ரயில்களுக்கு ஒரு குறிப்பிட்ட சேவை காலம் உண்டு. பழைய பயணிகள் பெட்டிகளை சரக்கு ரயில்களாக மாற்றுவார்கள். இறுதியாக, பயன்பாட்டிற்கு உதவாத ரயில்களை 'மிஷன் ஜீரோ ஸ்கிராப்' கொள்கையின் கீழ் உடைத்து, அதன் உலோகம் மற்றும் பிற பாகங்களை மறுசுழற்சி செய்வார்கள்.
எல்லாவற்றுக்கும் ஒரு முடிவு உண்டு. அதுபோல, வாகனங்களுக்கும் ஒரு பயன்பாட்டு வரம்பு இருக்கிறது. விமானங்கள் கூட குறிப்பிட்ட காலத்திற்குப் பிறகு பறப்பதை நிறுத்திவிடும். தினமும் லட்சக்கணக்கான பயணிகளை ஏற்றிச் செல்லும் ரயில்களின் ஆயுள் எவ்வளவு ஆண்டுகள் தெரியுமா?
26
வேலைக்கு உதவாத பழைய ரயில்கள்
பல ஆண்டுகளாக லட்சக்கணக்கான மக்களைப் பாதுகாப்பாகக் கொண்டு சேர்க்கும் ரயில்களுக்கு, மனிதர்களுக்கு 60 வயதில் ஓய்வு பெறுவது போல, ஓய்வுக்காலம் உள்ளதா? பழைய அல்லது வேலைக்கு உதவாத ரயில்களை என்ன செய்வார்கள் என்ற முழு விவரத்தையும் இங்கே பார்க்கலாம்.
36
பெட்டி, இன்ஜின், மற்றும் வேகன்
ரயிலின் ஒவ்வொரு பெட்டி, இன்ஜின் மற்றும் வேகன்களும் சில ஆண்டுகள் மட்டுமே செயல்படும். உதாரணமாக, பழைய மாடல் பயணிகள் ரயில்கள் 25 முதல் 30 ஆண்டுகள் வரை சிறப்பாக இயங்கும். அதன் பிறகு அவற்றை மாற்றிவிடுவார்கள். நவீன ரயில்கள் 35 ஆண்டுகள் வரை நீடித்து உழைக்கும்.
ரயிலின் பெட்டிகளையோ, இன்ஜின்களையோ பழுதானவுடன் மாற்றிவிட மாட்டார்கள். முதலில், பிரச்சனையை சரிசெய்து மீண்டும் சேவைக்கு பயன்படுத்துவார்கள். ஆனால், அடிக்கடி பழுது ஏற்பட்டால், அதை பயணிகள் சேவையிலிருந்து நீக்கிவிடுவார்கள். சில சமயம், பயணிகள் ரயில் பெட்டிகளை சரக்கு ரயிலாக மாற்றுவார்கள். அப்படி மாற்றிய பிறகும், அது நான்கு முதல் ஐந்து ஆண்டுகள் வரை பயன்பாட்டில் இருக்கும்.
56
மிஷன் ஜீரோ ஸ்கிராப்
இந்திய ரயில்வே 'மிஷன் ஜீரோ ஸ்கிராப்' என்ற புதிய கொள்கையை அமல்படுத்தியுள்ளது. இந்தக் கொள்கையின் ஒரு பகுதியாக, டீசல் இன்ஜின்களை படிப்படியாக நீக்கிவிட்டு, அவற்றின் இடத்தில் எலக்ட்ரிக் ரயில்களை அறிமுகப்படுத்தியுள்ளது.
66
மறுசுழற்சி
பழைய ரயில்களை என்ன செய்வார்கள் என்ற உங்கள் சந்தேகத்திற்கு இதோ பதில். ஒரு ரயில் இனி பயன்பாட்டிற்கு உதவாது என உறுதியானதும், அதைத் துண்டு துண்டாகப் பிரிப்பார்கள். அதில் உள்ள இரும்பு, எஃகு, தாமிரம், அலுமினியம், பித்தளை போன்ற பாகங்களைத் தனியாகப் பிரித்தெடுப்பார்கள். இருக்கைகள், மின்விசிறிகள், விளக்குகள், பேட்டரிகள் போன்ற சிறிய பாகங்களையும் அகற்றி, அவற்றில் பயனுள்ளவற்றை மீண்டும் பயன்படுத்துவார்கள். இல்லையென்றால், அவற்றை மறுசுழற்சிக்கு (recycle) அனுப்பிவிடுவார்கள்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
