SBI வாடிக்கையாளர்களுக்கு ஷாக்கிங் நியூஸ்..! ATM பரிவர்த்தனை கட்டணத்தை உயர்த்திய ஸ்டேட் வங்கி..

SBI வங்கி, பாரத ஸ்டேட் வங்கி அல்லாத பிற ஏடிஎம் பரிவர்த்தனை கட்டணங்களை உயர்த்தியுள்ளது. டிசம்பர் 1, 2025 முதல், இலவச வரம்பிற்குப் பிறகு பணம் எடுக்க ரூ.23 மற்றும் ஜிஎஸ்டி வசூலிக்கப்படும்.

பேலன்ஸ் செக், மினி ஸ்டேட்மென்ட் கட்டணமும் உயர்வு

பாரத ஸ்டேட் வங்கி அல்லாத பிற ஏடிஎம்களில் பேலன்ஸ் செக், மினி ஸ்டேட்மென்ட் போன்ற நிதி அல்லாத பரிவர்த்தனைகளுக்கு இப்போது ₹11 + ஜிஎஸ்டி செலுத்த வேண்டும். முன்பு இது ₹10 + ஜிஎஸ்டியாக இருந்தது.

சம்பளக் கணக்குதாரர்களுக்கு மிகப்பெரிய அதிர்ச்சி (Salary Account)

சம்பளக் கணக்கு மற்றும் சில சேமிப்புக் கணக்குதாரர்களுக்கு இது பெரிய அதிர்ச்சி. முன்பு மற்ற வங்கி ஏடிஎம்களில் வரம்பற்ற இலவச பரிவர்த்தனைகள் இருந்தன. இப்போது மாதத்திற்கு 10 மட்டுமே.

இலவச வரம்பு முடிந்ததும் புதிய கட்டணங்கள் அமல்

இந்த மாற்றம் மற்ற வங்கிகளின் ஏடிஎம்களை அதிகம் பயன்படுத்தும் லட்சக்கணக்கான ஊழியர்களை பாதிக்கும். சிறிய நகரங்களில் உள்ள வாடிக்கையாளர்கள் அதிகம் பாதிக்கப்படுவார்கள்.

வழக்கமான சேமிப்புக் கணக்குகளில் என்ன பாதிப்பு?

வழக்கமான சேமிப்புக் கணக்குதாரர்களுக்கான இலவச பரிவர்த்தனை எண்ணிக்கையில் எந்த மாற்றமும் இல்லை. மெட்ரோ மற்றும் கிராமப்புறங்களில் மாதத்திற்கு 5 இலவச பரிவர்த்தனைகள் தொடரும்.

எந்த கணக்குகளுக்கு பாதிப்பு இல்லை?

அடிப்படை சேமிப்பு வங்கி வைப்பு கணக்கு, கிசான் கிரெடிட் கார்டு (KCC) கணக்குகள் போன்ற சில கணக்குகளுக்கு இந்த மாற்றம் பொருந்தாது. எஸ்பிஐ ஏடிஎம்களில் பரிவர்த்தனைகள் இலவசம்.

ஏடிஎம் கட்டணங்களை சேமிப்பது எப்படி?

எஸ்பிஐ-யின் 63,000+ ஏடிஎம் நெட்வொர்க்கை அதிகம் பயன்படுத்தவும். மாத இலவச வரம்பை கண்காணிக்கவும். யோனோ ஆப், நெட் பேங்கிங் மூலம் பேலன்ஸ் சரிபார்ப்பது இலவசம்.