் சிக்குவதுண்டு. அதன்படி பாகுபலி படத்தில் நடித்தபோது, அவர் நடிகை அனுஷ்காவை காதலித்ததாகவும், இருவரும் விரைவில் திருமணம் செய்துகொள்ள உள்ளதாகவும் கூறப்பட்டது. ஆனால் இதனை திட்டவட்டமாக மறுத்த இருவரும் தாங்கள் இருவரும் நண்பர்கள் என கூறி சர்ச்சைக்கு முற்றுப்புள்ளி வைத்தனர்.
இந்நிலையில், ரசிகர்கள் ஆவலோடு எதிர்பார்த்து காத்திருந்த குட் நியூஸ் வந்தாச்சு. நடிகர் பிரபாஸுக்கு விரைவில் திருமணம் நடைபெற உள்ளதாம். அவருக்கு பெண்ணும் பார்த்துவிட்டதாக பிரபல நடிகரும், நடிகர் பிரபாஸின் மாமாவுமான கிருஷ்ணம் ராஜு தெரிவித்துள்ளார். சரியான நேரம் வரும்போது இதுகுறித்து அதிகாரப்பூர்வமாக அறிவிக்கப்படும் என அவர் கூறினார்.
இதையும் படியுங்கள்... Jayam ravi :தீவிர ரசிகனின் மரணச் செய்தி கேட்டு ஓடோடி வந்த ஜெயம் ரவி.. குடும்பத்தினருக்கு செய்த மிகப்பெரிய உதவி