சர்ச்சையை விலைக்கு வாங்கிய டாப் ஹீரோக்களின் 5 பாடல்கள்!
First Published | Sep 7, 2024, 7:38 PM ISTதமிழ் சினிமாவில் வெளியாகி, ஒரு சில சர்ச்சைகளுக்கு ஆளான ஐந்து படங்களில் இடம்பெற்ற பாடல்கள் குறித்து இந்த தொகுப்பில் பார்க்கலாம்.
☰
Karnan
கர்ணன்:
இயக்குனர் மாரி செல்வராஜ், 'பரியேறும் பெருமாள்' படத்தின் வெற்றிக்கு பின்னர்... நடிகர் தனுஷை வைத்து இயக்கிய திரைப்படம் கர்ணன். கலைப்புலி தாணு தயாரித்திருந்த இந்த படத்தில், தனுஷ் கதாநாயகனாக நடித்திருந்தார். நடிகை ரஜிஷா விஜயன் கதாநாயகியாக நடித்திருந்தார். மேலும் யோகி பாபு, லால், நடிகர் நட்டி, உள்ளிட்ட பலர் முக்கிய கதாபாத்திரத்தில் நடித்திருந்தனர்.
திருநெல்வேலி மாவட்டத்தில் உள்ள பொடியன் குளம் பகுதியில் நடந்த உண்மை சம்பவத்தை மையமாக வைத்து , எடுக்கப்பட்டிருந்த இந்த திரைப்படத்தையும், இயக்குனர் மாறி செல்வராஜ் வழக்கம்போல தாழ்த்தப்பட்ட மக்களின் பிரச்சினைகள் பற்றி பேசும் படமாகவே இயக்கி இருந்தார். ஒரு தரப்பினர் மத்தியில் இப்படத்திற்கு கலவையான விமர்சனங்கள் கிடைத்தாலும்.. மற்றொரு தரப்பினர் இப்படத்தை வரவேற்றனர்.
இப்படத்தில் இடம்பெற்ற 'பண்டாரதி புராணம்' என்கிற பாடல் குறிப்பிட்ட சாதியை குறிப்பிடுவது போல் இருப்பதாக கூறி... அந்த சமூகத்தைச் சேர்ந்த சிலர் போர்க்கொடி தூக்கிய நிலையில், பின்னர் அந்த வார்த்தையை பாடலில் இருந்து தூக்கி விட்டு 'மஞ்சனத்தி புராணம்' என்கிற வார்த்தையோடு இந்த பாடல் வெளியானது.
Pichaikaran
பிச்சைக்காரன்:
இயக்குனர் சசி இயக்கத்தில், விஜய் ஆண்டனி தன்னுடைய முதல் வெற்றியை பதிவு செய்த திரைப்படம் பிச்சைக்காரன். சட்னா டைட்டஸ் ஹீரோயினாக நடித்திருந்த இந்த படத்தில், பகவதி பெருமாள், தீபா ராமானுஜம், மோகன் ராமன், உள்ளிட்ட பலர் முக்கிய கதாபாத்திரத்தில் நடித்திருந்தனர். கடந்த 2016 ஆம் ஆண்டு வெளியான இந்த படத்தில், இடம்பெற்ற கிளாமர் என்கிற பாடலில்... "கோட்டாவில் சீட்டு வாங்கி டாக்டர் ஆகுறான். தப்பு தப்பா ஊசி போட்டு சாகடிக்கிறான்"என்கிற வரிகள் இடம் பெற்றது. இந்த வரிகள் மருத்துவத்துறையை சாடி, தவறாக சித்தரிக்கும் விதத்தில் இருப்பதாக கூறி மருத்துவர்கள் பலர் தங்களுடைய எதிர்ப்பை தெரிவித்தனர். இந்த பாடல் குறித்து மருத்துவ சங்கம் விசாரிக்க வேண்டும் என சிலர் புகார் கொடுத்ததை தொடர்ந்து, இந்த குறிப்பிட்ட வார்த்தைகளை படக்குழு நீக்கியது. இதன் பின்னர் விஜய் ஆண்டனி இது வேண்டும் என்றோ... யாருடைய மனதையும் புண்படுத்தும் நோக்கத்திலோ வைக்கப்பட்ட வரிகள் அல்ல என கூறி விளக்கம் அளித்தார்.
டாப் நடிகரின் படத்தில் ஆசையாக நடித்து மோசம் போன நக்மா! கவர்ச்சி நடிகையால் ஃபீல்ட் அவுட் ஆன சோகம்!
Latest Videos
Uthama Villan
உத்தம வில்லன்:
உலகநாயகன் கமலஹாசன் நடிப்பில் கடந்த 2015 ஆம் ஆண்டு வெளியான படத்தில் இடம் பெற்ற பாடல் வரிகள் மத உணர்வுகளை புண்படுத்தும் விதத்தில் இருந்ததாக கூறியது மிகப் பெரிய சர்ச்சைக்கு வழிவகுத்தது. கமலஹாசன் படங்கள் என்றாலே, சர்ச்சைகள் என்பது புதிதல்ல. கமல் நடித்த இந்த படத்தில், கே. பாலச்சந்தர், கே விஸ்வநாத், ஊர்வசி, ஜெயராம், ஆண்ட்ரியா, பூஜா குமார், பார்வதி திருவோத்து, நாசர், உள்ளிட்ட பபலர் நடித்திருந்தனர். மிகப்பெரிய நட்சத்திர பட்டாளத்தோடு உருவான இப்படம், வசூல் ரீதியாக 100 கோடியை எட்டிய போதிலும்... மிகப்பெரிய தோல்வி படமாகவே பார்க்கப்பட்டது.
மேலும் ஹிந்து பரிஷத் என்ற மத அமைப்பினர், பிரஹலாத் மற்றும் ஹிரண்யகசிபு இடையேயான உரையாடலைப் பற்றிய இரணியன் நாடகம் பாடலில் உள்ள வரிகள் மக்களின் மத உணர்வுகளை புண் படுத்துவதாக தெரிவித்தனர். இதில் இடம்பெற்ற வரிகள் விஷ்ணுவை பின்பற்றுபவர்களை நோகடிப்பதாக தெரிவித்ததை தொடர்ந்து அந்த குறிப்பிட்ட காட்சி நீக்கப்பட்டது.
Vaanam
வானம்:
நடிகர் சிம்பு நடிப்பில் 2011 ஆம் ஆண்டு வெளியான திரைப்படம் வானம். இப்படம் தெலுங்கில் வெளியான வேதம் என்கிற படத்தின் தமிழ் ரீமேக்காக வெளியானது. இந்த படத்தில் சிம்பு, பரத், பிரகாஷ்ராஜ், அனுஷ்கா செட்டி, சந்தானம், சோனியா அகர்வால், சரண்யா பொன்வண்ணன், போன்ற மிகப்பெரிய நட்சத்திர பட்டாளமே நடித்திருந்தது. 5 பேரின் கதை ஒரே இடத்தில் எப்படி இணைகிறது என்பது தான் இப்படத்தின் கதைக்களம். காதல், காமெடி, எமோஷன், என அனைத்தும் கலந்த ஒரு ஜெனரஞ்சகமான கதைக்களத்தில் இப்படம் உருவானது.
இந்த படத்தில் நடிகர் சிம்பு, யுவன் ஷங்கர் ராஜா இசையில்... 'எவண்டி உன்ன பெத்தான் பெத்தான்' என்கிற பாடலை பாடி இருந்தார். இந்த பாடல் மூலம் சிம்பு பெண்கள் மீது உள்ள வெறுப்பை வெளிப்படுத்துவது போல் இருப்பதாக கூறி மகளிர் அமைப்பை சேர்ந்தவர்கள் போர்க்கொடி தூக்கினர். பின்னர் இதற்கான விளக்கம் கொடுக்கப்பட்ட கொடுக்கப்பட்ட பின்னர், இந்த பிரச்சனை கட்டுக்குள் வந்தது.
Manmadhan Ambu
மன்மதன் அம்பு:
இயக்குனர் கே எஸ் ரவிக்குமார் இயக்கத்தில் கமலஹாசன், திரைக்கதை எழுதி நடித்திருந்த திரைப்படம் மன்மதன் அம்பு. இந்த படத்தில் கமல்ஹாசனுடன் திரிஷா, மாதவன், சங்கீதா, ஓவியா, போன்ற பலர் நடித்திருந்தனர். தேவி ஸ்ரீ பிரசாத் இசையமைத்திருந்த இந்த படத்தில் கமலின் கவிதை பாடலில் உள்ள வரிகளை நீக்க வேண்டும் என்றும், ஒருதரப்பினர் போர் கொடி உயர்த்தினர். கமல்ஹாசனை எதிர்த்து அவரின் அலுவலகம் முன்பு ஒரு போராட்டமே நடந்த நிலையில், அரைமனத்துடன் கமல் அந்த வரிகளை நீக்க ஒப்புக்கொண்டார். குறிப்பிட்ட வரிகள் நீக்கிய பின்னரே அந்த பாடம் இடம்பெற்றது.
சேனலை கிளிக் செய்து பின்தொடரவும்click me!