Independence Day : பெரிய ஹீரோக்கள், பிரம்மாண்டமான போர் காட்சிகள் என வழக்கமான தேசபக்தி படங்களைத் தாண்டி, வித்தியாசமான கதைகளையும் உணர்வுகளையும் சொல்லும் இந்த 5 படங்களை இந்த சுதந்திர தினத்தில் பார்த்து தேசத்தை போற்றுங்கள்.
1. பிக்கெட் 43 - எதிரி நாட்டு ராணுவ வீரருடன் ஒரு இந்திய வீரனுக்கு இப்படியொரு நட்பா?
காஷ்மீர் எல்லையில் உள்ள பிக்கெட் 43 என்ற தொலைதூர ராணுவ நிலையைப் பாதுகாக்கும் இந்திய வீரருக்கும், எதிர்புறத்தில் இருக்கும் பாகிஸ்தான் வீரருக்கும் இடையே எதிர்பாராத நட்பு உருவாகிறது. நாடுகளின் எல்லைகளையும் தாண்டி மனிதநேயம் எப்படி இருக்க முடியும் என்பதை அழுத்தமாகச் சொல்லும் இந்த மலையாளப் படம், வழக்கமான தேசபக்தி படங்களில் இருந்து முற்றிலும் மாறுபட்டது. தமிழ் டப்பிங் பதிப்பிலும் பார்க்கலாம்.
1971 இந்தியா-பாகிஸ்தான் போரின் பின்னணியில் உருவான இந்தப் படம், இந்திய ராணுவ வீரர்களின் வீரத்தையும் போரின் மனிதநேய பக்கத்தையும் காட்டுகிறது. தற்போதைய காலத்தில் ஒரு இந்திய ராணுவ அதிகாரியும், பாகிஸ்தான் ராணுவ அதிகாரியும் சந்திக்கும்போது, அவர்களின் தந்தைகள் 1971 போரில் எதிரெதிர் பக்கங்களில் இருந்தது தெரியவருகிறது. போர், குடும்பம், பழைய நினைவுகள் என வித்தியாசமான கோணத்தில் கதை நகர்கிறது. தமிழ் டப்பிங் பதிப்பிலும் கிடைக்கிறது.
3. மேய்ன் குதிராம் போஸ் - வெறும் 18 வயதில் நாட்டுக்காக உயிரை தியாகம் செய்த இளைஞன்!
இந்திய சுதந்திரப் போராட்டத்தின் இளம் புரட்சியாளர்களில் ஒருவரான குதிராம் போஸ் வாழ்க்கையை மையமாகக் கொண்ட படம் இது. பிரிட்டிஷ் ஆட்சிக்கு எதிராக இளம் வயதிலேயே போராட்டத்தில் குதித்த அவரது துணிச்சலும், நாட்டுக்காக உயிரைத் தியாகம் செய்யத் தயாரான மனநிலையும் இந்தப் படத்தில் பதிவு செய்யப்பட்டுள்ளது. வழக்கமாக அதிகம் பேசப்படாத ஒரு சுதந்திரப் போராட்ட வீரரின் கதையை அறிந்துகொள்ள விரும்புபவர்களுக்கு இது ஒரு நல்ல தேர்வு. தமிழ் டப்பிங் பதிப்பிலும் பார்க்கலாம்.
4. சர்தார் உத்தம் - ஜாலியன் வாலாபாக் படுகொலைக்கு பல ஆண்டுகளுக்குப் பிறகு நடந்த பழிவாங்கல்!
1919-ம் ஆண்டு ஜாலியன் வாலாபாக் படுகொலைக்குப் பிறகு, அந்த சம்பவத்தை மறக்காமல் வாழ்ந்த உத்தம் சிங், பல ஆண்டுகள் கழித்து லண்டனுக்குச் சென்று மைக்கேல் ஓட்வையரை கொல்லும் சம்பவத்தை மையமாகக் கொண்ட படம் இது. நேரடியாக ஒரு ஆக்ஷன் படமாக இல்லாமல், உத்தம் சிங்கின் கடந்த காலம், அவரது மனநிலை மற்றும் நீண்டகாலப் பயணத்தை நான் லீனியர் முறையில் சொல்லும் படம். தமிழ் டப்பிங் பதிப்பிலும் கிடைக்கிறது.
5. தி காஸி அட்டாக் - கடலுக்கு அடியில் நடந்த அந்த ரகசியப் போர்!
1971 இந்தியா-பாகிஸ்தான் போரின் போது, இந்தியாவின் ஐஎன்எஸ் விக்ராந்த் விமானம் தாங்கிக் கப்பலை அழிக்க பாகிஸ்தானின் பிஎன்எஸ் காஸி நீர்மூழ்கிக் கப்பல் ரகசியமாக இந்தியக் கடற்பகுதிக்குள் நுழைகிறது. அதைத் தடுக்க இந்திய நீர்மூழ்கிக் கப்பல் ஐஎன்எஸ் கரன்ஜ் (S21) மேற்கொள்ளும் ரகசிய நடவடிக்கையே இந்தப் படத்தின் மையக்கதை. கடலுக்கு அடியில் 18 நாட்கள் நீடிக்கும் பதற்றமான சூழல், தந்திரம் மற்றும் வீரத்தை மையமாகக் கொண்ட இந்தப் படம், வழக்கமான போர் படங்களில் இருந்து முற்றிலும் மாறுபட்டது. தமிழ் டப்பிங் பதிப்பும் உள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
