ஒரு படத்துக்கு ஒரு கிளைமாக்ஸோ அல்லது இரண்டு கிளைமாக்ஸோ வைத்து பார்த்திருப்போம், ஆனால் ஒரு படத்திற்காக 5 கிளைமாக்ஸ் யோசித்திருக்கிறார் ஒரு இயக்குனர். அவர் யார் என பார்க்கலாம்.
5 Climaxes in Rs. 2000 Crore Film: Director Reveals Surprising Details : இயக்குநர் நிதீஷ் திவாரி இயக்கிய தங்கல் (Dangal) திரைப்படம் 2016-ல் வெளியானது. அமீர் கான் தான் இப்படத்தை தயாரித்து இருந்தார். இந்த திரைப்படம் மஹாவீர் சிங் போகட்டின் வாழ்க்கையை அடிப்படையாகக் கொண்டது. அவர் ஒரு மல்யுத்த வீரர். அவர் தனது மகள்களான கீதா போகட் மற்றும் பபிதா குமாரி ஆகியோருக்கு இந்தியாவின் முதல் உலகத் தரம் வாய்ந்த பெண் மல்யுத்த வீராங்கனைகளாக பயிற்சி அளித்தார். இந்த திரைப்படத்தில் அமீர்கான் உடன் பாத்திமா சனா ஷேக் மற்றும் சானியா மல்ஹோத்ரா ஆகியோர் முக்கிய கதாபாத்திரங்களில் நடித்திருந்தனர்.
தங்கல் படம் வெளியானவுடன் பல புதிய சாதனைகளை படைத்தது மற்றும் பல பழைய சாதனைகளை முறியடித்தது. இந்த திரைப்படம் வசூலில் உலக அளவில் அனைத்து இந்திய திரைப்படங்களையும் மிஞ்சியது. இந்த திரைப்படம் செய்த வசூலை இதுவரை எந்த இந்திய திரைப்படமும் செய்யவில்லை. தங்கல் திரைப்படத்தின் மொத்த உலகளாவிய வசூல் 2024 கோடி ரூபாய். அதே நேரத்தில் திரைப்படத்தின் பட்ஜெட் வெறும் 70 கோடி ரூபாய்.
இதையும் படியுங்கள்... ரிஸ்க் எடுக்குறதெல்லாம் இவங்களுக்கு ரஸ்க் சாப்பிடுற மாதிரி - படத்துக்காக உடல் எடையை குறைத்த டாப் ஹீரோஸ் லிஸ்ட்
தங்கல் திரைப்படத்திற்காக முதலில் டாப்சி பன்னு, தீக்ஷா சேத் மற்றும் அக்ஷரா ஹாசன் ஆகியோரை அணுகினார்கள். அவர்கள் அமீர்கானின் மகள்களாக நடிக்க மறுத்துவிட்டனர். அதன்பின்னரே பாத்திமா சனா ஷேக் மற்றும் சன்யா மல்ஹோத்ரா ஆகியோர் இறுதி செய்யப்பட்டனர். இப்படத்தில் அமீர்கானின் மனைவி கதாபாத்திரத்திற்காக மல்லிகா ஷெராவத் ஆடிஷன் செய்தார். ஆனால் அவர் அதில் தோல்வியடைந்தார். பின்னர் 70 நடிகைகளுக்கு ஆடிஷன் நடத்தப்பட்டது. இறுதியில் இந்த கதாபாத்திரத்தில் சாக்ஷி தன்வர் நடித்தார். அமீர்கான் இந்த கதாபாத்திரத்தை நிராகரித்திருந்தால் மோகன்லால் அல்லது கமல்ஹாசன் நடித்திருப்பார்கள் என்று கூறப்படுகிறது.
தங்கல் திரைப்படத்திற்காக அமீர்கான் தனது உடல் தோற்றத்தில் கடுமையாக உழைத்தார். தன்னை வயதானவராக காட்டிக்கொள்ள அவர் நிறைய முயற்சி செய்தார். அவர் சுமார் 25 கிலோ எடை அதிகரித்தார். இதனால் அவரது எடை 98 கிலோவாக அதிகரித்தது. இப்படி பல்வேறு ரிஸ்க் எடுத்து அமீர்கான் நடித்த இந்த மாஸ்டர் பீஸ் படத்தின் கிளைமாக்ஸ் அனைவரையும் கண்கலங்க வைக்கும் படி அமைக்கப்பட்டிருந்தது.
இதில் ஆச்சர்யம் என்னவென்றால் தங்கல் படத்திற்காக மொத்தம் 5 கிளைமாக்ஸை எழுதி வைத்திருந்தாராம் இயக்குனர் நிதீஷ் திவாரி. இறுதிப்போட்டியை காண அமீர்கான் வராத நிலையில், அவரது மகள்கள் எப்படி பதக்கம் வெல்வார்கள் என்பதை அடிப்படையாக வைத்து 5 விதமான கிளைமாக்ஸ் எழுதி இருந்தாராம். அதில் கிளைமாக்ஸில் தேசிய கீதம் பாடும் காட்சி இடம்பெற்றதால், அதில் அமீர்கான் போட்டியை காண வந்திருந்தால் நன்றாக அமையும் எனக் கருதி இறுதியில் அந்த கிளைமாக்ஸை படத்தில் வைத்தார்களாம்.
இதையும் படியுங்கள்... அமீர்கானின் புது காதலிக்கு 6 வயதில் குழந்தை இருக்கு; யார் இந்த கெளரி ஸ்ப்ராட்? வயது வித்தியாசம் என்ன?
சேனலை கிளிக் செய்து பின்தொடரவும்