TRP ரேட்டிங்கில் விஜய் டிவி - சன் டிவிக்கு இடையே நடக்கும் கடுமையான போட்டி இந்த வார டாப் 10 லிஸ்ட் இதோ!

ஒவ்வொரு வாரமும் வியாழக் கிழமைகளில், கடந்த 7 நாட்களுக்கான TRP  ரேட்டிங் விவரம் வெளியாவது வழக்கம் அந்த வகையில் இந்த வருடத்தின் 31-ஆவது வாரத்திற்கான அர்பன் மற்றும் ரூரல் குறித்த TRP ரேட்டிங் பட்டியல் தற்போது வெளியாகியுள்ளது.  

singapenne

கடந்த சில வாரங்களாக முதல் இடத்தை பிடிக்க முடியாமல், போராடிய 'சிங்க பெண்ணே' சீரியல் இந்த வாரம் 9.11 TRP புள்ளிகளுடன் முதலிடத்தை பிடித்துள்ளது. சுயநினைவை இழந்த போது மகேஷிடம் தன்னை பறிகொடுத்த ஆனந்தி, தற்போது கர்ப்பமாக இருக்கும் நிலையில்... இந்த தகவல் வெளியே வந்தால் மகேஷ் தான் இந்த குழந்தைக்கு தந்தை என்பது தெரிய வருமா? அல்லது அன்பு ஆனந்தியை ஏற்று கொள்வாரா? என்கிற உச்ச கட்ட பரபரப்பில் இந்த தொடர் ஒளிபரப்பாகி வருகிறது.

கடந்த மாதம் முழுவதும் முதலிடத்தை தக்க வைத்து கொண்டிருந்த 'சிறகடிக்க ஆசை' தொடர் 8.86 புள்ளிகளுடன் இரண்டாவது இடத்தை பிடித்துள்ளது. ரோகிணி மீண்டும் கர்ப்பமாவதில் சிக்க இருக்க, இவருக்கு ஏற்கனவே குழந்தை இருபத்தி தெரிய வருமா? அல்லது மீனா - முத்து இருவரும் க்ரிஷை தங்களின் குழந்தையாக தத்தெடுப்பார்களா என்கிற எதிர்பார்ப்புடன் இந்த தொடர் ஒளிபரப்பாகிறது. இதை தொடர்ந்து மூன்றாவது இடத்தில்,  கயல் சீரியல் 8.76 TRP புள்ளிகளுடன் உள்ளது. ஜாதகத்தை நம்பி, எழிலை விட்டு கொடுக்க துணிந்த கயல் மீண்டும் எழிலுக்காக களத்தில் இறங்கி அடிக்க துணிந்துள்ளார். எனவே வரும் வாரம் கயல் சீரியலின் முக்கிய காட்சிகள் இடம்பெறும் என தெரிகிறது.

இதையடுத்து TRP லிஸ்டில் 8.27 புள்ளிகளுடன் நான்காவது இடத்தை பிடித்துள்ளது, 'மருமகள்' சீரியல். பிரபுவுக்கும், அதிரைக்கு செட்டே ஆகுது என்பது தெரியாமல் குடும்பமே பிரபுவுக்கு ஆதிரையை திருமணம் செய்து வைக்க நினைக்க... அடுத்தடுத்து என்ன நடக்க போகிறது என்பதை பொறுத்திருந்து பார்ப்போம். இதை தொடர்ந்து கூடிய விரைவில் முடிவுக்கு வர உள்ளதாக தெரிவிக்கப்பட்டுள்ள 'பாசமலர்' அண்ணன் - தங்கைகள் என சீரியல் ரசிகர்களால் புகழப்படும் வானத்தைப்போல செறியால் 7. 65 புள்ளிகளுடன் ஐந்தாவது இடத்தை பிடித்துள்ளது.

வெற்றிகரமாக 100-ஆவது நாளை எட்டியுள்ள மல்லி சீரியலில் தான், 7.44 புள்ளிகளுடன் ஆறாவது இடத்தை பிடித்துள்ளது. மல்லியை தன்னுடைய மகளுக்காக ஹீரோ திருமணம் செய்வாரா? என்கிற எதிர்பார்ப்புடன் இந்த தொடர் ஒளிபரப்பாகி வருகிறது. இதையடுத்து விஜய் டிவி தொடரான, 'பாக்கியலட்சுமி' 7.43 TRP புள்ளிகளுடன் 7-ஆவது இடத்தை பிடித்துள்ளது. ஏற்கனவே பாக்கியா - கோபி இடையே பிரச்சனை பற்றி எரியும் நிலையில், அடுத்தடுத்து புது புது பிரச்சனைகள் வருவது தான் இந்த சீரியலின் ஹை லைட் என கூறலாம்.

இந்த சீரியலுக்கு அடுத்த படியாக TRP லிஸ்டில், 6.79 புள்ளிகளுடன் 8-ஆவது இடத்தை கைப்பற்றி உள்ளது 'பாண்டியன் ஸ்டோர்' சீரியல். தங்க மயில் செய்த காரியத்தால், கதிர் மற்றும் சரவணன் சிக்க போகும் நிலையில் இதனை அவர்கள் எப்படி சமாளிக்க போகிறார்கள் என்பதை பொறுத்திருந்து பார்ப்போம். இதை தொடர்ந்து, சன் டிவியின் கூடிய விரைவில் முடிவுக்கு வர உள்ள சுந்தரி சீரியல் மிகவும் பின் தங்கி 7.16 TRP புள்ளிகளுடன் 9-ஆவது இடத்தை பிடித்துள்ளது.  கடைசி இடத்தில், சின்ன மருமகள் சீரியல் 5.77 TRP புள்ளிகளுடன் உள்ளது. தமிழ் செல்விக்கு எதிராக விரிக்கப்பட்ட வலையில்... அவள் சிக்குவாளா? என்ன நடக்க போகிறது என்பது இந்த சீரியல் மீதான பரபரப்பை அதிகரிக்க செய்துள்ளது.