ரூ.6 லட்சத்தில்.. 360° கேமரா, 5-ஸ்டார் பாதுகாப்பு தரும் எஸ்யூவி.. இந்தியர்களுக்கான வரப்பிரசாதம்

நிசான் மேக்னைட், ரூ.6 லட்சத்திற்கும் குறைவான ஆரம்ப விலையில் கிடைக்கும் ஒரு எஸ்யூவி ஆகும். இது டாடா பஞ்ச் மற்றும் ஹூண்டாய் எக்ஸ்டர் போன்ற மாடல்களுக்கு போட்டியாக நவீன அம்சங்களுடன் வருகிறது.

நிசான் மேக்னைட்

ரூ.6 லட்சத்திற்குள் ஒரு எஸ்யூவி வாங்க நினைப்பவர்களுக்கு நிசான் மேக்னைட் (Nissan Magnite) ஒரு கவனிக்கத்தக்க தேர்வாக இருக்கிறது. இந்த விலை பிரிவில், டாடா பஞ்ச் மற்றும் ஹூண்டாய் எக்ஸ்டர் போன்ற மாடல்களுக்கு நேரடி போட்டியாக நிசான் மேக்னைட் உள்ளது. குறைந்த விலையிலும் அதிக வசதிகள், பாதுகாப்பு அம்சங்கள் என பல காரணங்களால் இந்த எஸ்யூவி வாடிக்கையாளர்களை ஈர்த்து வருகிறது.

நிசான் மேக்னைட் விலை

நிசான் நிறுவனத்தின் அதிகாரப்பூர்வ தகவலின்படி, மேக்னைட் எஸ்யூவி-யின் ஆரம்ப விலை ரூ.5,61,643 (எக்ஸ்-ஷோரூம்). மேல் நிலை மாடல் ரூ.9,64,124 (எக்ஸ்-ஷோரூம்) வரை செல்கிறது. மேனுவல் கியர்பாக்ஸ் கொண்ட இந்த மாடல்களுக்கு கூடுதலாக, AMT வேரியன்ட் ரூ.6,16,984 முதல் ரூ.8,98,264 வரை விலையில் கிடைக்கிறது. மேலும், Kuro ஸ்பெஷல் எடிஷன் ரூ.7,59,682 முதல் ரூ.9,93,853 வரை விலையில் வழங்கப்படுகிறது. CVT ஆட்டோமேட்டிக் மாடல் ரூ.9,14,180 முதல் ரூ.10,75,721 வரை உள்ளது.

டாடா பஞ்ச் போட்டியாளர்

இந்த விலையில், மேக்னைட் எஸ்யூவி, டாடா பஞ்ச் மற்றும் ஹூண்டாய் எக்ஸ்டர் மாடல்களுடன் போட்டியிடுகிறது. டாடா பஞ்ச் ரூ.5,49,990 (எக்ஸ்-ஷோரூம்) விலையிலும், ஹூண்டாய் எக்ஸ்டர் ரூ.5,68,000 (எக்ஸ்-ஷோரூம்) முதல் விலையிலும் கிடைக்கிறது. எனினும், வசதிகள் மற்றும் டிசைன் காரணமாக மேக்னைட் தனித்துவமாக நிற்கிறது.

நிசான் மேக்னைட் அம்சங்கள்

இன்ஜின் விஷயத்தில், இந்த எஸ்யூவி 1.0 லிட்டர் நேச்சுரலி அஸ்பிரெட்டெட் பெட்ரோல் இன்ஜினும், 1.0 லிட்டர் டர்போ பெட்ரோல் இன்ஜினும் உள்ளது. மைலேஜ் பார்க்கும் போது, ​​பெட்ரோல் மேனுவலில் லிட்டருக்கு 19.9 கி.மீ., ஆட்டோமேட்டிக்கில் 19.7 கி.மீ., மேலும் சிஎன்ஜி வேரியன்டில் கிலோ 24 கி.மீ. வரை மைலேஜ் தருகிறது.

குறைந்த விலை எஸ்யூவி

பாதுகாப்பு அம்சங்களில், இந்த எஸ்யூவி ABS உடன் EBD, ஆறு ஏர்பேக்கள், ஹில் ஸ்டார்ட் அசிஸ்ட், டிராக்ஷன் கண்ட்ரோல், ரியர் பார்க்கிங் சென்சார்கள் மற்றும் ISOFIX குழந்தை இருக்கை மவுண்டுகளை கொண்டுள்ளது. Global NCAP சோதனையில் 5-ஸ்டார் பாதுகாப்பு மதிப்பீடு பெற்றுள்ளது என்பது முக்கிய பலம். இதனுடன், 360 டிகிரி கேமரா, வயர்லெஸ் Apple CarPlay & Android Auto, டிஜிட்டல் இன்ஸ்ட்ரூமெண்ட் கிளஸ்டர், வயர்லெஸ் சார்ஜர், புஷ் ஸ்டார்ட்/ஸ்டாப், ஆறு ஸ்பீக்கர் ஆடியோ சிஸ்டம் மற்றும் க்ரூஸ் கண்ட்ரோல் போன்ற நவீன வசதிகள் வழங்கப்படுகின்றன.