55 வயதில் இப்படியா? கீழே பேண்ட் போட்டு... புடவை கட்டி வித்தியாசமான ஸ்டைலிஷ் லுக்கில் அசத்தும் நடிகை சீதா!

நடிகை சீதா தன்னுடைய 55 வயதில்.. வேற லெவல் மாடர்ன் லுக்கில் அசத்தும் லேட்டஸ்ட் போட்டோ ஷூட் புகைப்படங்கள் தற்போது சமூக வலைத்தளத்தில், வைரலாகி வருகிறது.  

80களில் முன்னணி நடிகையாக இருந்தவர் நடிகை சீதா, இவர் 1985 ஆம் ஆண்டு பிரபல இயக்குனர் பாண்டிராஜ், இயக்கிய ஆண்பாவம் திரைப்படத்தின் மூலம் தமிழ் சினிமாவில் ஹீரோயினாக அறிமுகமானார்.

இந்த படத்தில் நடிகர் பாண்டியனுக்கு ஜோடியாக சீதாவும், பாண்டியராஜனுக்கு ஜோடியாக ரேவதியும் நடித்திருந்தனர். இவருடைய முதல் படமே ரசிகர்கள் மத்தியில் நல்ல வரவேற்பை பெற்றதைத் தொடர்ந்து  ஆயிரம் பூக்கள் மலரட்டும், இவள் ஒரு பௌர்ணமி, சங்கர் குரு, தங்கச்சி, துளசி, குரு சிஷ்யன் என சுமார் 50க்கும் மேற்பட்ட படங்களில் முன்னணி நடிகர்களுக்கு ஜோடியாக நடித்தார்.

முன்னணி நடிகையாக இருக்கும் போதே இவர் கடந்த 1990 ஆம் ஆண்டு பிரபல நடிகர் பார்த்திபனை காதலித்து திருமணம் செய்து கொண்டார். 1989 ஆம் ஆண்டு பார்த்திபன் இயக்கி நடித்த 'புதிய பாதை' படத்தில், சீதா ஹீரோயினாக நடித்திருந்தார். அப்போது இருவருக்கும் நடுவே காதல் மலர்ந்ததைத் தொடர்ந்து... இருவரும் திருமணம் செய்து கொண்டனர்.

மூன்று குழந்தைகளுடன் மிகவும் சிறப்பாக வாழ்ந்து வந்த இந்த நட்சத்திர ஜோடி, திடீர் என ஏற்பட்ட கருத்து வேறுபாடு காரணமாக 2001 ஆம் ஆண்டு விவாகரத்து பெற்று பிரிந்தனர்.

விவாகரத்துக்கு பின்னர், 2002 ஆம் ஆண்டு மாறன் என்கிற திரைப்படத்தின் மூலம்... குணச்சித்திர நடிகையாக ரீ என்ட்ரி கொடுத்தார் சீதா. மேலும், வேலன், பெண், ஜனனம், சமரசம் போன்ற சீரியல்களில் முன்னணி கதாபாத்திரத்தில் நடித்தார்.

தமிழை தவிர, மலையாளம் தெலுங்கு போன்ற மொழி சீரியல்களிலும் நடித்த சீதா... பின்னர் தன்னுடன் சீரியலில் இணைந்து நடித்த சதீஷ் என்பவரை காதலித்து, 2010 ஆம் ஆண்டு திருமணம் செய்து கொண்டார்.

ஆனால் இந்த காதல் வாழ்க்கையும் நிலைக்காமல், 2016 ஆம் ஆண்டு விவாகரத்தில் முடிந்தது. திரைப்படங்களில் அம்மா வேடத்தில் நடித்து வரும் சீதா, தற்போது தன்னுடை 55 வயதில் அல்டரா மாடர்ன் உடையில் வெளியிட்டுள்ள வெளியிட்டுள்ள போட்டோஸ் வைரலாக பார்க்கப்பட்டு வருகிறது.

இந்த போட்டோ ஷூட் புகைப்படத்தில், கீழே பேண்ட் அணிந்து... மேலே புடவை கட்டி கோட் அணிந்திருப்பது போன்ற போட்டோ ஷூட், இளம் நடிகைகளுக்கு டஃப் கொடுக்கும் விதத்தில், உள்ளது குறிப்பிடத்தக்கது.