உங்கள் பெயரில் எத்தனை கடன்கள் இருக்கிறது தெரியுமா.? ஒரே நிமிடத்தில் கண்டுபிடிக்கலாம்

உங்கள் பான் எண்ணுடன் எத்தனை கடன்கள் இணைக்கப்பட்டுள்ளன என்பதை எளிதாக தெரிந்து கொள்ளலாம். இது உங்கள் கடன் வரலாற்றைத் தெளிவாகக் காட்டி, போலி கடன்களை முன்கூட்டியே கண்டறிய உதவுகிறது.

பான் கடன் சரிபார்ப்பு

இன்றைய காலத்தில் பலருக்கு தங்கள் பான் எண்ணுடன் எத்தனை கடன்கள் இணைக்கப்பட்டுள்ளன என்பது தெளிவாகத் தெரியவில்லை. ஒரு காலத்தில் எடுத்த கடனை மறந்து விடலாம். சில நேரங்களில் அடையாளத் திருட்டு காரணமாக யாராவது உங்கள் பெயரில் கடன் பெற்றிருக்க கூடும். இப்படியான சூழ்நிலைகள் எதிர்காலத்தில் நிதி சிக்கலை உருவாக்கலாம். அதனால் உங்கள் பான் எண்ணுடன் தொடர்புடைய கடன் விவரங்கள் சரிபார்ப்பது பாதுகாப்பான பழக்கமாகும்.

பான் எண்ணில் கடன் விவரம்

இதற்கான முக்கியமான கருவி கிரெடிட் அறிக்கை. இது உங்கள் நிதி பழக்கவழக்கங்களின் முழு பதிவாகும். இதில் நீங்கள் எடுத்துள்ள செயலில் உள்ள கடன்கள், ஏற்கனவே முடித்த கடன்கள், எந்த நிறுவனம் கடன் வழங்கியது, எவ்வளவு பாக்கி உள்ளது, தவணை கட்டணம் சரியாக செலுத்தப்பட்டதா போன்ற தகவல்கள் இருக்கும். வங்கிகள் மற்றும் நிதி நிறுவனங்கள் இந்த விவரங்களை கிரெடிட் பீரோக்களுக்கு அனுப்புவதால், உங்கள் கடன் வரலாறு ஒரே இடத்தில் பதிவாகி இருக்கும்.

கிரெடிட் அறிக்கை பார்க்க

இந்த அறிக்கையைப் பெறுவது சுலபம். அதிகாரப்பூர்வ கிரெடிட் பீரோக்களின் இணையதளம் அல்லது செயலி மூலம் பதிவு செய்து பார்க்கலாம். பொதுவாக பான் எண், பெயர், பிறந்த தேதி, மொபைல் எண் போன்ற விவரங்களை OTP மூலம் சரிபார்ப்பு செய்ய வேண்டும். உள்நுழைந்த பிறகு உங்கள் கிரெடிட் அறிக்கையைப் பார்த்து அனைத்து கடன் விவரங்களையும் அறியலாம். பல நிதி சேவை செயலிகளும் இதே தகவலை வழங்குகின்றன.

கடன் வரலாறு

அறிக்கையைப் பார்க்கும் போது உங்களுக்குத் தெரியாத கடன் ஏதேனும் இருந்தால் உடனே நடவடிக்கை எடுக்க வேண்டும். சம்பந்தப்பட்ட நிறுவனத்தை தொடர்பு கொள்ளவும், தேவையெனில் புகார் அளிக்கவும். ஆண்டுக்கு குறைந்தது ஒருமுறையாவது கிரெடிட் அறிக்கையை சரிபார்ப்பது நல்லது. குறிப்பாக புதிய கடன் பெறும் முன் கண்டிப்பாக பார்க்க வேண்டும். இப்படிச் செய்தால் உங்கள் நிதி நிலை தெளிவாக தெரியும்; தவறான அல்லது போலி கடன்களையும் முன்கூட்டியே கண்டறியலாம்.