இடிந்து கிடந்த அரசுப்பள்ளி.. நண்பனுடன் சேர்ந்து சீரமைத்து கொடுத்த கார்த்தி- ரியல் ஹீரோ என பாராட்டும் ரசிகர்கள்

karthi : விருமன் பட பிரஸ் மீட்டில் பேசிய கார்த்தி, சிதிலமடைந்து கிடக்கும் பள்ளிகளை சீரமைக்க செல்வந்தர்கள் முன்வர வேண்டும் என வேண்டுகோள் விடுத்துள்ளார்.

நடிகர் கார்த்தி நடித்துள்ள விருமன் திரைப்படம் வருகிற ஆகஸ்ட் 12-ந் தேதி திரையரங்குகளில் ரிலீசாக உள்ளது. இப்படத்தின் ரிலீசுக்கு இன்னும் சில தினங்களே உள்ள நிலையில், இப்படத்தின் புரமோஷன் பணிகளும் வேகமாக நடைபெற்று வருகிறது. இப்படத்தின் பிரஸ் மீட் நேற்று சென்னையில் நடைபெற்றது. அதில் கலந்துகொண்டு பேசிய நடிகர் கார்த்தி, ஷூட்டிங்கின் போது நடந்த விஷயம் ஒன்றை கூறினார்.

தேனி அருகே உள்ள கிராமத்தில் ஷூட்டிங் நடைபெற்றுக் கொண்டிருந்தபோது, ஒரு மூதாட்டி வந்து அருகில் உள்ள பள்ளியை பார்க்க வருமாறு அழைத்தாராம். அப்போது ஷூட்டிங்கிற்கு நேரமானதால் பிறகு வந்து பார்ப்பதாக கூறிவிட்டு சென்ற கார்த்தி, பிறகு சென்று அந்த பள்ளியை பார்த்தபோது ஷாக் ஆகிவிட்டாராம்.

இதையும் படியுங்கள்... கிழிந்த டவுசருடன் நடுரோட்டில் தொடை தெரிய கவர்ச்சி போஸ் கொடுத்து அதகளப்படுத்திய பூஜா ஹெக்டே - வைரல் போட்டோஸ்

ஆங்காங்கே இடிந்து மிகவும் மோசமான நிலையில் இருந்துள்ளது அந்த பள்ளி. இதையடுத்து அதே பகுதியில் இன்ஜினியரிங் கல்லூரி நடத்தி வரும் தனது நண்பன் மற்றும் அருகில் உள்ள சில செல்வந்தர்கள் உதவியுடன் கார்த்தி சூர்யா நடத்தி வரும் அகரம் பவுண்டேஷனும் இணைந்து அந்த பள்ளியை சீரமைக்கும் பணியில் இறங்கி உள்ளது.

அவர்களின் உதவியால், சிதிலமடைந்து கிடந்த அந்த பள்ளி இன்று சூப்பராக மாறி இருக்கிறது. இதனை செய்துகொடுத்த கார்த்தி மற்றும் அவரது நண்பர்களுக்கு அந்த பள்ளி நிர்வாகத்தினரும் நன்றி தெரிவித்துள்ளனர். இதையடுத்து பேசிய கார்த்தி, அரசு சார்பில் நிதி ஒதுக்கப்பட்டாலும் அது சம்பந்தப்பட்ட பள்ளிகளுக்கு சரியான வகையில் சென்று சேருவதில்லை என கூறினார்.

மேலும் இதுபோன்று சிதிலமடைந்து கிடக்கும் பள்ளிகளை சீரமைக்க செல்வந்தர்கள் முன்வர வேண்டும் என கார்த்தி கேட்டுக்கொண்டார். கார்த்தியின் இந்த செயலைப் பார்த்து வியந்து போன நெட்டிசன்கள் அவரை பாராட்டி வருகின்றனர்.

இதையும் படியுங்கள்... நடிக்கும் படமெல்லாம் ஹிட்... சம்பளத்தை டபுள் மடங்கு உயர்த்தி தயாரிப்பாளர்களுக்கு அதிர்ச்சி கொடுத்த ராஷ்மிகா